96 ವರ್ಷ ಹಳೆ ವಿಸ್ಕಿಯ ಬೆಲೆ ಎಷ್ಟು ಗೊತ್ತಾ?

ಅಮೆರಿಕಾ: ದುಬಾರಿ ಬೆಲೆಯ ಮದ್ಯದ ಬಾಟಲಿಗಳನ್ನು ಖರೀದಿಸಲು ಪೈಪೋಟಿ ಇರುತ್ತದೆ. ಈಗ ಇಂತಹದ್ದೇ 96 ವರ್ಷ ಹಳೆಯ ಮಕಲನ್ ಅದಾಮಿ 1926 ಸಿಂಗಲ್ ಮಾಲ್ಟ್ ವಿಸ್ಕಿ ಬಾಟಲಿಯೊಂದನ್ನು ಇದೇ ನವೆಂಬರ್ 18ರಂದು ಲಂಡನ್​​ನಲ್ಲಿ ಸೋಥೆವಿಯ ಸ್ಪಿರಿಟ್ಸ್ ಸಂಸ್ಥೆ ಹರಾಜಿಗಿಡಲಾಗಿದೆ.

12 ಕೋಟಿ ರೂ. ಬೆಲೆ ಬಾಳುವ ವಿಸ್ಕಿ: ಮಕಲನ್ ಅದಾಮಿ 1926 ನ್ನು ಪ್ರಪಂಚದ ಅತ್ಯಂತ ಬೆಳೆಬಾಳುವ ಸ್ಕಾಚ್ ವಿಸ್ಕಿಗಳಲ್ಲಿ ಒಂದಾಗಿದೆ. ಈ ಮೊದಲು ಇದೇ ಬ್ರಾಂಡ್​​ನ ವಿಸ್ಕಿಯನ್ನು ಸುಮಾರು 15 ಕೋಟಿ ರೂಪಾಯಿಗಳಿಗೆ ಮಾರಾಟ ಮಾಡಲಾಗಿತ್ತು. ಇದು ಈವರೆಗೆ ಮಾರಾಟವಾದ ಅತ್ಯಂತ ದುಬಾರಿ ಬೆಲೆಯ ಸ್ಕಾಚ್ ವಿಸ್ಕಿ ಎಂಬ ದಾಖಲೆಯನ್ನು ಮಾಡಿದೆ. ಈ ವಿಂಟೇಜ್ ಸ್ಕಾಚ್ ವಿಸ್ಕಿಯ ಬೆಲೆ  ಬರೋಬ್ಬರಿ12 ಕೋಟಿ ರೂಪಾಯಿಗಳಷ್ಟು ಎಂದು ಅಂದಾಜಿಸಲಾಗಿದೆ.

ಮಕಲನ್ ಅದಾಮಿ 1926 ವಿಶ್ವದ ಅಪರೂಪದ ವಿಸ್ಕಿ: ಈ ವಿಂಟೇಜ್ ಸ್ಕಾಚ್ ವಿಸ್ಕಿಯನ್ನು ಪ್ರಪಂಚದ ಅಪರೂಪದ ಹಾಗೂ ಬೆಲೆಬಾಳುವ ವಿಸ್ಕಿಗಳಲ್ಲಿ ಒಂದು. ಈವರೆಗೆ ಕೇವಲ 40 ಬಾಟಲಿ ಮಕಲನ ಬ್ರಾಂಡ್ ವಿಸ್ಕಿಗಳನ್ನು ಮಾತ್ರ ಉತ್ಪಾದಿಸಲಾಗಿದ್ದು, ಆರು ದಶಕಗಳ ಶೆರ್ರಿ ಕಂಟೇನರ್ನಲ್ಲಿ ಪಕ್ವಗೊಳಿಸಿ ನಂತರ ಈ ವಿಸ್ಕಿಯನ್ನು 1986 ಬಾಟಲಿಗಳಿಗೆ ತುಂಬಿಸಲಾಯಿತು.

40 ಬಾಟಲಿಗಳಲ್ಲಿ ಇದುವರೆಗೆ ಕೇವಲ ಒಂದು ಬಾಟಲಿ ವಿಸ್ಕಿಯನ್ನು ಮಾತ್ರ ತೆರೆದು ಸೇವಿಸಲಾಗಿದೆ. ಇದೇ ಕಾರಣಕ್ಕಾಗಿ ಮಕಲನ ಅದಾಮಿ ಇಷ್ಟೊಂದು ಬೆಲೆಬಾಳುವ ವಿಸ್ಕಿಯಾಗಿದೆ. ಈಗ ಈ ದುಬಾರಿ ಬೆಲೆ ಬಾಳುವ ವಿಸ್ಕಿಯನ್ನು ವೆಂಬರ್ 18ರಂದು ಲಂಡನ್​​ನಲ್ಲಿ ಸೋಥೆವಿಯ ಸ್ಪಿರಿಟ್ಸ್ ಸಂಸ್ಥೆ ಹರಾಜಿಗಿಡಲಾಗಿದೆ.

ಇಟಾಲಿಯನ್ ಕಲಾವಿದ ವ್ಯಾಲೆರಿಯೊ ಅಡಾಮಿ ವಿನ್ಯಾಸಗೊಳಿಸಿದ ಲೇಬಲ್ ಹೊಂದಿರುವ ಸರಣಿಯ ಕೇವಲ 12 ಬಾಟಲಿಗಳಲ್ಲಿ ಹರಾಜು ಮಾಡಲಿರುವ ಬಾಟಲಿಯು ಒಂದಾಗಿದೆ. ಇದು ವಿಶ್ವಪ್ರಸಿದ್ಧ ಮಕಲನ್ ಡಿಸ್ಟಿಲರಿಯಿಂದ ಮರು ಕಂಡೀಷನಿಂಗ್ ಮಾಡಿದ ಮೊದಲ ಬಾಟಲಿಯಾಗಿದೆ. ಈ "ರೀಕಂಡಿಷನಿಂಗ್" ಕ್ಯಾಪ್ಸುಲ್ ಮತ್ತು ಕಾರ್ಕ್ ಅನ್ನು ಬದಲಿಸುವುದರ ಜೊತೆಗೆ ಬಾಟಲ್ ಲೇಬಲ್ಗಳನ್ನು ಸರಿಪಡಿಸುವುದನ್ನು ಒಳಗೊಂಡಿತ್ತು. ಬಹುನಿರೀಕ್ಷಿತ ಹರಾಜು 2023 ನವೆಂಬರ್ 18ರಂದು ಲಂಡನ್‌ನಲ್ಲಿ ನಡೆಯಲಿದೆ.

https://www.vijayavani.net/trucks-carrying-aid-start-entering-gaza-through-rafah-border-from-egypt