14 ಸದಸ್ಯ ಬಲದ ಗ್ರಾಪಂ ಉಪಾಧ್ಯಕ್ಷ ಸ್ಥಾನಕ್ಕೆ ಗುರುವಾರ ಚುನಾವಣೆ ನಿಗದಿಯಾಗಿತ್ತು. ಇಟ್ಟಿಗೆ ಗ್ರಾಮದ ವನಜಾಕ್ಷಿಬಾಯಿ ಮತ್ತು ಎ.ರಂಗಾಪುರ ಗ್ರಾಮದ ಸುಂಕಮ್ಮ ನಾಮಪತ್ರ ಸಲ್ಲಿಸಿ ತೀವ್ರ ಸ್ಪರ್ಧೆ ನೀಡಿದ್ದರು. ವನಜಾಕ್ಷಿಬಾಯಿಗೆ 7, ಸುಂಕಮ್ಮ ಪರ 6 ಮತ ಚಲಾವಣೆಯಾಗಿ ಮತ್ತೊಂದು ಮತ ಇಬ್ಬರಿಗೂ ಚಲಾವಣೆಯಾಗಿದ್ದರಿಂದ 1 ಮತಗಳ ಅಂತರದಿಂದ ವನಜಾಕ್ಷಿಬಾಯಿ ಗೆಲುವು ತಮ್ಮದಾಗಿಸಿಕೊಂಡರು. ಸದಸ್ಯರು ನೂತನ ಉಪಾಧ್ಯಕ್ಷೆಯನ್ನು ಅಭಿನಂದಿಸಿದರು. ಗ್ರಾಮೀಣಾಭಿವೃದ್ಧಿ ಮತ್ತು ಪಂಚಾಯತ್ ರಾಜ್ ಇಂಜಿನಿಯರಿಂಗ್ ವಿಭಾಗದ ಎಇಇ ದಯಾಶಂಕರ್ ಚುನಾವಣಾಧಿಕಾರಿಯಾಗಿ ಕಾರ್ಯನಿರ್ವಹಿಸಿದರು. ಗ್ರಾಪಂ ಅಧ್ಯಕ್ಷ ಇ.ಟಿ.ಕಾಂತಕುಮಾರ್ನಾಯ್ಕ, ಬಿ.ವಿ.ಶಿವಕುಮಾರಸ್ವಾಮಿ, ಸುಧಾ, ಟಿ.ಆರ್.ಬಸವರಾಜ್, ಎಚ್.ಆರ್.ಉಮೇಶ, ಸುಮಿತ್ರಮ್ಮ, ಪಿಡಿಒ ರಘುವೀರ್ ಮತ್ತಿತರರಿದ್ದರು.
