ಅಂತಿಮ ಕಣದಲ್ಲಿ 236 ಮಂದಿ ಸ್ಪರ್ಧಿಗಳು : ರಾಮನಗರ ಮತ್ತು ಚನ್ನಪಟ್ಟಣ ನಗರಸಭೆಗಳ ಒಟ್ಟು 62 ವಾರ್ಡ್ಗಳಿಗೆ ನಡೆಯುತ್ತಿರುವ ಚುನಾವಣೆಯಲ್ಲಿ ಒಟ್ಟು 236 ಮಂದಿ ಅಂತಿಮ ಕಣದಲ್ಲಿ ಇದ್ದಾರೆ. ಚನ್ನಪಟ್ಟಣದಲ್ಲಿ 112 ಮತ್ತು ರಾಮನಗರದಲ್ಲಿ 124 ಮಂದಿ ಸ್ಪರ್ಧಿಸಿದ್ದಾರೆ. ಮತಮಂತ್ರಗಳ ಮಸ್ಟರಿಂಗ್ ಕೇಂದ್ರಗಳನ್ನು ರಾಮನಗರದಲ್ಲಿ ಸರ್ಕಾರಿ ಪ್ರಥಮ ದರ್ಜೆ ಕಾಲೇಜು ಹಾಗೂ ಚನ್ನಪಟ್ಟಣದಲ್ಲಿ ಬಾಲಕರ ಸರ್ಕಾರಿ ಪದವಿ ಪೂರ್ವ ಕಾಲೇಜಿನಲ್ಲಿ ತೆರೆಯಲಾಗಿದ್ದು, ಡಿ ಮಸ್ಟರಿಂಗ್ ಹಾಗೂ ಮತ ಎಣಿಕೆ ಇಲ್ಲಿಯೇ ನಡೆಯಲಿವೆ. ರಾಮನಗರದಲ್ಲಿ 76 ಮತ್ತು ಚನ್ನಪಟ್ಟಣದಲ್ಲಿ 59 ಸೇರಿ 135 ಮತ ಕೇಂದ್ರಗಳನ್ನು ತೆರೆಯಲಾಗಿದೆ. ಇನ್ನು ರಾಮನಗರದಲ್ಲಿ 38,738 ಮಂದಿ ಮಹಿಳಾ ಮತದಾರರು, 40,780 ಪುರುಷ ಮತದಾರರು ಹಾಗೂ 12 ಮಂದಿ ತೃತೀಯ ಲಿಂಗಿಗಳು ಸೇರಿದಂತೆ ಒಟ್ಟು 79,530 ಮಂದಿ ಹಕ್ಕು ಚಲಾವಣೆ ಮಾಡಲಿದ್ದಾರೆ. ಚನ್ನಪಟ್ಟಣದಲ್ಲಿ 28,693 ಮಂದಿ ಮಹಿಳಾ ಮತದಾರರು, 30,227 ಪುರುಷ ಮತದಾರರು ಸೇರಿದಂತೆ ಒಟ್ಟು 58,920 ಮಂದಿ ಹಕ್ಕು ಚಲಾವಣೆ ಮಾಡಲಿದ್ದಾರೆ.
