ನಿರ್ದೇಶಕ ರಾಮಗೋಪಾಲ್​ ವರ್ಮಾ ವಿರುದ್ಧ ನೋಟಿಸ್​ ಜಾರಿ; ಪೊಲೀಸರ ಹುಡುಕಾಟ | Ram Gopal Varma

ಆಂಧ್ರಪ್ರದೇಶ: ಸಿಎಂ ಚಂದ್ರಬಾಬು ನಾಯ್ಡು ಮತ್ತು ಪಕ್ಷದ ಇತರ ನಾಯಕರ ಕುರಿತು ಸಾಮಾಜಿಕ ಮಾಧ್ಯಮಗಳಲ್ಲಿ ಆಕ್ಷೇಪಾರ್ಹ ಪೋಸ್ಟ್​ಗಳನ್ನು ಹಾಕಿದರೆಂಬ ಆರೋಪದ ಮೇಲೆ ಇದೇ ನ.11 ರಂದು ಖ್ಯಾತ ನಿರ್ದೇಶಕ ರಾಮಗೋಪಾಲ್ ವರ್ಮಾ(Ram Gopal Varma) ವಿರುದ್ಧ ಕೇಸ್​ ದಾಖಲಾಗಿತ್ತು. ಈ ಹಿನ್ನೆಲೆ ನ.24 ರಂದು ವಿಚಾರಣೆಗೆ ಹಾಜರಾಗುವಂತೆ ಪೊಲೀಸರು ನೋಟಿಸ್​ ಜಾರಿ ಮಾಡಿದ್ದಾರೆ. ಆದರೆ, ವಿಚಾರಣೆಗೆ ಹಾಜರಾಗದೆ ಕಳೆದ ಎರಡು ದಿನಗಳಿದ ನಿರ್ದೇಶಕ ನಾಪತ್ತೆಯಾಗಿದ್ದು, ಪೊಲೀಸರು ತೀವ್ರ ಶೋಧ ನಡೆಸುತ್ತಿದ್ದಾರೆ.

ನಿರ್ದೇಶಕ ವರ್ಮಾಗೆ ಈಗಾಗಲೇ ಪೊಲೀಸರು ಎರಡು ಬಾರಿ ನೋಟಿಸ್​ ಕಳುಹಿಸಿದ್ದಾರೆ. ಅಲ್ಲದೆ, ಇದೇ ನ.24 ರಂದು ಖುದ್ದು ಹಾಜರಾಗಿ ಇಲ್ಲವಾದರೆ ಬಂಧನ ಎದುರಿಸಬೇಕಾಗುತ್ತದೆ ಎಂದು ಹೇಳಿದ್ದರು. ಆದರೆ, ವರ್ಮಾ ಮಾತ್ರ ಇದುವರೆಗೂ ನೋಟಿಸ್​ಗೆ ಉತ್ತರ ನೀಡಿಲ್ಲ. ಎಲ್ಲಿ ಇದ್ದೇನೆ ಎಂದು ಸೂಕ್ತ ಮಾಹಿತಿ ಕೂಡ ನೀಡಿಲ್ಲ. ಹೀಗಾಗಿ, ಅವರ ಪತ್ತೆಗಾಗಿ ಪೊಲೀಸರು ಮೂರು ತಂಡಗಳನ್ನು ನೇಮಿಸಿದ್ದು, ಆಂಧ್ರದಲ್ಲಿ ಎರಡು ಮತ್ತು ತಮಿಳುನಾಡಿನಲ್ಲಿ ಒಂದು ತಂಡಗಳನ್ನು ನಿಯೋಜಿಸಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಇದನ್ನೂ ಓದಿ:EVM ಬಗ್ಗೆ ಕಳವಳ ವ್ಯಕ್ತಪಡಿಸಿದ ಜಗನ್​ಮೋಹನ್​ ರೆಡ್ಡಿ.. ಬ್ಯಾಲೆಟ್​ ಮತದಾನಕ್ಕೆ ಒತ್ತಾಯ!

ಒಂದು ತಂಡ ಚೈನ್ನೈಗೆ ತೆರಳಿದೆ. ಉಳಿದ ತಂಡಗಳು ಹೈದರಾಬಾದ್​ನ ಅವರ ಮನೆಯಲ್ಲಿ ಶೋಧ ನಡೆಸುತ್ತಿದ್ದಾರೆ. ಮತ್ತೊಂದು ತಂಡ ಫಿಲ್ಮ್​ನಗರ ಸೇರೆದಂತೆ ವರ್ಮಾ ಅವರ ದಿನನಿತ್ಯದ ಓಡಾಡುವ ಸ್ಥಳಗಳನ್ನು ಪರಿಶೀಲನೆಗೆ ಮುಂದಾಗಿದೆ ಎಂದು ಪೊಲೀಸ್​ ಅಧಿಕಾರಿ ತಿಳಿಸಿದ್ದಾರೆ.

ರಾಮಗೋಪಾಲ್​ ವರ್ಮಾ ಪರ ವಕೀಲರ ವಾದ?

ಇದು ಡಿಜಿಟಲ್​ ಯುಗ, ವರ್ಮಾ ಅವರು ತನಿಖೆಗೆ ಠಾಣೆಗೆ ಹಾಜರಾಗಬೇಕೆಂದನಿಲ್ಲ, ಅವರು ಡಿಜಿಟಲ್​ ಮೂಲಕ ತನಿಖೆ ಎದುರಿಸಬಹುದು. ಇದಕ್ಕೆ ಅವಕಾಶ ಮಾಡಿಕೊಡಿ ಎಂದು ಪೊಲೀಸರಿಗೆ ಮನವಿ ಮಾಡಿರುವುದಾಗಿ ತಿಳಿಸಿದ್ದಾರೆ. ರಾಮಗೋಪಾಲ್​ ವರ್ಮಾ ತಪ್ಪೇನು ಮಾಡಿಲ್ಲ. ಇದು ದೇಶ ದ್ರೋಹ ಅಥವಾ ಮಾಫಿಯಾ ಅಲ್ಲ. ನಾವು ಕಾನೂನು ನಿಯಮಗಳನ್ನು ಅನುಸರಿಸುತ್ತವೆ. ವರ್ಮಾ ಅವರ ಪ್ರತಿಕ್ರಿಯೆ ಅನ್ನು ವಾಟ್ಸ್ಆ್ಯಪ್​ ಮೂಲಕ ಪೊಲೀಸರಿಗೆ ಕಳುಹಿಸಿಕೊಟ್ಟಿದ್ದೇವೆ. ಆದರೆ, ಪೊಲೀಸರು ಇನ್ನು ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ ಎಂದು ಆರೋಪಿಸಿದ್ದಾರೆ, (ಏಜೆನ್ಸೀಸ್​).

https://www.vijayavani.net/women-caught-with-poisonous-dangerous-snakes

https://www.vijayavani.net/jaganmohan-reddy-expresses-concern-about-evms-insists-on-ballot-voting