ನಾಯಕನಾಗಿ ಆತನೊಬ್ಬನೇ ಆಡಿದರೆ ಸಾಲದು; ಪಾಕ್​ ನಾಯಕನ ಬೆನ್ನಿಗೆ ನಿಂತ ಮಾಜಿ ಕ್ರಿಕೆಟಿಗ

ನವದೆಹಲಿ:ಈ ಬಾರಿಯ ಚುಟುಕು ವಿಶ್ವ ಸಮರದಲ್ಲಿ ಗೆಲ್ಲುವ ವಿಶ್ವಾಸದೊಂದಿಗೆ ಕಣಕ್ಕಿಳಿದ ಪಾಕಿಸ್ತಾನ ಕ್ರಿಕೆಟ್​ ತಂಡವು ಹೀನಾಯ ಪ್ರದರ್ಶನದಿಂದಾಗಿ ಸೂಪರ್​ 08 ಹಂತ ಪ್ರವೇಶಿಸುವಲ್ಲಿ ವಿಫಲವಾಗಿ ತೀವ್ರವಾಗಿ ಟೀಕೆಗೆ ಗುರಿಯಾಗಿತ್ತು. ಇತ್ತ ಪಾಕ್​ ತಂಡದ ಕಳಪೆ ಪ್ರದರ್ಶನಕ್ಕೆ ನಾಯಕ ಬಾಬರ್​ ಅಜಂ ಮಾತ್ರವಲ್ಲದೇ ತಂಡದಲ್ಲಿರುವ ಬೇರೆ ಆಟಗಾರರು ಸಂಕಷ್ಟಕ್ಕೆ ಸಿಲುಕಿದ್ದು, ತಲೆದಂಡ ಅಥವಾ ದೇಶದ್ರೋಹ ಪ್ರಕರಣ ದಾಖಲಾಗುವ ಸಾಧ್ಯತೆ ಹೆಚ್ಚಿದೆ. ಆದರೆ, ಇದೀಗ ಪಾಕಿಸ್ತಾನ ಕ್ರಿಕೆಟ್​ ತಂಡದ ಮಾಜಿ ಆಟಗಾರನೋರ್ವ ಬಾಬರ್​ ಅಜಂ ಪರ ಮಾತನಾಡಿದ್ದು, ಆತ ತನ್ನ ಜವಾಬ್ದಾರಿಯನ್ನು ಸರಿಯಾಗಿ ನಿಭಾಯಿಸಿದ್ದಾನೆ ಎಂದು ಹೇಳುವ ಮೂಲಕ ಬೆಂಬಲಿಸಿದ್ದಾರೆ.

ಪಾಕಿಸ್ತಾನದ ಪ್ರದರ್ಶನದ ಕುರಿತು ಮಾತನಾಡಿರುವ ಮುಷ್ತಾಕ್​ ಅಹ್ಮದ್​, ಕಳೆದ ಬಾರಿಗೆ ನೋಡಿದರೆ ಬಾಬರ್​ ಆಟದಲ್ಲಿ ಸಾಕಷ್ಟು ಬದಲಾವಣೆಯಾಗಿದ್ದು, ಆಕ್ರಮಣಶೀಲತೆಯ ಬದಲಾಗಿ ಅವರು ಶಾಂತವಾಗಿ ಆಡುತ್ತಿದ್ದಾರೆ. ನನ್ನ ಪ್ರಕಾರ ಆತ ಇಷ್ಟೊಂದು ಸುಧಾರಣೆ ಕಂಡಿರುವುದು ಉತ್ತಮ ಬೆಳವಣಿಗೆಯಾಗಿದ್ದು, ಒಬ್ಬ ಆಟಗಾರನಿಗೆ ಇಷ್ಟು ಸಾಕು ಎನ್ನಿಸುತ್ತದೆ.

ಇದನ್ನೂ ಓದಿ: ಇದು ರಾಜ್ಯವೇ ಖುಷಿಪಡುವ ಸುದ್ದಿ ಎಂದು ಖ್ಯಾತಿ ಪಡೆದವಳ ಕರಾಳ ಕೃತ್ಯ ಬಯಲು; ದಿವ್ಯಾ ವಸಂತ ಗ್ಯಾಂಗ್​ನ ದುಷ್ಕೃತ್ಯ ಬಯಲು

ಒಬ್ಬ ನಾಯಕನಾಗಿ ಆತ ಮಾತ್ರ ಆಡಬೇಕು ಎಂದರೆ ಹೇಗೆ. ಉಳಿದ ಆಟಗಾರರಿಗೂ ಜವಾಬ್ದಾರಿ ನೀಡಲಾಗಿದ್ದು, ಅವರು ಆಡಿದರೆ ಮಾತ್ರ ತಂಡ ಗೆಲ್ಲಲು ಸಾಧ್ಯವಾಗುತ್ತದೆ. ಕಳೆದ 3-4 ವರ್ಷಗಳಿಂದ ಇದಾಗುತ್ತಿದ್ದು, ಬಾಬರ್ ಹೊರತುಪಡಿಸಿ ಇತರ ಆಟಗಾರರು ಪರಿಣಾಮ ಬೀರದಿದ್ದಾಗ ಆತ ಸ್ಕೋರ್​ ಮಾಡುತ್ತಾನೆ. ನಾಯಕ ಮಾತ್ರವಲ್ಲದೇ ತಂಡದಲ್ಲಿರುವ ಎಲ್ಲರೂ ಆಡಿದರೆ ಮಾತ್ರ ಗೆಲುವು ದಕ್ಕುತ್ತದೆ.

ನಾವು ಬಾಬರ್​ ಬಗ್ಗೆ ಮಾತನಾಡಲು ಪ್ರಾರಂಭಿಸಿದರೆ ಆತನನ್ನು ವಿಶ್ವದಾದ್ಯಂತ ಜನರು ಗೌರವಿಸಲು ಶುರು ಮಾಡುತ್ತಾರೆ. ಆತ ಪಾಕಿಸ್ತಾನಕ್ಕೆ ಗೌರವವ ತಂದು ಕೊಡುತ್ತಾನೆ ಎಂಬ ವಿಶ್ವಾಸ ನನಗಿದೆ. ಜನರು ಬಾಬರ್​ ಪಾಕಿಸ್ತಾನ ಕ್ರಿಕೆಟ್​ಗೆ ನೀಡಿರುವ ಕೊಡುಗೆಯನ್ನು ಗಮನದಲ್ಲಿಟ್ಟುಕೊಂಡು ಆತನನ್ನು ಗೌರವಿಸುವುದು ಸೂಕ್ತ ಎಂದು ಮಾಜಿ ಕ್ರಿಕೆಟಿಗ ಮುಷ್ತಾಕ್​ ಅಹ್ಮದ್​ ಹೇಳಿದ್ದಾರೆ.

https://www.vijayavani.net/video-nita-ambani-bursts-into-tears-as-rohit-sharma-hardik-pandya-suryakumar-yadav-get-standing-ovation-at-anant-ambanis-wedding-function

https://www.vijayavani.net/on-virat-kohlis-time-for-youngsters-to-take-over-remark-shubman-gills-response-viral