ಆಳುವವರ ಅಸಡ್ಡೆ : ತಮ್ಮೂರಿನ ಶಾಲೆಗೆ ಮರುಜೀವ ನೀಡಬೇಕೆಂದು ಗ್ರಾಮಸ್ಥರು ಹಲವಾರು ಬಾರಿ ಪ್ರಯತ್ನಿಸಿದ್ದಾರೆ. ಸಂಸದರು, ಶಾಸಕರು ಇಲಾಖೆ ಅಧಿಕಾರಿಗಳು, ಜಿಲ್ಲಾಮಟ್ಟದ ಅಧಿಕಾರಿಗಳು ಹೀಗೆ ಎಲ್ಲರಿಗೂ ಮನವಿ ಸಲ್ಲಿಸುತ್ತಲೇ ಇದ್ದಾರೆ. ಅವಕಾಶ ಸಿಕ್ಕಾಗಲೆಲ್ಲ ನೆನಪಿಸುತ್ತಲೇ ಇದ್ದಾರೆ. ಆದರೆ ಯಾರೊಬ್ಬರೂ ವಿಷಯವನ್ನು ಗಂಭೀರವಾಗಿ ಪರಿಗಣಿಸುತ್ತಿಲ್ಲ. ನಮ್ಮೂರೆಂದರೆ ಜನಪ್ರತಿನಿಧಿಗಳಿಗೆ ಯಾಕೆ ಇಷ್ಟೊಂದು ತಾತ್ಸಾರ ಎಂದು ಅರ್ಥವಾಗುತ್ತಿಲ್ಲ. ಪಕ್ಕದ ವದ್ಲಿ ಮನುಗನಹಳ್ಳಿಯಲ್ಲಿ ಇಂತಹುದೇ ದುಸ್ಥಿತಿಯಲ್ಲಿದ್ದ ಶಾಲೆ ಇದೀಗ ಹೊಸ ಕಟ್ಟಡವನ್ನು ಹೊಂದಿದೆ. ನಮ್ಮೂರಿಗೆ ಮಾತ್ರ ಇಂತಹ ಅನ್ಯಾಯವೇಕೆ ಎಂದು ಗ್ರಾಮದ ಮುಖಂಡರಾದ ಚಲುವಾಚಾರಿ, ಕೃಷ್ಣಾಚಾರಿ, ಶಿವರಾಮಾಚಾರಿ, ಈಶ್ವರಾಚಾರಿ ಮುಂತಾದವರು ತೀವ್ರ ಅಸಮಾಧಾನ ವ್ಯಕ್ತಪಡಿಸುತ್ತಾರೆ.
