ಸಮಾಜದಲ್ಲಿ ಇಂಜಿನಿಯರ್, ಡಾಕ್ಟರ್, ವಿಜ್ಞಾನಿ ಮುಂತಾದ ಹುದ್ದೆಯಲ್ಲಿರುವ ಯುವಜನರು ಗೋಸಾಕಣೆಗೆ ಮುಂದೆ ಬಂದಲ್ಲಿ ಅದ್ಭುತ ಕ್ರಾಂತಿ ಮಾಡಬಹುದು. ಗೋಸಾಕಣೆ ಹೊರೆ ಎಂದು ತಿಳಿಯದೆ ಕ್ರಾಂತಿ ಮಾಡಲು ಬರಬೇಕು. ಆಗ ಸಂಶೋಧನೆಗಳು ನಡೆಯಬಹುದು ಎಂದು ತಿಳಿಸಿದರು. ಕರ್ಣಾಟಕ ಬ್ಯಾಂಕ್ ನಿವೃತ್ತ ವ್ಯವಸ್ಥಾಪಕ ಜೆ.ಆರ್.ನಾಗಭೂಷಣ್ ರಾವ್ ಮಾತನಾಡಿ, ಗೋಸೇವೆಯ ಮೂಲಕ ಕಾಮಧೇನು ಗೋಸೇವಾ ಟ್ರಸ್ಟ್ ಹಿಂದು ಧರ್ಮದ ಕೊಂಡಿಯನ್ನು ಬಲವಾಗಿಸುತ್ತಿದೆ. ಗ್ರಾಮೀಣ ಭಾಗದಲ್ಲಿ ಕೃಷಿಕರು ಒಂದೆರಡು ಗೋವುಗಳನ್ನು ಸಾಕಲು ಪ್ರಯಾಸಪಡುತ್ತಾರೆ. ಆದರೆ ಕಳೆದ ಹಲವು ವರ್ಷಗಳಿಂದ ಆಂಗೀರಸ ಕುಟುಂಬಸ್ಥರು ನೂರಾರು ಗೋವುಗಳನ್ನು ಒಂದೇ ಸೂರಿನಡಿ ಸಾಕಿ ಸಲಹುತ್ತಿರುವುದು ಶ್ಲಾಘನೀಯ. ಇಂತಹ ಗೋಸೇವಾ ಕಾರ್ಯಗಳಿಗೆ ಪ್ರತಿಯೊಬ್ಬರೂ ಸಹಕಾರ ನೀಡಬೇಕು ಎಂದರು. ಪ್ರಗತಿಪರ ರೈತ ಮಹಿಳೆ ಶಾಂತಾ ನಾಗಭೂಷಣ, ಗೋಸೇವಾ ಕೇಂದ್ರದ ಸುಮಾ ನಾಗೇಶ್, ಲಲಿತಾ ಆಂಗೀರಸ ಮತ್ತಿತರರಿದ್ದರು.
