'ಚಂದ್ರಯಾನ 3 ನೇರಪ್ರಸಾರ ಮಾಡಿ…', ಒಂದು ಕಾಲದಲ್ಲಿ ಇಸ್ರೋವನ್ನು ಗೇಲಿ ಮಾಡುತ್ತಿದ್ದ ಪಾಕ್ ಮಾಜಿ ಸಚಿವ ಒತ್ತಾಯ

ನವದೆಹಲಿ: ವರ್ಷಗಳ ಕಾಲ ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆಯನ್ನು (ಇಸ್ರೋ) ಅಪಹಾಸ್ಯ ಮಾಡಿದ ನಂತರ ಪಾಕಿಸ್ತಾನದ ಮಾಜಿ ಸಚಿವ ಫವಾದ್ ಹುಸೇನ್, ಮಂಗಳವಾರ ಭಾರತದ ಚಂದ್ರಯಾನ-3 ರ ವಿಕ್ರಮ್ ಲ್ಯಾಂಡರ್ ಯಶಸ್ವಿಯಾಗಿ ಚಂದ್ರನ ಮೇಲ್ಮೈಯಲ್ಲಿ ಇಳಿಯಲಿ ಎಂದು ಅಭಿನಂದಿಸಿದ್ದಾರೆ.

ಇಮ್ರಾನ್ ಖಾನ್ ಆಡಳಿತದಲ್ಲಿ ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವರಾಗಿದ್ದ ಫವಾದ್ ಹುಸೇನ್, ಬುಧವಾರ ಸಂಜೆ ಚಂದ್ರನ ಅಂಗಳದಲ್ಲಿ ಲ್ಯಾಂಡಿಂಗ್ ಕ್ಷಣವನ್ನು ನೇರ ಪ್ರಸಾರ ಮಾಡುವಂತೆ ದೇಶವನ್ನು ಒತ್ತಾಯಿಸಿದರು.

ಟ್ವಿಟರ್‌ನಲ್ಲಿ "ನಾಳೆ ಸಂಜೆ 6:15 ಕ್ಕೆ ಚಂದ್ರನ ಅಂಗಳದಲ್ಲಿ ಲ್ಯಾಂಡಿಂಗ್ ಅನ್ನು ಪಾಕ್ ಮಾಧ್ಯಮಗಳು ನೇರಪ್ರಸಾರ ಮಾಡಬೇಕು... ಮನುಕುಲಕ್ಕೆ, ವಿಶೇಷವಾಗಿ ಭಾರತದ ಜನರು, ವಿಜ್ಞಾನಿಗಳು ಮತ್ತು ಬಾಹ್ಯಾಕಾಶ ಸಮುದಾಯಕ್ಕೆ ಐತಿಹಾಸಿಕ ಕ್ಷಣ..." ಅಭಿನಂದನೆಗಳು ಎಂದು ತಿಳಿಸಿದ್ದಾರೆ.

ಗೇಲಿ ಮಾಡಿದ್ದ ಫವಾದ್
2019 ರಲ್ಲಿ ಫವಾದ್ ಹುಸೇನ್ ಚಂದ್ರಯಾನ-2 ಬಗ್ಗೆ ಭಾರತೀಯ ಬಾಹ್ಯಾಕಾಶ ಸಂಸ್ಥೆಯನ್ನು ಹಿಗ್ಗಾಮುಗ್ಗಾ ಟ್ರೋಲ್ ಮಾಡಿದ್ದರು. ಭಾರತದ ಪ್ರಧಾನಿ ನರೇಂದ್ರ ಮೋದಿ ನೇತೃತ್ವದ ಸರ್ಕಾರವು ಎರಡನೇ ಚಂದ್ರಯಾನಕ್ಕೆ 900 ಕೋಟಿ ರೂ. ಖರ್ಚು ಮಾಡಿದ್ದಕ್ಕಾಗಿ ಪ್ರಶ್ನಿಸಿದ್ದರು. ಅಷ್ಟೇ ಅಲ್ಲ, ಅಜ್ಞಾತ ಪ್ರದೇಶಕ್ಕೆ ಸಾಹಸ ಮಾಡುವುದು ಬುದ್ಧಿವಂತಿಕೆಯಲ್ಲ ಎಂದು ಹೇಳಿದ್ದರು.

ವಿಕ್ರಮ್ ಲ್ಯಾಂಡರ್ ಚಂದ್ರನ ಮೇಲೆ ಕೇವಲ 2.1 ಕಿಮೀ ಎತ್ತರದಲ್ಲಿ ನೆಲಮಟ್ಟದೊಂದಿಗೆ ಸಂವಹನವನ್ನು ಕಳೆದುಕೊಂಡಾಗ ಕೊನೆಯ ಕಾರ್ಯಾಚರಣೆಯ ಅಂತಿಮ ಹಂತದ ವೈಫಲ್ಯದ ನಂತರ ಅವರು ತಮ್ಮ ಎಕ್ಸ್ ಪೋಸ್ಟ್‌ನಲ್ಲಿ 'ಇಂಡಿಯಾ ಫೇಲ್ಡ್' ಎಂಬ ಹ್ಯಾಶ್‌ಟ್ಯಾಗ್ ಅನ್ನು ಬಳಸಿದ್ದರು.

ಎಲ್ಲವೂ ಯೋಜಿಸಿದಂತೆ ನಡೆದರೆ...
ಚಂದ್ರಯಾನ-3 ಬುಧವಾರ ಸಂಜೆ 6:04ಕ್ಕೆ ಚಂದ್ರನ ದಕ್ಷಿಣ ಧ್ರುವದಲ್ಲಿ ಇಳಿಯಲಿದೆ . ಭಾರತದ ಐತಿಹಾಸಿಕ ಕ್ಷಣಕ್ಕೆ ಸುಮಾರು 12 ಗಂಟೆಗಳಿರುವಾಗ, ಲ್ಯಾಂಡರ್ ಮಾಡ್ಯೂಲ್ - ವಿಕ್ರಮ್ ಲ್ಯಾಂಡರ್ - ಲ್ಯಾಂಡಿಂಗ್​​​​ಗಾಗಿ ಚಂದ್ರನ ಮೇಲ್ಮೈಯಲ್ಲಿ ಸರಿಯಾದ ಸ್ಥಳವನ್ನು ಹುಡುಕಲು ಪ್ರಯತ್ನಿಸುತ್ತಿದೆ. ಎಲ್ಲವೂ ಯೋಜಿಸಿದಂತೆ ಯಶಸ್ವಿಯಾಗಿ ನಡೆದರೆ, ಭಾರತವು ಗಣ್ಯರ ಪಟ್ಟಿಯನ್ನು ಪ್ರವೇಶಿಸುತ್ತದೆ. ಯುನೈಟೆಡ್ ಸ್ಟೇಟ್ಸ್, ರಷ್ಯಾ ಮತ್ತು ಚೀನಾದೊಂದಿಗೆ ಚಂದ್ರನ ಮೇಲೆ ಸಾಫ್ಟ್ ಲ್ಯಾಂಡಿಂಗ್ ಸಾಧಿಸುವ ನಾಲ್ಕನೇ ದೇಶವಾಗುತ್ತದೆ.

ಇಸ್ರೋ ಆಗಸ್ಟ್ 23 ರಂದು ಸಂಜೆ 5:27 ರಿಂದ ಲ್ಯಾಂಡಿಂಗ್ ಕಾರ್ಯಾಚರಣೆಯನ್ನು ನೇರ ಪ್ರಸಾರ ಮಾಡುತ್ತದೆ. ಇದನ್ನು ISRO ನ ವೆಬ್‌ಸೈಟ್‌ನಲ್ಲಿ ( https://isro.gov.in ), ISRO ದ ಅಧಿಕೃತ YouTube ಚಾನಲ್‌ನಲ್ಲಿ ( https://youtube.com/watch?v=DLA_64yz8Ss ) ವೀಕ್ಷಿಸಬಹುದು . ಇದರೊಂದಿಗೆ, ಈ ಪ್ರಸಾರವನ್ನು ಇಸ್ರೋದ ಅಧಿಕೃತ ಫೇಸ್‌ಬುಕ್ ಚಾನೆಲ್‌ನಲ್ಲಿಯೂ ನೋಡಬಹುದು ( https://facebook.com/ISRO ).

https://www.vijayavani.net/delhi-schools-govt-offices-to-be-closed-on-sept-8-10