ಆನ್​ಲೈನ್ ಬೆಟ್ಟಿಂಗ್​​​; ವಿಚಾರಣೆಗೆ ಹಾಜರಾಗದ Google, Meta ಪ್ರತಿನಿಧಿಗಳು; ಮತ್ತೆ ಸಮನ್ಸ್ ನೀಡಿದ ED

Summons: ಆನ್​ಲೈನ್ ಬೆಟ್ಟಿಂಗ್ ಆ್ಯಪ್​ ಪ್ರಕರಣಕ್ಕೆ ಸಂಬಂಧಪಟ್ಟಂತೆ Google, Meta ಸಂಸ್ಥೆಗಳ ಪ್ರತಿನಿಧಿಗಳು ಇಡಿ ವಿಚಾರಣೆಗೆ ಹಾಜರಾಗದ ಹಿನ್ನೆಲೆ ಜು.28ಕ್ಕೆ ಮತ್ತೆ ವಿಚಾರಣೆಗೆ ಹಾಜರಾಗುವಂತೆ ಜಾರಿ ನಿರ್ದೇಶನಾಲಯದ ಸೋಮವಾರ 2ನೇ ಸಮನ್ಸ್ ನೀಡಿದೆ.

ಪ್ರಕರಣದ ಸಂಬಂಧ ದಾಖಲೆಯನ್ನ ಸಂಗ್ರಹಿಸಲು ಸಮಯ ಬೇಕು. ಈ ಹಿನ್ನೆಲೆ ವಿಚಾರಣೆಯನ್ನ ಒಂದು ವಾರ  ಮುಂದೂಡುವಂತೆ ಎರಡೂ ಸಂಸ್ಥೆಗಳ ಪ್ರತಿನಿಧಿಗಳು ಕೋರಿದ್ದರಿಂದ ಜು.28ಕ್ಕೆ ಹಾಜರಾಗುವಂತೆ ಸಮನ್ಸ್ ಹೊರಡಿಸಲಾಗಿದೆ.

ಇದನ್ನೂ ಓದಿ: ಕೇರಳದ ಮಾಜಿ ಮುಖ್ಯಮಂತ್ರಿ ಮತ್ತು ಹಿರಿಯ ಸಿಪಿಎಂ ನಾಯಕ ಅಚ್ಯುತಾನಂದನ್ ನಿಧನ| vs-achuthanandan

ಈ ಟೆಕ್‌ ಕಂಪನಿಗಳು ಬೆಟ್ಟಿಂಗ್​ ಆ್ಯಪ್​ಗಳಿಗೆ ಪ್ರಮುಖ ಜಾಹೀರಾತು ಸ್ಲಾಟ್‌ಗಳನ್ನು ಒದಗಿಸಿದ್ದು,  ತಮ್ಮ ಪ್ಲಾಟ್‌ಫಾರ್ಮ್‌ಗಳಲ್ಲಿ ಆ್ಯಪ್​ಗಳ ಪ್ರಚಾರಕ್ಕೆ ಅವಕಾಶವನ್ನು ನೀಡಿದೆ. ಮತ್ತೆ ಇವುಗಳನ್ನು ಪ್ರಮೋಟ್‌ ಮಾಡುತ್ತಿದೆ ಎಂದು ಇಡಿ ತನ್ನ ನೋಟೀಸ್‌ನಲ್ಲಿ ತಿಳಿಸಿದೆ.

ಮಹದೇವ್ ಬೆಟ್ಟಿಂಗ್ ಆ್ಯಪ್, ಪೇರ್​ಪ್ಲೇ ಆ್ಯಪ್​ಗೆ ಸಂಬಂಧಿಸಿದಂತೆ ಜಾರಿ ನಿರ್ದೇಶನಾಲಯ ತನಿಖೆ ನಡೆಸುತ್ತಿದೆ. ಅಕ್ರಮ ಹಣ ವರ್ಗಾವಣೆ, ಹವಾಲಾ ಹಣ ದಂಧೆ ಸೇರಿ ಅನೇಕ ಅಕ್ರಮ ಪ್ರಕರಣಗಳ ಬಗ್ಗೆ ಇಡಿ ಅಧಿಕಾರಿಗಳು ತನಿಖೆ ನಡೆಸುತ್ತಿದ್ದಾರೆ. ಇತ್ತೀಚೆಗೆ ಟಾಲಿವುಡ್​ನ ಸುಮಾರು 40ಕ್ಕೂ ಹೆಚ್ಟು ಸೆಲೆಬ್ರೆಟಿಗಳಿಗೆ ನೋಟಿಸ್ ನೀಡಿ ವಿಚಾರಣೆ ನಡೆಸುತ್ತಿದೆ.( ಏಜೆನ್ಸೀಸ್ ​)

https://www.vijayavani.net/revanth-reddy-gives-rs-1-crore-reward-to-natu-natu-singer-rahul-sipligunj-rahul-sipligunj