ಆಕ್ಸಿಜನ್ ಉಪಕರಣ : ಸ್ವಿಟ್ಜರ್​ಲ್ಯಾಂಡ್​ ಟು ಅಂಡಮಾನ್ ನಿಕೋಬಾರ್​

ನವದೆಹಲಿ : ಸ್ವಿಟ್ಜರ್​ಲ್ಯಾಂಡ್​ನಿಂದ ಬಂದ ಆಕ್ಸಿಜನ್ ಕಾನ್ಸಂಟ್ರೇಟರ್​ಅನ್ನು ಭಾರತದ ಅಂಡಮಾನ್​ ಮತ್ತು ನಿಕೋಬಾರ್​ ದ್ವೀಪಗಳ ಜಿ.ಬಿ.ಪಂತ್​ ಆಸ್ಪತ್ರೆಯಲ್ಲಿ ರೋಗಿಯ ಚಿಕಿತ್ಸೆಗಾಗಿ ಬಳಸಲಾಗುತ್ತಿದೆ ಎಂದು ವಿದೇಶಾಂಗ ಸಚಿವಾಲಯದ ಅಧಿಕೃತ ವಕ್ತಾರ ಅರಿಂದಂ ಬಾಗ್ಚಿ ಅವರು ಇಂದು ವಿಡಿಯೋ ಒಂದನ್ನು ಟ್ವೀಟ್​ ಮಾಡಿದ್ದಾರೆ.

ಇದು ಸ್ವಿಟ್ಜರ್​ಲ್ಯಾಂಡ್ ಕಳೆದ ವಾರ ಕಳುಹಿಸಿಕೊಟ್ಟ 600 ಕಾನ್ಸಂಟ್ರೇಟರ್ ಉಪಕರಣಗಳಲ್ಲಿ ಒಂದು. ಅವುಗಳನ್ನು ಸಮರ್ಪಕವಾಗಿ ಬಳಕೆ ಮಾಡಲಾಗುತ್ತಿದ್ದು, ದೇಶದ ದೂರದ ಮೂಲೆಗಳನ್ನೂ ತಲುಪಲಾಗುತ್ತಿದೆ ಎಂದು ಅವರು ತಿಳಿಸಿದ್ದಾರೆ.

ಮೇ 7 ರ ಬೆಳಗ್ಗೆ ಸ್ವಿಟ್ಜರ್​ಲ್ಯಾಂಡ್​ ವಿಮಾನ ಭಾರತಕ್ಕೆ 600 ಆಕ್ಸಿಜನ್ ಕಾನ್ಸಂಟ್ರೇಟರ್​ಗಳು, 50 ವೆಂಟಿಲೇಟರ್​ಗಳು ಮತ್ತು ಇತರ ವೈದ್ಯಕೀಯ ಅಗತ್ಯಗಳನ್ನು ಕಳುಹಿಸಿಕೊಟ್ಟಿದೆ. ಈ ಸ್ನೇಹಮಯ ಕಾರ್ಯಕ್ಕೆ ಧನ್ಯವಾದಗಳು ಎಂದು ಬಾಗ್ಚಿ ಅವರು ಕಳೆದ ವಾರ ತಿಳಿಸಿದ್ದರು.

ವಾತಾವರಣದಲ್ಲಿ ಶೇ. 21 ರಷ್ಟಿರುವ ಆಕ್ಸಿಜನ್ ಪ್ರಮಾಣವನ್ನು ಎಳೆದು ಕಾನ್ಸಂಟ್ರೇಟ್ ಮಾಡಿ ಪೈಪ್​ ಮೂಲಕ ರೋಗಿಗೆ ಶುದ್ಧ ಆಕ್ಸಿಜನ್ ಒದಗಿಸುವ 'ಆಮ್ಲಜನಕ ಸಾಂದ್ರಕ' ಅಥವಾ 'ಆಕ್ಸಿಜನ್ ಕಾನ್ಸಂಟ್ರೇಟರ್​'ಗಳನ್ನು ಶೇ. 85 ಕ್ಕಿಂತ ಹೆಚ್ಚು ಎಸ್​​ಪಿಒ2 ಇರುವ ಕರೊನಾ ರೋಗಿಗಳ ಚಿಕಿತ್ಸೆಗೆ ಮನೆಯಲ್ಲೇ ಬಳಸಬಹುದು ಎನ್ನಲಾಗಿದೆ.

https://www.vijayavani.net/15-days-complete-lockdown-in-west-bengal/

https://www.vijayavani.net/paresh-rawal-refutes-death-rumours-with-humour/