ಬಲ್ಗೇರಿಯಾದ ವಧುವಿನ ಮಾರುಕಟ್ಟೆ! ಹೆಣ್ಣು ಮಕ್ಕಳನ್ನು ಖರೀದಿಸಲು ಅವಕಾಶ, ಆದ್ರೆ ಷರತ್ತುಗಳು ಅನ್ವಯ

ಸೋಫಿಯಾ: ನಾವು ನಮ್ಮ ದೈನಂದಿನ ಜೀವನದಲ್ಲಿ ಹಲವಾರು ರೀತಿಯ ಮಾರುಕಟ್ಟೆಗಳನ್ನು ನೋಡಿದ್ದೇವೆ ಮತ್ತು ಅದರ ಬಗ್ಗೆ ಕೇಳಿದ್ದೇವೆ. ಅವುಗಳಲ್ಲಿ ಬಟ್ಟೆ, ತರಕಾರಿ, ಸಾಕುಪ್ರಾಣಿಗಳು, ಧಾನ್ಯ, ಮಾಂಸ ಮಾರುಕಟ್ಟೆಗಳು ಸೇರಿವೆ. ಆದರೆ, ನೀವು ಎಂದಾದರೂ ವಧುವಿನ ಮಾರುಕಟ್ಟೆಯ ಬಗ್ಗೆ ಕೇಳಿದ್ದೀರಾ? ಇಂತಹ ಮಾರುಕಟ್ಟೆಯೂ ಇದೆಯಾ? ಇಂದಿನ ಕಾಲದಲ್ಲಿ ಹೆಣ್ಣನ್ನು ಮಾರಲು ಸಾಧ್ಯವೇ? ಎಂಬ ಪ್ರಶ್ನೆ ನಿಮ್ಮ ಮನದಲ್ಲಿ ಮೂಡಬಹುದು. ಆದರೆ, ಇದಕ್ಕೆಲ್ಲ ಉತ್ತರ ಹೌದು.

ಬಲ್ಗೇರಿಯಾದಲ್ಲಿ ವಧುವಿನ ಮಾರುಕಟ್ಟೆ ಇದೆ. ಈ ಮಾರುಕಟ್ಟೆಯನ್ನು ಆ ದೇಶದ ಸರ್ಕಾರವು ಕೂಡ ಸಂಪೂರ್ಣವಾಗಿ ಅನುಮೋದಿಸಿದೆ. ಜನರು ಈ ಮಾರುಕಟ್ಟೆಯಲ್ಲಿ ಅಲೆದಾಡಿ ತಮ್ಮ ನೆಚ್ಚಿನ ಪತ್ನಿಯರನ್ನು ಆಯ್ಕೆ ಮಾಡಿ ಖರೀದಿಸುತ್ತಾರೆ.

ಬಡ ಹೆಣ್ಣು ಮಕ್ಕಳಿಗೆ ಮಾತ್ರ

ಈ ಮಾರುಕಟ್ಟೆ ದೇಶದ ಎಲ್ಲಾ ಮಹಿಳೆಯರಿಗೂ ಸೂಕ್ತವಲ್ಲ. ಈ ವಧುವಿನ ಮಾರುಕಟ್ಟೆ ಕೇವಲ ಬಡ ಮಹಿಳೆಯರಿಗೆ ಮಾತ್ರ ಸೀಮಿತವಾಗಿದೆ. ಮದುವೆ ದುಬಾರಿಯಾಗಿದ್ದು, ಆರ್ಥಿಕವಾಗಿ ಹಿಂದುಳಿದ ಕುಟುಂಬಗಳು ಇದನ್ನು ಭರಿಸಲಾಗದೆ ತಮ್ಮ ಹೆಣ್ಣು ಮಕ್ಕಳನ್ನು ಈ ಮಾರುಕಟ್ಟೆಗೆ ಕರೆದೊಯ್ಯುತ್ತವೆ. ಅಲ್ಲಿ ಪುರುಷರು ತಮ್ಮ ನೆಚ್ಚಿನ ಮಹಿಳೆಯರನ್ನು ಸಮಂಜಸವಾದ ಬೆಲೆಗೆ ಖರೀದಿಸಿ ಅವರನ್ನು ಹೆಂಡತಿಯಾಗಿ ಸ್ವೀಕರಿಸಿ ಬದುಕಲು ಪ್ರಾರಂಭಿಸುತ್ತಾರೆ.

ಇದನ್ನೂ ಓದಿ: ಪತ್ನಿಯ ಮೇಲೆ ಹಲ್ಲೆ ಮಾಡಿ, ಹಿಂಸಿಸುವ ಹಕ್ಕನ್ನು ಯಾವುದೇ ಕಾನೂನು ನೀಡಿಲ್ಲ: ದೆಹಲಿ ಹೈಕೋರ್ಟ್​

ಷರತ್ತುಗಳು ಅನ್ವಯ

ಆದರೆ, ಮಾರುಕಟ್ಟೆಯಲ್ಲಿ ಮಾರಾಟವಾಗುವ ವಧುವನ್ನು ಮನೆಗೆ ಕರೆದೊಯ್ಯಲು ಹಲವು ಷರತ್ತುಗಳನ್ನು ಸಹ ಹಾಕಲಾಗುತ್ತದೆ. ಕಲೈಯಾಡಿ ಸಮುದಾಯದವರು ತಮ್ಮ ಹೆಣ್ಣು ಮಕ್ಕಳನ್ನು ಈ ಮಾರುಕಟ್ಟೆಯಲ್ಲಿ ಮಾರುತ್ತಾರೆ. ಹೆಣ್ಣುಮಕ್ಕಳನ್ನು ಖರೀದಿಸುವ ಪುರುಷನೂ ಕೂಡ ಅದೇ ಸಮುದಾಯಕ್ಕೆ ಸೇರಿರಬೇಕು. ಅಲ್ಲದೆ, ಈ ಮಾರುಕಟ್ಟೆಯಲ್ಲಿ ಮಾರಾಟವಾಗುವ ಮಹಿಳೆ ಬಡವಳಾಗಿರಬೇಕು. ಆರ್ಥಿಕವಾಗಿ ಸದೃಢವಾಗಿರುವ ಕುಟುಂಬಗಳು ತಮ್ಮ ಹೆಣ್ಣುಮಕ್ಕಳನ್ನು ಮಾರಾಟ ಮಾಡಲು ಈ ಮಾರುಕಟ್ಟೆಯಲ್ಲಿ ಸಾಧ್ಯವಿಲ್ಲ. ಅಲ್ಲದೆ, ಪುರುಷನ ಕುಟುಂಬವು ಖರೀದಿಸಿದ ಮಹಿಳೆಗೆ ಸೊಸೆಯ ಸ್ಥಾನಮಾನವನ್ನು ನೀಡಬೇಕು.

ಇದೀಗ ಬಲ್ಗೇರಿಯಾದ ಈ ವಧು ಮಾರುಕಟ್ಟೆ ಎಲ್ಲೆಡೆ ಬಹಳ ಚರ್ಚೆಯ ವಿಷಯವಾಗಿದ್ದು, ಜನರು ಅಚ್ಚರಿಯಿಂದ ನೋಡುತ್ತಿದ್ದಾರೆ. (ಏಜೆನ್ಸೀಸ್​)

https://www.vijayavani.net/same-snake-bites-nine-time-to-a-boy-in-kalaburagi

https://www.vijayavani.net/youth-steals-ktm-duke-from-showroom-caught-after-google-pay-drama-in-petrol-pump

https://www.vijayavani.net/disney-sony-viacom18-in-three-way-fight-for-bcci-media-rights