ವಿಜಯವಾಣಿ ಸುದ್ದಿಜಾಲ ಕಲಬುರಗಿ
ನಗರದ ಖಾಸಗಿ ಅತಿಥಿ ಗೃಹದಲ್ಲಿದ್ದ ಗ್ರಾಪಂ ಸದಸ್ಯರನ್ನು ಕಾರಿನಲ್ಲಿ ಬಂದವರು ಕಿಡ್ನಾÈಪ್ ಮಾಡಿಕೊಂಡು ಹೋದ ಘಟನೆ ನಡೆದಿದೆ.
ಕಾಶಿರಾಯ ಬಿರಾದಾರ, ಬಸಲಿಂಗಪ್ಪ ಜಾಯಿ ಮತ್ತು ಪ್ರಕಾಶ ರಾಠೋಡ ಎಂಬುವರೇ ಅಪಹರಣಕ್ಕೊಳಗಾದ ಗ್ರಾಪಂ ಸದಸ್ಯರು ಎಂದು ಅವರ ಜತೆಗಿದ್ದ ಗ್ರಾಪಂ ಸದಸ್ಯ ಮಹ್ಮದ ರಫೀಕ್ ಸೈಯದ್ ಪಟೇಲ್ ದೂರಿದ್ದಾರೆ. ಅಪಹರಿಸಿದವರು ಹಾಗೂ ಅಪಹರಣಕ್ಕೊಳಗಾದವರು ದೇವರ ಹಿಪ್ಪರಗಿ ತಾಲೂಕಿನ ಯಲಗೋಡ ಗ್ರಾಪಂ ಸದಸ್ಯರು.
ಏಳು ಜನ ಗ್ರಾಪಂ ಸದಸ್ಯರು ಸೇರಿಕೊಂಡು ಕಲಬುರಗಿಯ ದರ್ಗಾ ಪ್ರದೇಶದ ಲಾಡ್ಜ್ನಲ್ಲಿದ್ದಾಗ,ಚಂದ್ರಶೇಖರ ಹಸಕಿ ಎಂಬುವರು ಬಂದು ಕಿಡ್ನಾÈಪ್ ಮಾಡಿಕೊಂಡು ಹೋಗಿದ್ದಾರೆ ಎಂದು ದೂರಲಾಗಿದೆ. ಈ ಕುರಿತು ರೋಜಾ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ,
