ಎಲ್​ಒಸಿ ಸಮೀಪವೇ ಕಾಣಿಸಿತ್ತು ಪಾಕ್​ ಫೈಟರ್ ಜೆಟ್​ !

ನವದೆಹಲಿ: ಜಮ್ಮು-ಕಾಶ್ಮೀರದ ಗಡಿ ಭಾಗದಲ್ಲಿ ಕದನ ವಿರಾಮ ಉಲ್ಲಂಘನೆ ಪ್ರಕರಣ ಹೆಚ್ಚಿದ್ದು, ಉಗ್ರರು ಸುರಂಗ ಕೊರೆದು ಭಾರತ ಪ್ರವೇಶಿಸಲು ಪ್ರಯತ್ನಿಸುತ್ತಿರುವುದು ಮುಂದುವರಿದಿರುವಂತೆಯೇ ಪಾಕಿಸ್ತಾನದ ಫೈಟರ್ ಜೆಟ್ ಒಂದು ಲೈನ್ ಆಫ್ ಕಂಟ್ರೋಲ್​ (ಎಲ್​ಒಸಿ) ಸಮೀಪವೇ ಕಾಣಿಸಿಕೊಂಡು ಅಚ್ಚರಿ ಮೂಡಿಸಿದೆ.

ಪೂಂಛ್ ಜಿಲ್ಲೆಯ ಗಡಿ ಬಾಗದಲ್ಲಿ ಪಾಕಿಸ್ತಾನದ ಫೈಟರ್​ ಜೆಟ್ ಸೋಮವಾರ ಬೆಳಗ್ಗೆ ಹಾರಾಟ ನಡೆಸಿತ್ತು. ಈ ಮೂಲಕ ಪಾಕಿಸ್ತಾನ ಸೇನೆ ಅಂತಾರಾಷ್ಟ್ರೀಯ ಕಾನೂನು ಉಲ್ಲಂಘಿಸಿದೆ. ಅಂತಾರಾಷ್ಟ್ರೀಯ ಕಾನೂನಿನ ಪ್ರಕಾರ ಫೈಟರ್ ಜೆಟ್​ಗಳು ಗಡಿ ಭಾಗದಲ್ಲಿ 10 ಕಿ.ಮೀ. ಸುತ್ತಳತೆ ವ್ಯಾಪ್ತಿಯಲ್ಲಿ ಹಾರಾಟ ನಡೆಸುವುದನ್ನು ನಿಷೇಧಿಸಲಾಗಿದೆ. ಆದಾಗ್ಯೂ ಪಾಕ್ ಈ ಅತಿಕ್ರಮಣ ತೋರಿದೆ.

ಇದನ್ನೂ ಓದಿ: FACT CHECK | ಅರ್ಚಕರ ಜತೆಗೆ ಚಿರತೆ ಕುಟುಂಬ ಮಲಗುತ್ತಿದ್ದ ವೈರಲ್ ವಿಡಿಯೋದ ನಿಜಾಂಶವೇನು?

ಆಕಾಶದಲ್ಲಿ ಜೆಟ್​ ಸ್ಟ್ರೀಮ್ ಸ್ಪಷ್ಟವಾಗಿ ಗೋಚರಿಸಿದೆ. ಇದಕ್ಕೂ ಮೊದಲು ಕೆಲವು ಡ್ರೋನ್​ಗಳು ಹಾರಾಟ ನಡೆಸಿದ್ದವು ಎಂದು ಸೇನಾ ಮೂಲಗಳು ತಿಳಿಸಿವೆ. ಈ ಕುರಿತ ಇನ್ನಷ್ಟು ಮಾಹಿತಿ ಲಭ್ಯವಾಗಬೇಕಷ್ಟೆ. (ಏಜೆನ್ಸೀಸ್)

https://www.vijayavani.net/fact-check-video-of-man-cuddling-cheetahs-in-rajasthan-temple/