ಬೆಂಗಳೂರು: ಏಷ್ಯಾದ ಅತೀ ದೊಡ್ಡ ಏರೋ ಶೋ ಬೆಂಗಳೂರಿನಲ್ಲಿ ನಡೆಯುತ್ತಿದ್ದು ಈಗಾಗಲೇ ಭಾರತ ನಿರ್ಮಿತ ಯುದ್ಧ ವಿಮಾನಗಳಿಗೆ ಬೇಡಿಕೆ ಶುರುವಾಗಿದೆ! ಹೌದು. ಇದೀಗ ತೇಜಸ್ ಯುದ್ಧ ವಿಮಾನವನ್ನು ಖರೀದಿಸಲು ಅರ್ಜೆಂಟೀನಾ, ಮಲೇಷ್ಯಾ ಈಜಿಪ್ಟ್ ಮುಂತಾದ ದೇಶಗಳು ಸರತಿ ಸಾಲಿನಲ್ಲಿ ನಿಲ್ಲಲು ತಯಾರಾಗಿವೆ.
ಎಲ್ಸಿಎ ತೇಜಸ್ ಹಗುರ ಯುದ್ಧ ವಿಮಾನವಾಗಿದ್ದು ಇದನ್ನು ಬಳಸಿಕೊಂಡು ಅತೀ ವೇಗವಾಗಿ ಶತ್ರು ದೇಶದ ಒಳಕ್ಕೆ ನುಗ್ಗಿ ದಾಳಿ ಮಾಡಿ ಅಷ್ಟೇ ವೇಗದಲ್ಲಿ ಹಿಂತಿರುಗಿ ಬರಬಹುದು. ಅಂತಹ ಯುದ್ಧ ವಿಮಾನವನ್ನೇ ಹುಡುಕಾಡುತ್ತಿರುವ ಮಲೇಷ್ಯಾ, ಈಜಿಪ್ಟ್ ಮುಂತಾದ ದೇಶಗಳು ಭಾರತದ ಬಳಿಗೆ ಆಗಮಿಸಿವೆ. ಈಗ ಮಲೇಷ್ಯಾದಿಂದ ತೇಜಸ್ ಯುದ್ಧ ವಿಮಾನಕ್ಕೆ ಬೇಡಿಕೆ ಬಂದಿದ್ದು ಕಾಂಟ್ರಾಕ್ಟ್ ಸಿಗೋ ಸಾಧ್ಯತೆ ಇದೆ ಎನ್ನಲಾಗುತ್ತಿದೆ.
ಈ ಬಗ್ಗೆ ಮಾಹಿತಿ ನೀಡಿರುವ ಎಚ್ಎಎಲ್ ಎಂಡಿ ಸಿಎಂಡಿ ಅನಂತಕೃಷ್ಣನ್, ‘ಅರ್ಜಂಟೈನಾ, ಈಜಿಫ್ಟ್ ಜೊತೆಗೂ ಮಾತುಕತೆ ನಡೆಯುತ್ತಿದ್ದು ಅವರ ಇಂಜಿನಿಯರ್ ನಮ್ಮಲ್ಲಿಗೆ ಬಂದು ಚರ್ಚಿಸಿದ್ದಾರೆ. ಸಾಕಷ್ಟು ಆರ್ಡರ್ ಸಿಗುವ ನಿರೀಕ್ಷೆ ಇದೆ. ಎಚ್ಎಎಲ್ ಉಪಕರಣಗಳಿಗೆ ಡಿಮ್ಯಾಂಡ್ ಹೆಚ್ಚುತ್ತಿದೆ. ಅರ್ಜಂಟೈನಾದಿಂದ 15 LCA ಏರ್ ಕ್ರಾಫ್ಟ್ ಗೆ ಬೇಡಿಕೆ ಬಂದಿದೆ’ ಎಂದು ಹೇಳಿಕೆ ನೀಡಿದ್ದಾರೆ.