ಕೊಹ್ಲಿಯನ್ನು ಸಿಂಹಕ್ಕೆ ಹೋಲಿಸಿದಕ್ಕೆ ಆರ್​ಸಿಬಿ ಕಾಲೆಳೆದ ಸಿಎಸ್​ಕೆ...!

ಬೆಂಗಳೂರು: 13ನೇ ಆವೃತ್ತಿಯ ಇಂಡಿಯನ್​ ಪ್ರೀಮಿಯರ್​ ಲೀಗ್​ (ಐಪಿಎಲ್​) ಆರಂಭಕ್ಕೆ ದಿನಗಣನೆ ಆರಂಭಗೊಂಡಿದೆ. ತಂಡಗಳ ಪರಸ್ಪರ ಕಾಲೆಳೆಯುವ ಭರಾಟೆಯೂ ಜೋರಾಗಿಯೇ ಸಾಗಿದೆ. ಮೊನ್ನೆಯಷ್ಟೇ ವಿಶ್ವ ಸಿಂಹ ದಿನದ ಅಂಗವಾಗಿ ನಾಯಕ ವಿರಾಟ್​ ಕೊಹ್ಲಿಯನ್ನು ಸಿಂಹಕ್ಕೆ ಹೋಲಿಸಿ ಆರ್​ಸಿಬಿ ಟ್ವೀಟ್​ ಮಾಡಿತು. ಜತೆಗೆ ಅಭಿಮಾನಿಗಳು ಸಿಂಹ ಹಾಗೂ ಕೊಹ್ಲಿ ನಡುವಿನ ವ್ಯತ್ಯಾಸ ಗುರಿತಿಸಿ ಎಂದು ಹೇಳಲಾಗಿತ್ತು. ಇದಕ್ಕೆ ಸಿಎಸ್​ಕೆ ಸಾಮಾಜಿಕ ಜಾಲತಾಣಗಳಲ್ಲಿ ಆರ್​ಸಿಬಿ ಕಾಲೆಳೆಯುವ ಮೂಲಕ ಚರ್ಚೆ ನಾಂದಿ ಹಾಡಿದೆ.

ಇದನ್ನೂ ಓದಿ: 10 ವರ್ಷಗಳ ಬಳಿಕ ಪಾಕ್​ ತಂಡಕ್ಕೆ ವಾಪಸಾದ ಫವಾದ್​ ಅಲಂ..!

ಆರ್​ಸಿಬಿ ಚಿತ್ರಕ್ಕೆ ಪ್ರತಿಕ್ರಿಯಿಸಿದ್ದ ತಂಡದ ಸ್ಪಿನ್ನರ್​ ಯಜುವೇಂದ್ರ ಚಾಹಲ್​, ಒಂದು ಬಟ್ಟೆಹಾಕದ ಸಿಂಹವಾದರೆ, ಮತ್ತೊಂದು ಬಟ್ಟೆಹಾಕಿದ ಸಿಂಹ ಎಂದು ಪ್ರತಿಕ್ರಿಯಿಸಿದ್ದರು. ಆದರೆ, ತಂಡದ ಸಾಂಪ್ರದಾಯಿಕ ಎದುರಾಳಿ ಸಿಎಸ್​ಕೆ, ಅಮ್ಮ ದಿನಾಲೂ ಅಳುತ್ತಾರೆ, ಎಲ್ಲಿಗೆ ಹೋಗುತ್ತಿದ್ದೀಯಾ ಎಂದು? ನಿಮ್ಮ ಕೂದಲಿಗೆ ಏನು ಮಾಡಿದ್ದೀರಿ ಎಂದು ರಿಟ್ವೀಟ್​ ಮಾಡಿದೆ. ಚೆನ್ನೈ ಸೂಪರ್​ ಕಿಂಗ್ಸ್​ ಪ್ರಕಟಿಸಿದ ಪ್ರತಿಕ್ರಿಯೆಯನ್ನು ಸಾವಿರಾರು ಮಂದಿ ರಿಟ್ವೀಟ್​ ಮಾಡಿದ್ದು, 7 ಸಾವಿರ ಮಂದಿ ಪ್ರತಿಕ್ರಿಯಿಸಿದ್ದಾರೆ. ಕಳೆದ ಉಭಯ ತಂಡಗಳು ಪರಸ್ಪರ ಆಡಿದ 2 ಪಂದ್ಯಗಳಲ್ಲಿ ತಲಾ 1 ಗೆಲುವು, ಸೋಲು ಕಂಡಿದ್ದವು.