ಗಡಿಯಲ್ಲಿ ಸೇನೆಯ ದೀಪಾವಳಿ; ಪಾಕಿಸ್ತಾನದ ಬಂಕರ್​, ಲಾಂಚ್​ ಪ್ಯಾಡ್​ಗಳು ಪುಡಿಪುಡಿ

ಶ್ರೀನಗರ: ಜಮ್ಮು ಕಾಶ್ಮೀರದ ವಿವಿಧ ಭಾಗಗಳಲ್ಲಿ ಕದನ ವಿರಾಮ ಉಲ್ಲಂಘನೆ ಮಾಡಿ ದಾಳಿ ನಡೆಸಿ, ನಾಲ್ವರು ಯೋಧರು ಮತ್ತು ಮೂವರು ನಾಗರಿಕರನ್ನು ಹತ್ಯೆ ಮಾಡಿರುವ ಪಾಕಿಸ್ತಾನಿ ಸೇನೆಗೆ ಭಾರತೀಯ ಸೇನೆ ತಕ್ಕ ಪಾಠ ಕಲಿಸಿದೆ. ಗಡಿ ನಿಯಂತ್ರಣ ರೇಖೆ ಬಳಿಯಲ್ಲಿರುವ ಪಾಕಿಸ್ತಾನಿ ಬಂಕರ್​ಗಳು ಮತ್ತು ಅಲ್ಲಿನ ಲಾಂಚ್​ ಪ್ಯಾಡ್​ಗಳನ್ನು ಸೇನೆ ಹೊಡೆದುರುಳಿಸಿದೆ.

ಇದನ್ನೂ ಓದಿ: ವಿದ್ಯುತ್ ಬರ ನೀಗಿ ಬೇರೆ ರಾಜ್ಯಗಳಿಗೂ ಸರಬರಾಜು ಮಾಡುವ ಸಾಮರ್ಥ್ಯ ನಮ್ಮ ರಾಜ್ಯಕ್ಕಿದೆ

ಜಮ್ಮು ಕಾಶ್ಮೀರದ ಬಾರಾಮುಲ್ಲಾ, ಕುಪ್ವಾರ ಮತ್ತು ಬಂಡಿಪೋರಾ ಜಿಲ್ಲೆಗಳಲ್ಲಿ ಉರಿ, ನೌಗಾಂವ್​, ತಂಗ್ಧರ್​, ಕೆರನ್​ ಮತ್ತು ಗುರೆಜ್​ನಾದ್ಯಂತ ಹರಡಿರುವ ಪಾಕಿಸ್ತಾನಿ ಬಂಕರ್​ಗಳನ್ನು ಸೇನೆ ಕ್ಷಿಪಣಿಗಳ ಮೂಲಕ ಹೊಡೆದುರುಳಿಸಿದೆ. ಜತೆಯಲ್ಲಿ ಕೆಲವು ಲಾಂಚ್​ ಪ್ಯಾಡ್​ಗಳನ್ನು ಕ್ಷಿಪಣಿಗಳ ಮೂಲಕ ಧ್ವಂಸಗೊಳಿಸಲಾಗಿದೆ. ಇದರ ವಿಡಿಯೋಗಳನ್ನು ಹಂಚಿಕೊಳ್ಳಲಾಗಿದೆ. ಈ ದಾಳಿಯಲ್ಲಿ ಕನಿಷ್ಠ 7-8 ಪಾಕ್​ ಸೈನಿಕರು ಮೃತರಾಗಿದ್ದಾರೆ. 10ಕ್ಕೂ ಅಧಿಕ ಯೋಧರು ಗಾಯಾಳುಗಳಾಗಿದ್ದಾರೆ ಎಂದು ಸೇನಾಧಿಕಾರಿಗಳು ತಿಳಿಸಿದ್ದಾರೆ.

ಇದನ್ನೂ ಓದಿ: ಚಿನ್ನಾಭರಣ ದೋಚುತ್ತಿದ್ದ ಗ್ಯಾಂಗ್ ಕುರಿ, ಮೇಕೆಯನ್ನೂ ಬಿಡ್ತಿರಲಿಲ್ಲ!

ಇದಕ್ಕೂ ಮೊದಲು ಪಾಕಿಸ್ತಾನ ಅನೇಕ ಸ್ಥಳಗಳಲ್ಲಿ ಕದನ ವಿರಾಮ ಉಲ್ಲಂಘನೆ ಮಾಡಿ ತನ್ನ ಅಟ್ಟಹಾಸ ಮೆರೆದಿತ್ತು. ಬಾರಾಮುಲ್ಲಾ ಜಿಲ್ಲೆಯ ನಾಂಬಲ ಸೆಕ್ಟರ್​ನಲ್ಲಿ ಇಬ್ಬರು ಯೋಧರನ್ನು ಹತ್ಯೆ ಮಾಡಿತ್ತು. ಬಿಎಸ್​ಎಫ್​ನ ಜವಾನ್​ ಒಬ್ಬರನ್ನು ಹತ್ಯೆ ಮಾಡಲಾಗಿತ್ತು. ಒಟ್ಟು ನಾಲ್ವರು ಯೋಧರು ಮತ್ತು ಮೂವರು ನಾಗರಿಕರು ಪಾಕ್​ ಸೇನೆಯಿಂದಾಗಿ ಹುತಾತ್ಮರಾಗಿದ್ದರು. (ಏಜೆನ್ಸೀಸ್​)

https://www.vijayavani.net/will-rohit-sharma-have-won-these-ipl-titles-if-he-was-given-the-rcb-team/