ಯುಪಿ ಸರ್ಕಾರದ ಪೋಸ್ಟರ್​ನಲ್ಲಿ ವಿಪಕ್ಷ ನಾಯಕ ಅಖಿಲೇಶ್ ಯಾದವ್​ ಚಿತ್ರ!

ಲಖನೌ: ಉತ್ತರ ಪ್ರದೇಶದ ಬಿಜೆಪಿ ನಾಯಕರು ತಮ್ಮ ಎದುರಾಳಿಯಾದ ಸಮಾಜವಾದಿ ಪಕ್ಷದ ನಾಯಕ ಅಖಿಲೇಶ್​ ಯಾದವ್​ ಅವರನ್ನೂ ತಮ್ಮ ಸರ್ಕಾರದ ಪರ ಪ್ರಚಾರಕ್ಕಾಗಿ ಬಳಸಿಕೊಳ್ಳುತ್ತಿದ್ದಾರೆ. ಈ ಜಾಣ್ಮೆಯ ಕಾರ್ಯಕ್ಕೆ ರಾಜಕೀಯದ ಮಾಸ್ಟರ್​ ಸ್ಟ್ರೋಕ್​ ಎಂದು ನೆಟ್ಟಿಗರು ಪ್ರತಿಕ್ರಿಯಿಸಿದ್ದಾರೆ.

ಯುಪಿಯ ಹಣಕಾಸು ಮತ್ತು ವೈದ್ಯಕೀಯ ಶಿಕ್ಷಣ ಸಚಿವ ಸುರೇಶ್​ ಕುಮಾರ್​ ಖನ್ನ ಅವರು, ವೈದ್ಯಕೀಯ ಸಿಬ್ಬಂದಿಯೊಬ್ಬರು ಅಖಿಲೇಶ್ ಯಾದವ್​ ಅವರ ಕರೊನಾ ಪರೀಕ್ಷೆ ಮಾಡುತ್ತಿರುವ ಚಿತ್ರ ಹೊಂದಿರುವ ಪೋಸ್ಟರ್​​ಅನ್ನು ತಮ್ಮ ಟ್ವಿಟರ್​ ಖಾತೆಯಲ್ಲಿ ಶೇರ್ ಮಾಡಿದ್ದಾರೆ. ಇದಕ್ಕೆ, "ಯೋಗಿ ಸರ್ಕಾರದಲ್ಲಿ ಪ್ರತಿ ನಾಗರೀಕನಿಗೂ ಆರೋಗ್ಯ ಸೌಲಭ್ಯಗಳ ಲಾಭ ದೊರೆಯುತ್ತಿದೆ" ಎಂದು ಟಿಪ್ಪಣಿ ಬರೆದಿದ್ದಾರೆ.

ಯುಪಿ ನಂ.1 ಎಂಬ ಶೀರ್ಷಿಕಯಡಿ ಅಖಿಲೇಶ್​ ಯಾದವ್​ರ ಚಿತ್ರ ಹೊಂದಿದ ಈ ಪೋಸ್ಟರ್​ನಲ್ಲಿ, ಉತ್ತರಪ್ರದೇಶವು, 8.17 ಕೋಟಿ ಕೋವಿಡ್​ 19 ಪರೀಕ್ಷೆಗಳನ್ನು ಮಾಡಿದ ಭಾರತದ ಮೊದಲ ರಾಜ್ಯ ಎಂದು ಬರೆಯಲಾಗಿದೆ. (ಏಜೆನ್ಸೀಸ್​​)

https://www.vijayavani.net/china-sees-corona-outbreak-schools-shut-flights-cancelled/

https://www.vijayavani.net/man-travelling-across-india-on-bike-ride-for-unity-in-memory-of-sardar-patel/