ಹಿರಿಯ ರೈತ ಹೋರಾಟಗಾರ ಉಡಚಪ್ಪಾ ಬೋಬಾಟಿ ಪ್ರತಿಭಟನಾ ಸಭೆಯನ್ನುದ್ದೇಶಿಸಿ ಮಾತನಾಡಿ, ಇಲ್ಲಿನ ಇಐಡಿ ಪ್ಯಾರಿ ಸಕ್ಕರೆ ಕಾರ್ಖಾನೆ ರೈತರಿಗೆ ಯೋಗ್ಯ ಬೆಲೆ ನೀಡುವುದರಲ್ಲಿ ಪ್ರತಿವರ್ಷ ಮೀನಮೇಷ ಎಣಿಸುತ್ತಿರುವುದು ದೌರ್ಭಾಗ್ಯದ ಸಂಗತಿಯಾಗಿದೆ. ನ್ಯಾಯಯುತ ಬೇಡಿಕೆಗಳ ಈಡೇರಿಕೆ ಆಗ್ರಹಿಸಿ ಇಂದು ರೈತರು ನಡೆಸುತ್ತಿರುವ ಹೋರಾಟ ನ್ಯಾಯ ಸಿಗುವವರೆಗೆ ನಿಲ್ಲಬಾರದು ಎಂದರು.
ಎಸ್.ಕೆ.ಗೌಡ ಮಾತನಾಡಿ ತಾಲೂಕಿನ ರೈತರ ಪರಿಸ್ಥಿತಿ ಹದಗೆಡಲು ಸ್ಥಳೀಯ ಶಾಸಕ ಆರ್. ವಿ. ದೇಶಪಾಂಡೆ ಅವರೇ ಕಾರಣ. ಈ ಹಿಂದೆ ಸಕ್ಕರೆ ಕರ್ಖಾನೆ ಎದುರು ಒಂದು ತಿಂಗಳು ಹೋರಾಟ ನಡೆಸಿದ ಸಂದರ್ಭದಲ್ಲೂ ಸೌಜನ್ಯಕ್ಕೂ ಭೆಟಿ ಕೊಟ್ಟು ರೈತರ ನೋವು ಆಲಿಸಿಲ್ಲ. ಇಂದಿನ ಹೋರಾಟಕ್ಕೂ ಅವರು ಭೇಟಿ ನೀಡಿಲ್ಲ. ಹೀಗಾಗಿ ಅವರು ಹಾಗೂ ಮಾಜಿ ಶಾಸಕರಾದ ಸುನೀಲ್ ಹೆಗಡೆ ಮತ್ತು ಎಸ್.ಎಲ್. ಘೊಟ್ನೆಕರ ಅವರ ಪಕ್ಷಗಳ ಕಾರ್ಯಕರ್ತ ರೈತರು ತಮ್ಮ ನಾಯಕರನ್ನು ಪ್ರಶ್ನೀಸಬೇಕಿದೆ. ಇವರಿಂದ ರೈತರು ಏನು ಉದ್ದಾರವಾಗಲು ಸಾಧ್ಯವೆಂದು ಕಿಡಿಕಾರಿದರು.
ರಾಜ್ಯ ಕಬ್ಬು ಬೆಳೆಗಾರ ಸಂಘದ ಜಿಲ್ಲಾಧ್ಯಕ್ಷ ಸಂದೀಪಕುಮಾರ ಬೋಬಾಟಿ ಮಾತನಾಡಿ ರೈತರ ನ್ಯಾಯಯುತ ಬೇಡಿಕೆ ಈಡೇರಿಸದ ಪ್ಯಾರಿ ಕಾರ್ಖಾನೆಯವರು ರೈತರಲ್ಲಿ ಒಡಕು ಮೂಡಿಸುವ, ಒಡೆದು ಆಳುವ ಪ್ರಯತ್ನ ಮಾಡುತ್ತಿದ್ದಾರೆಂದು ಆಕ್ರೋಶ ವ್ಯಕ್ತಪಡಿಸಿ, ಸ್ಥಳೀಯ ಹಾಲಿ ಹಾಗೂ ಮಾಜಿ ಶಾಸಕರ ವಿರುದ್ದ ಗುಡುಗಿದರು. ಬೇಡಿಕೆ ಈಡೇರುವವರೆಗೂ ಪ್ರತಿಭಟನಾ ಸ್ಥಳದಿಂದ ಒಂದು ಇಂಚು ಕದಲುವುದಿಲ್ಲ ಎಂದು ಸ್ಪಷ್ಟಪಡಿಸಿದರು.
ಎನ್.ಎಸ್. ಜಿವೋಜಿ ಮಾತನಾಡಿ ಕಾರ್ಖಾನೆಯು ರೈತರೊಂದಿಗೆ ದ್ವೀಪಕ್ಷೀಯ ಒಪ್ಪಂದ ಮಾಡಿಕೊಂಡು, ಯೋಗ್ಯ ದರ ನೀಡುವವರೆಗೂ ಹಾಗೂ ಹಳೆಯ ಬಾಕಿ ನೀಡುವವರೆಗೂ ಕಾರ್ಖಾನೆ ಆರಂಭಿಸಲು ಯಾವುದೇ ಕಾರಣಕ್ಕೂ ಅವಕಾಶ ಕೊಡುವುದಿಲ್ಲ ಎಂದು ಎಚ್ಚರಿಕೆ ನೀಡಿದರು.
ಶಂಕರ ಕಾಜಗಾರ, ಅಶೋಕ ಮೇಟಿ, ಸುರೇಶ ಶಿವಣ್ಣವರ, ಎಂ.
