ಇದೇ ಮೊದಲ ಬಾರಿಗೆ ಇಂಥದ್ದೊಂದು ಕಾರ್ಯಕ್ರಮದಲ್ಲಿ ಸ್ವತಃ ಲೇಖಕರೇ ಹಾಜರಿದ್ದು, ಓದುಗರೊಂದಿಗೆ ಮುಖಾಮುಖಿಯಾಗಲಿದ್ದಾರೆ. ಪುಸ್ತಕದ ಬಗ್ಗೆ ಸಂವಾದ ನಡೆಸಿ, ಹಸ್ತಾಕ್ಷರ ಹಾಕಲಿದ್ದಾರೆ. ಮೂರು ದಿನವೂ ಪ್ರತಿ ಸಂಜೆ ಕ್ರಮವಾಗಿ ಜಾನಪದ ಗೀತೆ, ಸಂಜೆ ಚಲನಚಿತ್ರಗೀತೆ ಸಂಗೀತ ಕಾರ್ಯಕ್ರಮ ಜರುಗಲಿದೆ. ಸಂತೆಯಲ್ಲಿ ವಿವಿಧ ಪ್ರಕಾರಗಳ 20 ಪುಸ್ತಕಗಳು ಲೋಕಾರ್ಪಣೆಯಾಗಲಿವೆ ಹಾಗೂ ಮೂರು ದಿನಗಳಲ್ಲಿ ಸುಮಾರು 1 ಲಕ್ಷಕ್ಕೂ ಹೆಚ್ಚು ಜನರು ಈ ಸಂತೆಯಲ್ಲಿ ಭಾಗವಹಿಸುವ ನಿರೀಕ್ಷೆ ಇದ್ದು, ಇದಿಷ್ಟೇ ಅಲ್ಲದೆ, ಇನ್ನೂ ಹೆಚ್ಚು ವಿಶೇಷತೆಗಳು ಈ ಪುಸ್ತಕ ಸಂತೆಯಲ್ಲಿ ಇರಲಿವೆ ಸಂತೆಗೆ ಹಾಸನ ಮತ್ತು ಸುತ್ತಮುತ್ತಲ ಜಿಲ್ಲೆಗಳ ಎಲ್ಲಾ ಸಾಹಿತ್ಯಾಸಕ್ತರು ಆಗಮಿಸುವ ಮೂಲಕ ಸಹಕಾರ ಕನ್ನಡ ಪುಸ್ತಕಲೋಕಕ್ಕೆ ಹೊಸ ಚೈತನ್ಯ ತಂದುಕೊಡುತ್ತದೆ ಎಂಬ ನಿರೀಕ್ಷೆ ಇದೆ ಎಂದು ಹೇಳಿದರು.
