ನವದೆಹಲಿ: ಸ್ವಾತಂತ್ರ್ಯೋತ್ಸವದ ಶುಭ ಸಂದರ್ಭಕ್ಕೆ ಓಲಾ ಕಂಪೆನಿ ತನ್ನ ಎಲೆಕ್ಟ್ರಿಕ್ ಸ್ಕೂಟರ್ಅನ್ನು ಅನಾವರಣಗೊಳಿಸಿದೆ. ಎಸ್1 ಮತ್ತು ಎಸ್1 ಪ್ರೋ ಟ್ರಿಂ ಎಂಬ ಎರಡು ಮಾದರಿಯ ಸ್ಕೂಟರ್ಗಳನ್ನು ಲಾಂಚ್ ಮಾಡಿರುವ ಓಲಾ, ಇಂದು ಎಸ್1 ಮಾದರಿಯ ಬಗ್ಗೆ ಪೂರ್ಣ ಮಾಹಿತಿಯನ್ನು ನೀಡಿದೆ.
ಒಮ್ಮೆ ಚಾರ್ಜ್ ಮಾಡಿದರೆ 181 ಕಿಲೋಮೀಟರ್ಗಳಷ್ಟು ದೂರ ಕ್ರಮಿಸಬಲ್ಲ ಓಲಾ ಎಸ್1 ಸ್ಕೂಟರ್, ಗಂಟೆಗೆ 115 ಕಿಲೋಮೀಟರ್ನಷ್ಟು ವೇಗವಾಗಿ ಚಲಿಸಬಹುದಾಗಿದೆ. ಬೇಸಿಕ್ ಮಾಡೆಲ್ ಆದ ಎಸ್1 ಮಾದರಿಗೆ 99,999 ರೂ. ಬೆಲೆಯಾದರೆ, ಮತ್ತಷ್ಟು ವಿಶೇಷತೆಗಳನ್ನುಳ್ಳ ಎಸ್1 ಪ್ರೋ ಟ್ರಿಂಗೆ 1,29,999 ರೂ. ಎಕ್ಸ್-ಶೋರೂಂ ಬೆಲೆ ಎನ್ನಲಾಗಿದೆ.
ಇದನ್ನೂ ಓದಿ: ದೇಶದ ಅಭಿವೃದ್ಧಿಗೆ ಹೊಸ ಆಯಾಮ ನೀಡಿದ ಮೋದಿ: ಕಟೀಲ್ ಶ್ಲಾಘನೆ
ಕಳೆದ ತಿಂಗಳು ಕೇವಲ 499 ರೂ.ಗಳನ್ನು ಕಟ್ಟಿ ಓಲಾ ಸ್ಕೂಟರನ್ನು ಕಾದಿರಿಸಲು ಓಲಾ ಕಂಪೆನಿ ಅನುವು ಮಾಡಿಕೊಟ್ಟಿತ್ತು. ಇದರಿಂದಾಗಿ ಒಂದೇ ದಿನದಲ್ಲಿ 1 ಲಕ್ಷ ಬುಕಿಂಗ್ಗಳು ಲಭಿಸಿದ್ದವು. ಹಲವು ಬಣ್ಣಗಳಲ್ಲಿ ಲಭ್ಯವಾಗಲಿರುವ ಓಲಾ ಎಲೆಕ್ಟ್ರಿಕ್ ಸ್ಕೂಟರನ್ನು ಮುಂಬರುವ ಸೆಪ್ಟೆಂಬರ್ 8 ರಿಂದ ಗ್ರಾಹಕರು ಖರೀದಿಸಬಹುದು. ಅಕ್ಟೋಬರ್ ತಿಂಗಳಿಂದ ಸ್ಕೂಟರನ್ನು ನೇರವಾಗಿ ಫ್ಯಾಕ್ಟರಿಯಿಂದ ಡೆಲಿವರಿ ಮಾಡಲಾಗುವುದು ಎನ್ನಲಾಗಿದೆ. (ಏಜೆನ್ಸೀಸ್)
ಜಾಕ್ಲೀನ್ ಫರ್ನಾಂಡಿಸ್, ಸಚಿನ್ ತೆಂಡೂಲ್ಕರ್…. ಸೆಲೆಬ್ರಿಟಿಗಳ ಸ್ವಾತಂತ್ರ್ಯ ದಿನಾಚರಣೆಯ ಝಲಕ್ ಇಲ್ಲಿದೆ