ಆಧುನಿಕ ಶಿಕ್ಷಣದ ನ್ಯೂನತೆಗಳು ಈಗಾಗಲೇ ದೊಡ್ಡ ಸವಾಲಾಗಿ ನಮ್ಮ ಸಮಾಜವನ್ನು ಕಾಡತೊಡಗಿದೆ. ತಂದೆ- ತಾಯಿಯರನ್ನೇ ಅನಾಥರಾಗಿಸುವ ಮಕ್ಕಳು, ಧಾರ್ಮಿಕ-ಸಾಂಸ್ಕೃತಿಕ ಮಹತ್ವಗಳ ಅಪಹಾಸ್ಯ, ಹಿಂಸೆಗೆ ಪ್ರೇರಣೆ ನೀಡುವ ಬೋಧನೆಯತ್ತ ಯುವ ಸಮುದಾಯದ ಒಲವು ಈಗಾಗಲೇ ನಮ್ಮ ಸಮಾಜಕ್ಕೆ ಸವಾಲಾಗಿ ಕಾಡಲು ಆರಂಭಿಸಿದ್ದು, ಇದು ಚಿಂತೆಯ ವಿಷಯವಾಗಿದೆ. ಈ ದಿಸೆಯಲ್ಲಿ ನಾವು ಜಾಗೃತರಾಗದಿದ್ದರೆ ಭವಿಷ್ಯದಲ್ಲಿ ದೇಶ ಭಾರಿ ಬೆಲೆ ತೆರಬೇಕಾಗಬಹುದು. ಮಕ್ಕಳಿಗೆ ಗುಣಮಟ್ಟದ ಶಿಕ್ಷಣ ನೀಡುವ ಮೂಲಕ ಅವರು ಸರಿಯಾದ ಮಾರ್ಗದಲ್ಲಿ ನಡೆಯುವಂತೆ ಮಾಡಬಹುದು ಎಂದರು.
ಸಂಘದ ಅಧ್ಯಕ್ಷ ಸಂತೋಷ್ ಭಂಡಾರಿ ಅಧ್ಯಕ್ಷತೆ ವಹಿಸಿದ್ದರು. ಪ್ರಧಾನ ಕಾರ್ಯದರ್ಶಿ ಶಶಿರಾಜ್, ಬೈಂದೂರು ಲಾವಣ್ಯ ಅಧ್ಯಕ್ಷ ನರಸಿಂಹ ಬಿ.ನಾಯಕ್ ಇದ್ದರು. ಖಜಾಂಚಿ ಸವಿತಾ ಸ್ವಾಗತಿಸಿದರು. ಯಮುನಾ ಕಾರ್ಯಕ್ರಮ ನಿರ್ವಹಿಸಿದರು.
