ಬಸ್ತಿಮಠದಲ್ಲಿ ವರ್ಧ್ಯಂತ್ಯುತ್ಸವ

ಎನ್.ಆರ್.ಪುರ: ಬಸ್ತಿಮಠದಲ್ಲಿ ಪೀಠಾಧಿಪತಿ ಶ್ರೀ ಲಕ್ಷ್ಮೀಸೇನಭಟ್ಟಾರಕ ಸ್ವಾಮೀಜಿ ಅವರ 10ನೇ ವರ್ಧಂತ್ಯುತ್ಸವ ಸರಳವಾಗಿ ನಡೆಯಿತು. ವರ್ಧಂತ್ಯುತ್ಸವ ಅಂಗವಾಗಿ ಎಲ್ಲ ಬಸದಿಗಳಲ್ಲಿ ವಿಶೇಷ ಪೂಜೆ, ಗಣದರ ವಲಯ ಆರಾಧನೆ ಹಾಗೂ ಸಂಜೆ ಪಾದಪೂಜೆ ನೆರವೇರಿತು.

ಬಸ್ತಿಮಠದ ಶ್ರೀ ಲಕ್ಷ್ಮೀಸೇನಭಟ್ಟಾರಕ ಸ್ವಾಮೀಜಿ ಆಶೀರ್ವಚನ ನೀಡಿ, ಗುರು ಪರಂಪರೆಯನ್ನು ನಾವು ಇತಿಹಾಸದುದ್ದಕ್ಕೂ ನೋಡಬಹುದಾಗಿದೆ. ಧರ್ಮದ ರಕ್ಷಣೆಯಲ್ಲಿ ಗುರುಪೀಠಗಳ ಪಾತ್ರವಿದೆ. ಬಸ್ತಿಮಠದ ಗುರು ಪರಂಪರೆಗೆ ಜಗನ್ಮಾತೆ ಶ್ರೀ ಜ್ವಾಲಾಮಾಲಿನಿ ದೇವಿಯ ಅಭಯವಿದೆ. ಹೀಗಾಗಿ ಶ್ರೀ ಕ್ಷೇತ್ರದ ಅಭಿವೃದ್ಧಿ ಕಾರ್ಯಗಳು ನಿರ್ವಿಘ್ನವಾಗಿ ನಡೆಯುತ್ತಿದೆ. ಈ ವರ್ಷ ಮಳೆ, ಬೆಳೆ ಚೆನ್ನಾಗಿ ಆಗಲಿ. ಪ್ರತಿಯೊಬ್ಬರೂ ಆರೋಗ್ಯವಾಗಿ ಉತ್ತಮ ಜೀವನ ನಡೆಸಲಿ ಎಂದು ಆಶಿರ್ವದಿಸಿದರು.

ಬಸ್ತಿಮಠದಲ್ಲಿ ನಿರ್ಮಾಣವಾಗುತ್ತಿರುವ ಯಾತ್ರಿ ನಿವಾಸ, ಗೋ ಶಾಲೆ, ಭಗವಾನ್ ಶ್ರೀ 1008 ಪಾರ್ಶನಾಥ ಸ್ವಾಮಿಯ ಶಿಲಾಮಯ ಮಂದಿರಗಳ ನಿರ್ಮಾಣ ಪ್ರಗತಿಯಲ್ಲಿದೆ ಎಂದರು.