ಮುಂಬೈ: ಟಾಟಾ ಇನ್ವೆಸ್ಟ್ಮೆಂಟ್ ಕಾರ್ಪೊರೇಷನ್ ಲಿಮಿಟೆಡ್‌ನ ಷೇರುಗಳು ಇಳಿಮುಖದ ಸುರುಳಿಯಲ್ಲಿ ಸಿಲುಕಿಕೊಂಡಿವೆ, ಕಳೆದ 10 ವಹಿವಾಟು ದಿನಗಳಲ್ಲಿ ಒಂಬತ್ತನೇ ಬಾರಿಗೆ 5% ಲೋವರ್ ಸರ್ಕ್ಯೂಟ್ ಹಿಟ್ ಆಗಿವೆ.
ಕೆಲವೇ ವಾರಗಳ ಹಿಂದೆ, ಮಾರ್ಚ್ 7 ರಂದು, ಟಾಟಾ ಇನ್ವೆಸ್ಟ್ಮೆಂಟ್ ಕಾರ್ಪೊರೇಷನ್ ಲಿಮಿಟೆಡ್ ಪೇರು ಬೆಲೆ 9,756 ರೂ. ಇತ್ತು. ಆದರೆ, ಅಂದಿನಿಂದ ಇದುವರೆಗೆ ಶೇ. 38ರಷ್ಟು ಕುಸಿದಿರುವ ಈ ಷೇರು ಬೆಲೆ ಶುಕ್ರವಾರ 5,960 ರೂ.ಗೆ ಮುಟ್ಟಿದೆ. ಈ ಗಮನಾರ್ಹ ಕುಸಿತವು ಮಾರುಕಟ್ಟೆ ಬಂಡವಾಳದಲ್ಲಿ ಅಂದಾಜು 20,000 ಕೋಟಿ ರೂ.ಗಳನ್ನು ಅಳಿಸಿಹಾಕಿದೆ, ಹೂಡಿಕೆದಾರರಿಗೆ ಇಷ್ಟೊಂದು ಅಪಾರ ನಷ್ಟವಾಗಿದೆ. ಕಂಪನಿಯ ಮೌಲ್ಯವು ಕೇವಲ ಎರಡು ವಾರಗಳಲ್ಲಿ ರೂ. 49,365 ಕೋಟಿಗಳಿಂದ ರೂ. 30,155 ಕೋಟಿಗೆ ಕುಸಿದಿದೆ.
ಟಾಟಾ ಸಮೂಹದ ಮತ್ತೊಂದು ಕಂಪನಿಯಾದ ಟಾಟಾ ಸನ್ಸ್ ಲಿಮಿಟೆಡ್ 2025ರ ಹೊತ್ತಿಗೆ ಐಪಿಒ ಮೂಲಕ ಷೇರು ಮಾರುಕಟ್ಟೆ ಪ್ರವೇಶಿಸಲಿದೆ ಎಂಬ ಸುದ್ದಿ ಹರಡಿತ್ತು. ಟಾಟಾ ಇನ್ವೆಸ್ಟ್ಮೆಂಟ್ ಕಾರ್ಪೊರೇಷನ್ ಲಿಮಿಟೆಡ್ ಪೇರು ಬೆಲೆ ಹೆಚ್ಚಳಕ್ಕೆ ಈ ಸುದ್ದಿಯು ಸಾಕಷ್ಟು ಕೊಡುಗೆ ನೀಡಿತ್ತು. ಈ ಸುದ್ದಿಯಿಂದಾಗಿ ಟಾಟಾ ಇನ್ವೆಸ್ಟ್‌ಮೆಂಟ್‌ನ ಸ್ಟಾಕ್‌ನಲ್ಲಿ ಉಲ್ಬಣಕ್ಕೆ ಕಾರಣವಾಗಿ, ಸತತ ಅಪ್ಪರ್ ಸರ್ಕ್ಯೂಟ್ ಹಿಟ್ ಆಯಿತು. ಆದರೆ, ನಂತರದಲ್ಲಿ. ಟಾಟಾ ಸನ್ಸ್‌ನ ಷೇರು ಮಾರುಕಟ್ಟೆ ಪ್ರವೇಶ ಸಾಧ್ಯತೆಯು ದೂರದಲ್ಲಿದೆ ಎಂದು ತೋರುತ್ತದೆ ಎಂದು ಮಾಧ್ಯಮವೊಂದು ವರದಿ ಮಾಡಿತು. ಅಲ್ಲದೆ, ಈ ಕಂಪನಿಯು ಈಗ RBI (ಭಾರತೀಯ ರಿಸರ್ವ್ ಬ್ಯಾಂಕ್) ಆದೇಶಗಳನ್ನು ಅನುಸರಿಸಲು ಪರ್ಯಾಯ ತಂತ್ರಗಳನ್ನು ಅನ್ವೇಷಿಸುತ್ತಿದೆ ಎಂದೂ ವರದಿ ಹೇಳಿತು.
ಇಂತಹ ಒಂದು ಕಾರ್ಯತಂತ್ರವು ಸ್ವತ್ತುಗಳನ್ನು ಹಿಂತೆಗೆದುಕೊಳ್ಳುವುದನ್ನು ಒಳಗೊಂಡಿತ್ತು, ಟಾಟಾ ಸನ್ಸ್ ತನ್ನ ಅಂಗಸಂಸ್ಥೆಯಾದ ಟಾಟಾ ಕನ್ಸಲ್ಟೆನ್ಸಿ ಸರ್ವಿಸಸ್ ಲಿಮಿಟೆಡ್ (TCS) ನಲ್ಲಿ 0.64% ಈಕ್ವಿಟಿಯನ್ನು ಸರಿಸುಮಾರು 9,000 ಕೋಟಿ ರೂ.ಗೆ ಮಾರಾಟ ಮಾಡಿತು. ಈ ಕ್ರಮವು ಕಾರ್ಯಾಚರಣೆಗಳನ್ನು ಸುವ್ಯವಸ್ಥಿತಗೊಳಿಸಲು ಮತ್ತು ಸಾಲವನ್ನು ಕಡಿಮೆ ಮಾಡಲು ಉದ್ದೇಶಿಸಿದ್ದರೂ, ಹೂಡಿಕೆದಾರರ ಭಾವನೆ ಹೆಚ್ಚಿಸುವಲ್ಲಿ ವಿಫಲವಾಯಿತು, ಈ ಕಾರಣದಿಂದಾಗಿ ಟಾಟಾ ಇನ್ವೆಸ್ಟ್ಮೆಂಟ್ ಷೇರುಗಳ ಬೆಲೆ ಕುಸಿತವಾಗತೊಡಗಿತು.
ಟಾಟಾ ಸಮೂಹದ ಸವಾಲುಗಳ ಏರಿಳಿತದ ಪರಿಣಾಮಗಳು ಇತರ ಅಂಗಸಂಸ್ಥೆಗಳಿಗೂ ವಿಸ್ತರಿಸಿದೆ. ಪ್ರಸ್ತುತ F&O ನಿಷೇಧದ ಅಡಿಯಲ್ಲಿ ಟಾಟಾ ಕೆಮಿಕಲ್ಸ್, ಟಾಟಾ ಕನ್ಸೂಮರ್ ಪ್ರೊಡಕ್ಟ್ಸ್ಮತ್ತು ಟಿಸಿಎಸ್ ಷೇರುಗಳ ಬೆಲೆ ಈ ವಾರ 7.5% ನಷ್ಟು ಕುಸಿತವನ್ನು ಅನುಭವಿಸಿವೆ.
500ರಿಂದ 1 ರೂಪಾಯಿಗೆ ಕುಸಿದಿದ್ದ ರಿಲಯನ್ಸ್ ಕಂಪನಿ ಷೇರು: ಈಗ 7 ದಿನಗಳಲ್ಲಿ ಬೆಲೆ 30% ಹೆಚ್ಚಳವಾಗಿದ್ದೇಕೆ?
ರೂ. 80ರ ಐಪಿಒ ಷೇರಿಗೆ ಗ್ರೇ ಮಾರ್ಕೆಟ್ನಲ್ಲಿ ರೂ 40 ಪ್ರೀಮಿಯಂ: ಹೂಡಿಕೆ ಮಾಡಿ ಲಾಭ ಗಳಿಸಲು ಏ. 4ರವರೆಗೆ ಅವಕಾಶ