ಆಸ್ಟ್ರೇಲಿಯನ್ ಓಪನ್ನಲ್ಲಿ ಭಾಗವಹಿಸುವ ಎಲ್ಲ ಆಟಗಾರರಿಗೆ ಲಸಿಕೆ ಕಡ್ಡಾಯಗೊಳಿಸಲಾಗಿದ್ದರೂ, ವೈದ್ಯಕೀಯ ಕಾರಣಗಳಿಂದಾಗಿ ತನಗೆ ವಿನಾಯಿತಿ ನೀಡಲಾಗಿದೆ ಎಂದು 20 ಗ್ರಾಂಡ್ ಸ್ಲಾಂಗಳ ಒಡೆಯ ಜೋಕೋ ಸೆರ್ಬಿಯಾದಿಂದ ಆಸೀಸ್ಗೆ ಪ್ರಯಾಣಿಸುವ ಮುನ್ನ ಪ್ರಕಟಿಸಿದ್ದರು. ಆದರೆ ವಿಕ್ಟೋರಿಯಾ ರಾಜ್ಯ ಸರ್ಕಾರ ನೀಡಿದ ಲಸಿಕೆ ವಿನಾಯಿತಿಯನ್ನು ನಿಯಮಬದ್ಧವಾಗಿಲ್ಲ ಎಂದು ಆಸ್ಟ್ರೇಲಿಯನ್ ಬಾರ್ಡರ್ ಫೋರ್ಸ್ ತಳ್ಳಿಹಾಕಿದ್ದು, ಮೆಲ್ಬೋರ್ನ್ ವಿಮಾನ ನಿಲ್ದಾಣದಲ್ಲಿ ಅವರನ್ನು ಬುಧವಾರ ದಸ್ತಗಿರಿ ಮಾಡಲಾಗಿತ್ತು. ವಿಮಾನ ನಿಲ್ದಾಣದಲ್ಲೇ 8 ಗಂಟೆಗಳನ್ನು ಕಳೆದ ಬಳಿಕ ಅವರನ್ನು ಸ್ಥಳೀಯ ಹೋಟೆಲ್ನಲ್ಲಿ ಇಮಿಗ್ರೇಷನ್ ಅಧಿಕಾರಿಗಳು ಬಂಧನದಲ್ಲಿಟ್ಟಿದ್ದಾರೆ. ಈ ನಡುವೆ ಸೆರ್ಬಿಯಾ ಸರ್ಕಾರ, ಆಸ್ಟ್ರೇಲಿಯಾದಲ್ಲಿ ಜೋಕೋಗೆ ಕಿರುಕುಳ ನೀಡಲಾಗುತ್ತಿದೆ ಎಂದು ಆರೋಪಿಸಿದೆ.
