VIDEO| ರೈಲಿನ ಹಳಿ ಮೇಲೆ ಪಟಾಕಿ ಸಿಡಿಸಿದ ಭೂಪ; ವೈರಲ್ ಆಗುವ ಭರದಲ್ಲಿ ಪೇಚಿಗೆ ಸಿಲುಕಿದ

ಜೈಪುರ: ಇತ್ತೀಚಿನ ದಿನಗಳಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗುವ ಗೀಳಿಗೆ ಅಪಾಯಕಾರಿ ಹಾಗೂ ವಿಲಕ್ಷಣಕಾರಿ ಪ್ರಯೋಗಗಳಿಗೆ ಕೈಹಾಕಿ ಪೇಚಿಗೆ ಸಿಲುಕಿರುವ ಹಲವು ಪ್ರಕರಣಗಳನ್ನು ನಾವು ನೋಡಿದ್ದೇವೆ, ಕೇಳಿದ್ದೇವೆ. ಮೆಟ್ರೋ ಮತ್ತು ರೈಲುಗಳಲ್ಲಿ ರೀಲಿಗರ ಹಾವಳಿ ದಿನದಿಂದ ದಿನಕ್ಕೆ ಹೆಚ್ಚುತ್ತಲೇ ಇದೆ. ನೆಟ್ಟಿಗರು ಈ ಬಗ್ಗೆ ರೋಸಿಹೋಗಿದ್ದಾರೆ. 

ಇದೀಗ ಅದೇ ರೀತಿಯ ಘಟನೆಯೊಂದು ರಾಜಸ್ಥಾನದಲ್ಲಿ ನಡೆದಿದ್ದು, ವ್ಯಕ್ತಿಯೊಬ್ಬ ರೈಲಿನ ಹಳಿ ಮೇಲೆ ಪಟಾಕಿ ಸಿಡಿಸುತ್ತಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ. ಈತನ ವಿರುದ್ಧ ಕಠಿಣ ಕ್ರಮ ಜರುಗಿಸಬೇಕು ಎಂದು ಆಗ್ರಹಿಸಿದ್ದಾರೆ. ಘಟನೆಯು ಫುಲೇರಾ-ಅಜ್ಮೀರ್​ ವಿಭಾಗದ ದಾಂತ್ರಾ ನಿಲ್ದಾಣದ ಬಳಿ ನಡೆದಿದೆ.

ವೈರಲ್ ಆಗಿರುವ ವಿಡಿಯೋದಲ್ಲಿ ವ್ಯಕ್ತಿಯೊಬ್ಬ ರೈಲಿನ ಹಳಿಗಳ ಮೇಲೆ ಪಟಾಕಿಯನ್ನು ಸಿಡಿಸುತ್ತಾನೆ. ಬಳಿಕ ಪಟಾಕಿಗಳು ಹೇಗೆ ಮಾಲಿನ್ಯವನ್ನುಂಟು ಮಾಡುತ್ತವೆ ಎನ್ನುವುದನ್ನು ತೋರಿಸುತ್ತಾನೆ. ನೋಡಿ ಪಟಾಕಿ ಹೇಗೆ ಲಾವಾದಂತೆ ತೋರುತ್ತಿವೆ ಎಂದೂ ಯೂಟ್ಯೂಬರ್​ ಹೇಳುತ್ತಿರುವುದನ್ನು ವಿಡಿಯೋದಲ್ಲಿ ನೋಡಬಹುದಾಗಿದೆ.

ಇದನ್ನೂ ಓದಿ: ನಿಂತಿದ್ದ ಕ್ರೂಸರ್​ಗೆ ಟೆಂಪೋ ಡಿಕ್ಕಿ; ಪ್ರತಿಭಟನೆಗೆ ಬರುತ್ತಿದ್ದ ಇಬ್ಬರು ಸಾವು

ಇತ್ತ ವಿಡಿಯೋ ಕುರಿತು ಸಾಮಾಜಿಕ ಜಾಲತಾಣಗಳಲ್ಲಿ ವ್ಯಾಪಕ ಆಕ್ರೋಶ ವ್ಯಕ್ತವಾಗುತ್ತಿದ್ದು, ನೇಕರು ಕೂಡಲೇ ಈ ಯೂಟ್ಯೂಬರ್​ನನ್ನು ಬಂಧಿಸಬೇಕೆಂದು ಒತ್ತಾಯಿಸಿದ್ದಾರೆ. ಈ ರೀತಿಯ ಹುಚ್ಚಾಟಗಳೇ ದೊಡ್ಡ ಅವಘಡಗಳಿಗೆ ಪ್ರಮುಖ ಕಾರಣವಾಗುತ್ತವೆ. ಇವರ ವಿರುದ್ಧ ಕ್ರಮ ಕೈಗೊಳ್ಳಿ ಎಂದು ಹಲವರು ಪ್ರತಿಕ್ರಿಯಿಸಿದ್ದಾರೆ

ಈ ಕುರಿತು ಪ್ರತಿಕ್ರಿಯಿಸಿರುವ ಜೈಪುರದ ವಾಯುವ್ಯ ರೈಲ್ವೆ ಮತ್ತು ವಿಭಾಗೀಯ ವ್ಯವಸ್ಥಾಪಕರು, ನಿಮ್ಮ ಕಾಳಜಿಯನ್ನು ನಾವು ಪ್ರಶಂಸಿಸುತ್ತೇವೆ. ಪ್ರಕರಣ ಸಂಖ್ಯೆ 716/23  ಅಡಿಯಲ್ಲಿ (ಸೆಕ್ಷನ್ 145-147 ಭಾರತೀಯ ರೈಲ್ವೆ ಕಾಯ್ದೆ-1989 ಅಡಿಯಲ್ಲಿ) ಈ ವ್ಯಕ್ತಿಯ ವಿರುದ್ಧ ಕ್ರಮ ಕೈಗೊಳ್ಳಲಾಗಿದೆ. ಇದನ್ನು ನಮ್ಮ ಗಮನಕ್ಕೆ ತಂದಿದ್ದಕ್ಕೆ ಧನ್ಯವಾದ ಎಂದು ಪ್ರತಿಕ್ರಿಯಿಸಿದ್ದಾರೆ.

https://www.vijayavani.net/i-t-searches-at-residences-offices-of-congress-candidate-srinivas-reddy-in-telangana

https://www.vijayavani.net/jasprit-bumrahs-short-ball-leaves-ishan-kishan-in-pain-ahead-of-indias-final-cricket-world-cup-league-stage-game