ನೂರ್ ಸುಲ್ತಾನ್ನಲ್ಲಿ ನಡೆದ ವಿಶ್ವ ಕುಸ್ತಿ ಚಾಂಪಿಯನ್ಷಿಪ್ನಲ್ಲಿ ದೀಪಕ್ ಪೂನಿಯಾ ಬೆಳ್ಳಿ ಗೆದ್ದು ಗಮನಸೆಳೆದರೆ, ರವಿ ಕುಮಾರ್ ದಹಿಯಾ, ರಾಹುಲ್ ಅವಾರೆ ಹಾಗೂ ಭಜರಂಗ್ ಪೂನಿಯಾ ಕಂಚಿನ ಪದಕ ಜಯಿಸಿದರು. ವಿಶ್ವ ಬಾಕ್ಸಿಂಗ್ ಚಾಂಪಿಯನ್ಷಿಪ್ನಲ್ಲಿ ಅಮಿತ್ ಪಾಂಗಲ್ ಬೆಳ್ಳಿ ಹಾಗೂ ಮನೀಷ್ ಕೌಶಿಕ್ ಕಂಚಿನ ಪದಕ ಜಯಿಸುವ ಮೂಲಕ ಮಿಂಚಿದರು. ಶೂಟಿಂಗ್ನಲ್ಲಿ ಭಾರತದ ಸಾಕಷ್ಟು ಶೂಟರ್ಗಳು ಒಲಿಂಪಿಕ್ಸ್ಗೆ ಅರ್ಹತೆ ಪಡೆಯುವಲ್ಲಿ ಯಶ ಕಂಡರು. ಈವರೆಗೂ 15 ಶೂಟರ್ಗಳು ಟೋಕಿಯೋ ಒಲಿಂಪಿಕ್ಸ್ಗೆ ಕೋಟಾ ಸ್ಥಾನ ಸಂಪಾದಿಸಿದ್ದು, ಇದು ಭಾರತದ ದಾಖಲೆ ಎನಿಸಿದೆ. ಆರ್ಚರಿ (4), ಅಥ್ಲೆಟಿಕ್ಸ್ (6), ಈಕ್ವೆಸ್ಟ್ರಿಯನ್ (1), ಹಾಕಿ (2 ಟೀಮ್, ಶೂಟಿಂಗ್ (15) ಹಾಗೂ ಕುಸ್ತಿ (4) ಸೇರಿದಂತೆ 6 ಕ್ರೀಡೆಯ 24 ವಿಭಾಗಗಳಲ್ಲಿ ಭಾರತ ಈವರೆಗೂ ಒಲಿಂಪಿಕ್ಸ್ ಅರ್ಹತೆ ಗಳಿಸಿದೆ.
