ಇದು ಪ್ರಕರಣದಿಂದ ಪ್ರಕರಣಕ್ಕೆ ಭಿನ್ನವಾಗಿಯೂ ಇರಬಹುದು. ಭಯೋತ್ಪಾದನಾ ಆರೋಪವೂ ಸೇರಿರಬಹುದು. ಹೀಗಾಗಿ ಕೋರ್ಟ್ನ ತೀರ್ಮಾನ ಏನಿರುತ್ತದೆ ಎಂದು ನಾವು ಊಹೆ ಮಾಡಲಾಗದು ಎಂದು ಕೇಂದ್ರ ಸರ್ಕಾರ ಹೇಳಿತು. ಇದನ್ನು ವಿರೋಧಿಸಿದ ಅರ್ಜಿದಾರರು, ಬ್ರಿಟಿಷ್ ಕಾಲದ ಈ ಕಾನೂನಿನ ಮರುಪರಿಶೀಲನೆ ಮಾಡಲು ಸರ್ಕಾರ ಸಿದ್ಧವಿರುವುದರಿಂದ, ಈ ಪ್ರಕ್ರಿಯೆ ಮುಗಿಯುವವರೆಗೆ ಸೆಕ್ಷನ್ 124ಎ ಬಳಸದಂತೆ ತಡೆ ನೀಡಬೇಕು ಎಂದು ಮನವಿ ಮಾಡಿದರು. ದೇಶಾದ್ಯಂತ 800ಕ್ಕೂ ಹೆಚ್ಚು ದೇಶದ್ರೋಹದ ಪ್ರಕರಣಗಳು ದಾಖಲಾಗಿದ್ದು, 13 ಸಾವಿರ ಜನರು ಜೈಲಿನಲ್ಲಿ ಇದ್ದಾರೆ ಎಂದು ಅರ್ಜಿದಾರರ ಪರ ವಕೀಲ ಕಪಿಲ್ ಸಿಬಲ್ ಹೇಳಿದರು. ಇದಕ್ಕೆ ಮರುಜವಾಬು ನೀಡಿದ ಸಾಲಿಸಿಟರ್ ಜನರಲ್ ತುಷಾರ್ ಮೆಹ್ತಾ, ದೇಶದ ನ್ಯಾಯಾಂಗದ ಗೌರವವನ್ನು ಹಾಳುಮಾಡಲು ಸಾಧ್ಯವಿಲ್ಲ ಎಂದರು.
