ಜನಮನ ಸೆಳೆದ ನೃತ್ಯನಾದ ತಂಡ ಏರ್ಪಡಿಸಿದ್ದ ನೃತ್ಯೋತ್ಸವ ಕಾರ್ಯಕ್ರಮ

ಬೆಂಗಳೂರು: ನೃತ್ಯನಾದ ಅಕಾಡೆಮಿ ಫಾರ್ ಪರ್ಫಾರ್ಮಿಂಗ್ ಆರ್ಟ್ಸ್ ಇತ್ತೀಚೆಗೆ ನಗರದ ರವೀಂದ್ರ ಕಲಾಕ್ಷೇತ್ರದಲ್ಲಿ ಆಯೋಜಿಸಿದ್ದ ನೃತ್ಯೋತ್ಸವ ಕಾರ್ಯಕ್ರಮ ಪ್ರೇಕ್ಷಕರ ಗಮನ ಸೆಳೆಯಿತು.

ನೃತ್ಯನಾದದಲ್ಲಿ ಅಭ್ಯಾಸ ಮಾಡುತ್ತಿರುವ ಮಕ್ಕಳು ಆನಂದರಾಮ ನೃತ್ಯ ರೂಪಕ ಹಾಗೂ ಭರತನಾಟ್ಯ ಹಾಗೂ ಮತ್ತಿತರ ಸಾಂಸ್ಕೃತಿಕ ಪ್ರದರ್ಶನಗಳನ್ನು ನೀಡಿದರು.

ಶ್ರೀವೆಂಕಟೇಶ ನಾಟ್ಯ ಮಂದಿರದ ವಿದ್ಯಾರ್ಥಿಗಳು ಸಮೂಹ ಭರತನಾಟ್ಯ ಪ್ರದರ್ಶಿಸಿದರು. ಮಹತಿ ಕಣ್ಣನ್‌ರವರ ಭರತ ನೃತ್ಯ ಹಾಗೂ ಚಂದನ ಮಹೇಂದ್ರಪ್ಪರವರು ಒಡಿಸ್ಸಿ ನೃತ್ಯ ಪ್ರದರ್ಶನ ನೀಡಿದರು.

ಇದೇ ವೇಳೆ ಕಾರ್ಯಕ್ರಮದಲ್ಲಿ ಗುರು ರಾಧಾ ಶ್ರೀಧರ್, ಪದ್ಮವಿಭೂಷಣ ಪದ್ಮಸುಬ್ರಮಣ್ಯಂ, ನಂಜುಂಡ ರಾವ್, ಪ್ರದ್ಯುಮ್ನ, ಕನ್ನಡ ಸಂಸ್ಕೃತಿ ಇಲಾಖೆ ಸಹ ನಿರ್ದೇಶಕ ಚಂದ್ರಶೇಖರ್, ಡಾ. ಗಾಯತ್ರಿ ಕಣ್ಣನ್ ಪ್ರಸಿದ್ಧ ಕೊಳಲು ವಾದಕ ಎಚ್.ಎಸ್. ವೇಣುಗೋಪಾಲ್, ನೃತ್ಯನಾದ ಸಂಸ್ಥೆ ಸಂಸ್ಥಾಪಕಿ ರಶ್ಮಿ ಹರಿಪ್ರಸಾದ್ ಮತ್ತಿತರ ಗಣ್ಯರು ಕಾರ್ಯಕ್ರಮದಲ್ಲಿ ಪಾಲ್ಗೊಂಡಿದ್ದರು.

https://www.vijayavani.net/the-first-tuesday-of-the-month-of-bhadrapada-is-the-day-of-the-incarnation-of-veerabhadraswami