ಸುತ್ತೂರು ಶ್ರೀಕ್ಷೇತ್ರದಲ್ಲಿ ಇತ್ತೀಚೆಗೆ ಶ್ರಾವಣ ಮಾಸದ 7ನೇ ದಿನದ ಪ್ರವಚನ ನೀಡಿದ ಅವರು, ಜೇನುತುಪ್ಪ, ಚಂದ್ರ, ಅಮೃತ, ಸಮಸ್ತಭೂಮಂಡಲ ಇವುಗಳಿಂದ ಏನಾದಿತು? ಮನಸ್ಸಿಗೊಪ್ಪುವ ನಡತೆಯಿಂದ ಕೂಡಿದ ಸತ್ಪುರುಷರು ಕಣ್ಣಿಗೆ ಗೊಚರವಾದರೆ ಅದೇ ಸರ್ವಸ್ವ. ಸಜ್ಜನರ ಸಾಮಿಪ್ಯವೇ ನಮಗೆ ಹೆಚ್ಚಿನ ಸುಖ, ಶಾಂತಿ, ನೆಮ್ಮದಿ, ತೃಪ್ತಿ ಹಾಗೂ ಆಹ್ಲಾದವನ್ನು ನೀಡುತ್ತದೆ. ಕವಿ ಗದುಗಿನ ನಾರಾಣಪ್ಪ ಹೇಳಿದಂತೆ ಯತಿ ಕೆಡಗು ದುಸ್ಸಂಗದಲಿ, ಭೂಪತಿ ಕೆಡಗು ದುರ್ಮಂತ್ರಿಯಲಿ, ವರಸುತ ಕೆಡಗು ಲಾಲನೆಗಳಲಿ, ಕೃಷಿ ಕೆಡಗು ಉಪೇಕ್ಷೆಯಲಿ, ಮತಿ ಕೆಡಗು ಮಧುಪಾನದಲಿ, ಸದ್ಗತಿ ಕೆಡಗು ದುಶ್ಚರಿತದಲಿ, ನಿಜಸತಿ ಕೆಡಗು ದುರ್ವ್ಯಸನದಲಿ ಭೂಪಾಲ ಕೇಳೆಂದ ಎನ್ನುವಂತೆ ನಾವು ಎಂತವರ ಸಂಗ ಮಾಡುತ್ತೇವೆಯೋ ಅಂತವರ ಗುಣ ಸ್ವಭಾವಗಳು ನಮಗೆ ಅಂಟಿಕೊಳ್ಳುತ್ತವೆ ಎಂದರು.
