ಮಹಿಳೆಯರಿಗೆ ಪ್ರಯಾಣ ಉಚಿತ ಎಂದು ಇಡೀ KSRTC ಬಸ್​ ಬುಕ್​ ಮಾಡಲು ಬಂದ ಅಜ್ಜಿ!

ಬೆಂಗಳೂರು: ಕೆಎಸ್​ಆರ್​ಟಿಸಿ ಬಸ್​ ಉಚಿತವಾದ ನಂತರ ನಾನಾ ರೀತಿಯ ಸುದ್ದಿಗಳು ಕೇಳಿಬರುತ್ತಿವೆ. ಕೆಲವು ಕಡೆ ನಿರ್ವಾಹಕರಿಗೂ ಪ್ರಯಾಣಿಕರಿಗೂ ಜಗಳವಾದಲ್ಲಿ ಇನ್ನೂ ಕೆಲವು ಕಡೆ ನೂಕು ನುಗ್ಗಲು ಉಂಟಾಗುತ್ತಿದೆ. ಇಲ್ಲೊಬ್ಬರು ಅಜ್ಜಿ, ಹೇಗಿದ್ದರೂ ಉಚಿತ ಪ್ರಯಾಣ ಇದೆ ಎಂದು ಒಂದು ಬಸ್ಸನ್ನೇ ಬುಕ್​ ಮಾಡಲು ಮಾಹಿತಿ ಕೇಂದ್ರಕ್ಕೆ ಬಂದಿದ್ದಾರೆ.

ಇಡೀ ಬಸ್ಸಿನ 48 ಸೀಟುಗಳನ್ನು ರಿಸರ್ವ್ ಮಾಡಲು ವಿಚಾರಣಾ ವಿಭಾಗಕ್ಕೆ ಬಂದು ವಿಚಾರಿಸಿದ ಅಜ್ಜಿಯ ಎಕ್ಸ್​ಕ್ಲೂಸಿವ್​ ದೃಶ್ಯಗಳು ದಿಗ್ವಿಜಯ ನ್ಯೂಸ್​ಗೆ ಲಭಿಸಿವೆ.

ಇದನ್ನೂ ಓದಿ: ಶಕ್ತಿ ಯೋಜನೆಯಿಂದ ಖಾಸಗಿ ವಾಹನ ಮಾಲೀಕರಿಗೆ ಪೆಟ್ಟು.

ಮೆಜೆಸ್ಟಿಕ್​ನ KSRTC enquiry ಕೌಂಟರ್​ಗೆ ಬಂದ ಅಜ್ಜಿ ಸುನಂದಾ, ಯಾವ್ಯಾವ ಮಾರ್ಗಗಳಿಗೆ ಎಷ್ಟು ಘಂಟೆಗೆ ಬಸ್​ಗಳ ವ್ಯವಸ್ಥೆಯಿದೆ ಎಂಬ ಮಾಹಿತಿ ಪಡೆದು ಪೇಪರ್​ನಲ್ಲಿ ಬರೆದುಕೊಂಡಿದ್ದಾರೆ.

ಸುನಂದಾ ಬೆಂಗಳೂರಿನ ಬ್ಯಾಡರಹಳ್ಳಿಯ ನಿವಾಸಿಯಾಗಿದ್ದು ತಮ್ಮ ಇಡೀ ತಂಡದೊಂದಿಗೆ 4-5 ದಿನಗಳ ಕಾಲ ಧಾರ್ಮಿಕ ಕ್ಷೇತ್ರಗಳ ವಿಸಿಟ್​ಗೆ ಪ್ಲ್ಯಾನ್ ಮಾಡಿಕೊಂಡಿದ್ದಾರೆ. ಇವರು ಸದ್ಯ 20 ಜನರ ತಂಡ ಮಾಡಿಕೊಂಡಿದ್ದು, ಇನ್ನೂ 20 ಜನರನ್ನು ಸೇರಿಸಿಕೊಳ್ಳುವ ಪ್ಲ್ಯಾನ್ ಮಾಡಿಕೊಂಡಿದ್ದಾರೆ.

ಇದನ್ನೂ ಓದಿ: KSRTC ಬಸ್​ ಸಿಬ್ಬಂದಿಯ ಸಾಹಸಕ್ಕೆ ಕಳ್ಳ ಸೆರೆ! ಪ್ರಯಾಣಿಕನ 5 ಲಕ್ಷ ರೂ. ಸೇಫ್​…

ಅಜ್ಜಿಯ ಹಂಚಿಕೆ ಪ್ರಕಾರ ಮನೆಯ ಮಹಿಳಾ ಕುಟುಂಬಸ್ಥರು ಹಾಗೂ ಮಹಿಳಾ ಸಂಘ ಸಂಸ್ಥೆಯವರು ಸೇರಿ ಒಟ್ಟು 48 ಜನ್ರ ಸೀಟ್ ರಿಸರ್ವ್ ಮಾಡಿಕೊಳ್ಳಲಾಗುತ್ತದೆ. (ದಿಗ್ವಿಜಯ ನ್ಯೂಸ್​)

https://www.vijayavani.net/siddaramaiah-to-place-sengol-like-pm-modi

https://www.vijayavani.net/woman-said-she-dosent-need-free-money-but-asks-minister-to-lower-the-price

https://www.vijayavani.net/mullai-muhilan-takes-charge-as-dc-of-dakshina-kannada