ಲಡಾಖ್​ ಪ್ರವಾಸದಲ್ಲಿ ಪ್ಯಾಂಗಾಂಗ್​ ಸರೋವರಕ್ಕೆ ಬೈಕ್​ ರೈಡ್​ ಮಾಡಿದ ರಾಹುಲ್​ ಗಾಂಧಿ

ಲಡಾಖ್​: ಮೂರು ದಿನಗಳ ಲಡಾಖ್​ ಪ್ರವಾಸದಲ್ಲಿರುವ ಕಾಂಗ್ರೆಸ್​ ನಾಯಕ ರಾಹುಲ್​ ಗಾಂಧಿ ಶನಿವಾರ ಪ್ಯಾಂಗಾಂಗ್​ ಸರೋವರಕ್ಕೆ ಬೈಕ್​ ರೈಡ್​ ಮಾಡಿದ್ದಾರೆ. ಆಗಸ್ಟ್​ 20ರಂದು ತಮ್ಮ ತಂದೆ ದಿ. ರಾಜೀವ್​ ಗಾಂಧಿ ಅವರ ಜನ್ಮ ದಿನಾಚರಣೆಯನ್ನು ಪ್ಯಾಂಗಾಂಗ್​ ಸರೋವರದಲ್ಲಿ ಆಚರಿಸಲಿದ್ದಾರೆ ಎಂದು ತಿಳಿದು ಬಂದಿದೆ.

ರಾಹುಲ್​ ಗಾಂಧಿ ಬೈಕ್​ ರೈಡ್​ ಮಾಡುತ್ತಿರುವ ಫೋಟೋ ಹಾಗೂ ವಿಡಿಯೋ ಸಾಮಾಜಿಕ ಜಾಲತಾಣ ಎಕ್ಸ್​ನಲ್ಲಿ ವೈರಲ್​ ಆಗಿದೆ. ತಮ್ಮ ತಂದೆಯವರ ಜನುಮದಿನದ ನಿಮಿತ್ತ ರಾಹುಲ್​ ಗಾಂಧಿ ಪ್ಯಾಂಗಾಂಗ್​ ಸರೋವರದಲ್ಲಿ ವಿಶೇಷ ಪೂಜೆಯನ್ನು ಹಮ್ಮಿಕೊಂಡಿದ್ದಾರೆ ಎಂದು ಹಿರಿಯ ಕಾಂಗ್ರೆಸ್​ ನಾಯಕರೊಬ್ಬರು ತಿಳಿಸಿದ್ದಾರೆ.

ಇದನ್ನೂ ಓದಿ: ಕೌಟುಂಬಿಕ ಕಲಹ; ಕುಡಿದ ಮತ್ತಿನಲ್ಲಿ ಪತ್ನಿಯನ್ನು ಕೊಲೆ ಮಾಡಿದ ಪತಿ

ನಮ್ಮ ಪಯಣ ಪ್ಯಾಂಗಾಂಗ್​ ಸರೋವರದ ಕಡೆಗೆ. ಇದು ವಿಶ್ವದ ಅತ್ಯಂತ ಸುಂದರವಾದ ಸ್ಥಳಗಳಲ್ಲಿ ಒಂದು ಎಂದು ನಮ್ಮ ತಂದೆಯವರು ಹೇಳುತ್ತಿದ್ದರೆಂದು ರಾಹುಲ್​ ಗಾಂಧಿ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದಾರೆ.

ಶುಕ್ರವಾರ ಲಡಾಖ್​ಗೆ ಆಗಮಿಸಿದ ರಾಹುಲ್​ ಗಾಂಧಿ ಸ್ಥಳೀಯ ಕಾಂಗ್ರೆಸ್​ ನಾಯಕರು ಹಾಗೂ 500ಕ್ಕೂ ಹೆಚ್ಚು ಯುವಕರೊಂದಿಗೆ ಸಂವಾದ ನಡೆಸಿದ್ದಾರೆ. ಬಳಿಕ ಸ್ಥಳೀಯರೊಂದಿಗೆ ಫುಟ್​ಬಾಲ್​ ಆಡಿ ಕಾಲಕಳೆದಿದ್ದಾರೆ.

https://www.vijayavani.net/food-poisoned-for-the-sake-for-property-in-belgaum

https://www.vijayavani.net/sunny-deol-film-crosses-rs-300-crore-mark-in-india