ಪಾಕ್ ಆಟಗಾರರು 10 ನಿಮಿಷದಲ್ಲಿ 2 ಕಿ.ಮೀ ಕ್ರಮಿಸುತ್ತಾರೆ; ಮಾಜಿ ಆಟಗಾರನ ಹೇಳಿಕೆ ವೈರಲ್

ಲಾಹೋರ್​: ಜೂನ್​ 02ರಂದು ಆರಂಭಗೊಂಡ ಚುಟುಕು ವಿಶ್ವ ಸಮರದಲ್ಲಿ ಪಾಕಿಸ್ತಾನ ಕ್ರಿಕೆಟ್​ ತಂಡವು ನಿರೀಕ್ಷಿತ ಪ್ರದರ್ಶನ ನೀಡುವಲ್ಲಿ ವಿಫಲವಾಗಿದ್ದು, ಇದು ಅಲ್ಲಿನ ಅಭಿಮಾನಿಗಳ ಕೆಂಗಣ್ಣಿಗೆ ಗುರಿಯಾಗಿದೆ. ಪಾಕಿಸ್ತಾನ ಕ್ರಿಕೆಟ್​ ತಂಡಕ್ಕೂ ವಿವಾದಗಳಿಗೂ ಎಲ್ಲಿಲ್ಲದ ನಂಟು ಎಂದು ಹೇಳಬಹುದಾಗಿದೆ. ಸದಾ ಒಂದಿಲ್ಲೊಂದು ವಿಚಾರಗಳಿಗೆ ಅಂತರಾಷ್ಟ್ರೀಯ ಮಟ್ಟದಲ್ಲಿ ಟೀಕೆಗೆ ಗುರಿಯಾಗುವ ಪಾಕಿಸ್ತಾನ ಇದೀಗ ಮತ್ತೊಮ್ಮೆ ಸುದ್ದಿಯಾಗಿದೆ.

ಕಳೆದ ಒಂದು ವರ್ಷದಿಂದ ಪಾಕಿಸ್ತಾನ ಕ್ರಿಕೆಟ್​ ತಂಡವು ಅಂತರಾಷ್ಟ್ರೀಯ ಟೂರ್ನಿಗಳಲ್ಲಿ ಹೀನಾಯವಾಗಿ ಸೋಲುತ್ತಿರುವುದು. ಅದು ಕೂಡ ಐರ್ಲೆಂಡ್​, ಯುಎಸ್​ಎನಂತಹ ತಂಡಗಳ ವಿರುದ್ಧ ಎಂಬುದು ಪಾಕ್​ಗೆ ನಾಚಿಕೆಗೇಡಿನ ಸಂಗತಿಯಾಗಿದೆ. ಇದರ ನಡುವೆ ಆಟಗಾರರ ಕಳಪೆ ಫಾರ್ಮ್​ ತಂಡದ ಮೇಲೆ ಹೆಚ್ಚು ಪರಿಣಾಮ ಬೀರುತ್ತಿದ್ದು, ಮುಖ್ಯವಾಗಿ ಅಜಂ ಖಾನ್​ ಅವರ ಆಟದ ವೈಖರಿ ತಂಡದ ಮೇಲೆ ಹೆಚ್ಚು ಪರಿಣಾಮ ಬೀರುತ್ತಿದೆ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ: ಪೋಕ್ಸೋ ಪ್ರಕರಣದಲ್ಲಿ ಮಾಜಿ ಸಿಎಂ ಬಿಎಸ್​ವೈಗೆ ರಿಲೀಫ್​ ನೀಡಿದ ಹೈ ಕೋರ್ಟ್​

ಇದಕ್ಕೆ ಸಂಬಂಧಿಸಿದಂತೆ ಮಾತನಾಡಿರುವ ಪಾಕಿಸ್ತಾನ ಕ್ರಿಕೆಟ್​ ತಂಡದ ಮಾಜಿ ನಾಯಕ ಮೊಹಮ್ಮದ್​ ಹಫೀಜ್​, ನಾನು ನೋಡಿದ ಪ್ರಕಾರ ಅಜಂ ಖಾನ್​ ತರಬೇತಿ ಶಿಬಿರವನ್ನು ಕೂಡಿಕೊಂಡು ಆರು ವಾರಗಳು ಕಳೆದರೂ ಅವರ ದೇಹದಲ್ಲಿನ ಕೊಬ್ಬಿನ ಅಂಶ ಹಾಗೆ ಇರುತ್ತದೆ. ಯಾವುದೇ ಬದಲಾವಣೆಯಾಗುವುದಿಲ್ಲ. ಇಡೀ ತಂಡ 10 ನಿಮಿಷಗಳಲ್ಲಿ ಎರಡು ಕಿಲೋಮೀಟರ್​ ಕ್ರಮಿಸಿದರೆ ಅಜಂ ಖಾನ್​ ದುಪ್ಪಟ್ಟು ಸಮಯವನ್ನು ತೆಗೆದುಕೊಳ್ಳುತ್ತಾರೆ.

ಅತಿಯಾಗಿ ತೂಕ ಹೊಂದಿರುವುದು ನನ್ನ ಪ್ರಕಾರ ಸಮಸ್ಯೆಯಲ್ಲ. ಆದರೆ, ನೀವು ಆಟದ ಅಗತ್ಯಗಳಿಗೆ ಅನುಗುಣವಾಗಿ ಕೆಲಸ ಮಾಡಬೇಕಾಗುತ್ತದೆ. ನಿಮ್ಮ ಫಿಟ್‌ನೆಸ್ ಅನ್ನು ಅಗತ್ಯವಿರುವ ಮಟ್ಟಕ್ಕೆ ಸುಧಾರಿಬೇಕಾಗುತ್ತದೆ. ನಾವು ಅವರಿಗೆ ಫಿಟ್ನೆಸ್​​ ಚಾರ್ಟ್​ಅನ್ನು ನೀಡಿದ್ದೇವೆ. ಆದರೆ, ಅವರು ಅದನ್ನು ಫಾಲೋ ಮಾಡಲು ಸಾಧ್ಯವಾಗದೆ ಉಳಿದಿದ್ದಾರೆ. ನಿಮ್ಮ ಪ್ರತಿಭೆಯಿಂದಾಗಿ ನೀವು ತಂಡದಲ್ಲಿದ್ದೀರಿ, ಆದರೆ ಫಿಟ್‌ನೆಸ್ ಆಧಾರದ ಮೇಲೆ ನಾವು ರಾಜಿ ಮಾಡಿಕೊಂಡಿರುವ ಉದಾಹರಣೆಯೇ ಇಲ್ಲ ಎಂದು ಮಾಜಿ ನಾಯಕ ಮೊಹಮ್ಮದ್​ ಹಫೀಜ್ ಹೇಳಿದ್ದಾರೆ

https://www.vijayavani.net/i-will-not-resign-to-the-mla-post-says-pradeep-eshwar

https://www.vijayavani.net/this-is-what-our-love-was-anant-ambanis-love-letter-printed-on-radhika-merchants-pre-wedding-dress