ಸೌಥಾಂಪ್ಟನ್: ಇಂಗ್ಲೆಂಡ್ ಬೌಲರ್ಗಳು ಸೌಥಾಂಪ್ಟನ್ನಲ್ಲಿ ಗುರುವಾರ ಆರಂಭಗೊಂಡ 2ನೇ ಟೆಸ್ಟ್ ಪಂದ್ಯದಲ್ಲಿ ಪ್ರವಾಸಿ ಪಾಕಿಸ್ತಾನ ತಂಡಕ್ಕೆ ಆರಂಭ ಆಘಾತ ನೀಡಿದ್ದರೂ ಫೀಲ್ಡರ್ಗಳು ಮಾತ್ರ ಟ್ರೋಲ್ಗೆ ಒಳಗಾಗಿದ್ದಾರೆ. ದ ರೋಸ್ ಬೌಲ್ ಸ್ಟೇಡಿಯಂನಲ್ಲಿ ಆರಂಭಗೊಂಡ ಪಂದ್ಯದಲ್ಲಿ ಇನಿಂಗ್ಸ್ನ 3ನೇ ಓವರ್ನಲ್ಲೇ ಜೇಮ್ಸ್ ಆಂಡರ್ಸನ್ ಪಾಕ್ನ ಶಾನ್ ಮಸೂದ್ ವಿಕೆಟ್ ಕಬಳಿಸಿ ಆಘಾತ ನೀಡಿದರು. ಮಸೂದ್ ನಿರ್ಗಮನದ ಬೆನ್ನಲ್ಲೇ ಅಬಿದ್ ಎರಡು ಬಾರಿ ಜೀವದಾನ ಪಡೆದರು. ಇದು ಇಂಗ್ಲೆಂಡ್ ಅಭಿಮಾನಿಗಳ ಕೆಂಗಣ್ಣಿಗೂ ಗುರಿಯಾಗಿತ್ತು. ಜತೆಗೆ ವೀಕ್ಷಕ ವಿವರಣೆ ನೀಡುತ್ತಿದ್ದ ಪಾಕಿಸ್ತಾನದ ಮಾಜಿ ನಾಯಕ ರಮೀಜ್ ರಾಜಾ, ಇಂಗ್ಲೆಂಡ್ ಫೀಲ್ಡರ್ ಗಳು ಸಾಮಾಜಿಕ ಅಂತರ ಕಾಯ್ದುಕೊಳ್ಳುತ್ತಿದ್ದಾರೆ ಎಂದು ಟ್ವೀಟ್ ಮಾಡುವ ಮೂಲಕ ಟ್ರೋಲ್ ಮಾಡಿದ್ದಾರೆ.
