2024ನೇ ವರ್ಷ ಮುಗಿಯುವಷ್ಟರಲ್ಲಿ ನೀವು ಮಾಡಲೇಬೇಕಾದ ಕೆಲಸಗಳಿವು... Year End Special 2024

Year End Special 2024: ನೆನಪುಗಳನ್ನು ಮಾತ್ರ ಉಳಿಸಿ ನಮ್ಮನ್ನು ಬಿಟ್ಟು ಹೋಗಲು 2024ನೇ ವರ್ಷ ರೆಡಿಯಾಗಿದೆ. ಇನ್ನೇನು ಕೆಲವೇ ದಿನಗಳಲ್ಲಿ 2025ರ ಹೊಸ ವರ್ಷಕ್ಕೆ ಕಾಲಿಡಲಿದ್ದೇವೆ. ಹಳೆಯ ಕ್ಯಾಲೆಂಡರ್‌ಗಳನ್ನು ಕಸದ ಬುಟ್ಟಿಗೆ ಎಸೆದು ಹೊಸ ಕ್ಯಾಲೆಂಡರ್‌ಗಳನ್ನು ಗೋಡೆಗೆ ಹಾಕಲು ಜನರು ಮುಂದಾಗಿದ್ದಾರೆ. ಇಂತಹ ಸಮಯದಲ್ಲಿ ಸಾಕಷ್ಟು ನೆನಪುಗಳನ್ನು ಬಿಟ್ಟು ಹೋಗುತ್ತಿರುವ 2024 ಅನ್ನು ಹೇಗೆ ಕೊನೆಗೊಳಿಸಬೇಕೆಂದು ನಾವು ತಿಳಿದುಕೊಳ್ಳಬೇಕು.

2024ನೇ ವರ್ಷ ಸರಿಯಾದ ರೀತಿಯಲ್ಲಿ ಕೊನೆಗೊಂಡರೆ, ಮುಂದಿನ ವರ್ಷವು ಸರಿಯಾದ ರೀತಿಯಲ್ಲಿ ಪ್ರಾರಂಭವಾಗುತ್ತದೆ. ಅದಕ್ಕಾಗಿಯೇ ನಾವು 2024ನೇ ವರ್ಷ ಮುಗಿಯುವ ಮೊದಲು ಕೆಲವು ಕೆಲಸಗಳನ್ನು ಮಾಡಬೇಕಾಗಿದೆ. ಆ ಕೆಲಸಗಳು ಯಾವುವು ಎಂಬುದನ್ನು ನಾವೀಗ ತಿಳಿದುಕೊಳ್ಳೋಣ.

ವರ್ಷಪೂರ್ತಿ ಸಾಧನೆಗಳ ಪಟ್ಟಿ

ಒಂದು ದಿನ ಪೂರ್ತಿ ಕುಳಿತು ಈ ವರ್ಷ ನೀವು ಸಾಧಿಸಿದ ಎಲ್ಲವನ್ನೂ ಬರೆಯಿರಿ. ಯಾವೆಲ್ಲ ಮಹತ್ತರವಾದ ಕೆಲಸಗಳನ್ನು ಮಾಡಿದ್ದೀರಿ ಎಂಬುದನ್ನು ಪಟ್ಟಿ ಮಾಡಿಕೊಳ್ಳಿ. ಈ ರೀತಿ ಬರೆಯುವುದರಿಂದ ಮುಂದಿನ ವರ್ಷ ಏನು ಮಾಡಬೇಕು ಎಂಬುದರ ಕಲ್ಪನೆ ಬರುತ್ತದೆ.

ಮನಸ್ಸಿನಲ್ಲಿರುವ ಗೊಂದಲವನ್ನು ಬದಿಗಿರಿಸಿ

ನಿಮ್ಮ ಸಾಧನೆಗಳನ್ನು ಬರೆಯುವಾಗ, ನೀವು ಎದುರಿಸಿದ ಅವಮಾನಗಳನ್ನು ಸಹ ನೀವು ನೆನಪಿಸಿಕೊಳ್ಳುತ್ತೀರಿ. ಒಂದು ಅಥವಾ ಎರಡು ನೋವಿನ ಘಟನೆಗಳು ಸಂಭವಿಸಿರುತ್ತವೆ. ಕೆಲವೊಮ್ಮೆ, ವರ್ಷವಿಡೀ ನಿಮ್ಮನ್ನು ಚಿಂತೆಗೀಡುಮಾಡಿರುವ ಘಟನೆಗಳು ಇರಬಹುದು. ಅಂತಹ ವಿಷಯಗಳನ್ನು ನಿಮ್ಮ ಮನಸ್ಸಿನಿಂದ ಸಂಪೂರ್ಣವಾಗಿ ತೆಗೆದುಹಾಕಿ. ಹೊಸ ವರ್ಷಕ್ಕೆ ಕಾಲಿಡುತ್ತಿರುವಾಗ ಅವರ ಬಗ್ಗೆ ಯೋಚಿಸಬೇಡಿ.

ಇದನ್ನೂ ಓದಿ: ಮಾಜಿ ಮುಖ್ಯಮಂತ್ರಿ ಎಸ್​.ಎಂ. ಕೃಷ್ಣ ನಿಧನ: ಸಿಎಂ ಸಿದ್ದರಾಮಯ್ಯ ಸೇರಿ ರಾಜಕೀಯ ಗಣ್ಯರಿಂದ ಕಂಬನಿ | S M Krishna

ಸ್ನೇಹಿತರನ್ನು ಭೇಟಿ ಮಾಡಿ

ಈ ವರ್ಷ ಭೇಟಿಯಾಗಲು ಸಾಧ್ಯವಾಗದ ಸ್ನೇಹಿತರನ್ನು ಭೇಟಿ ಮಾಡಿ. ಅವರು ದೂರದಲ್ಲಿದ್ದರೆ, ಕನಿಷ್ಠ ವಿಡಿಯೋ ಕರೆಯಲ್ಲಿ ಮಾತನಾಡಿ. ಇದು ನಿಮಗೆ ಒಳ್ಳೆಯ ಭಾವನೆಯನ್ನು ನೀಡುತ್ತದೆ.

ಹೊಸದನ್ನು ಪ್ರಯತ್ನಿಸಿ

ಅನೇಕ ಬಾರಿ ನಾವು ಏನನ್ನಾದರೂ ಮಾಡಲು ಮುಂದಾಗಿ ಪರಿಸ್ಥಿತಿಯ ಕಾರಣದಿಂದಾಗಿ ಅದನ್ನು ಮರೆಯುತ್ತೇವೆ. ಅಲ್ಲದೆ, ದಿನಗಳ ಕಳೆದಂತೆ ಅಂದುಕೊಂಡಿದ್ದನ್ನು ಮಾಡಲು ವಿಫಲರಾಗುತ್ತೇವೆ. ಈ ವರ್ಷದ ಅಂತ್ಯದ ಮೊದಲು ಮಾಡಬೇಕಾಗಿರುವುದನ್ನು ನೆನಪಿಸಿಕೊಳ್ಳಿ ಮತ್ತು ಪ್ರಯತ್ನಿಸಿ ನೋಡಿ. ಅಲ್ಲದೆ, ನಿಮ್ಮ ಫೋನ್ ಅನ್ನು ಇಡೀ ದಿನ ಬಳಸದಿರಲು ನಿರ್ಧಾರ ಮಾಡಿ ಮತ್ತು ಅದಕ್ಕೆ ಅಂಟಿಕೊಳ್ಳಿ. ಇದು ನಿಮ್ಮ ಆತ್ಮವಿಶ್ವಾಸವನ್ನು ಹೆಚ್ಚಿಸುತ್ತದೆ.

ಮುಂದಿನ ವರ್ಷ ಏನು ಮಾಡಬೇಕೆಂದು ನಿರ್ಧರಿಸಿ

ಹೊಸ ವರ್ಷ ಬಂತೆಂದರೆ ಆ ವರ್ಷ ಏನು ಮಾಡಬೇಕೆಂದು ಎಲ್ಲರೂ ತಮ್ಮ ಡೈರಿಯಲ್ಲಿ ಬರೆದುಕೊಳ್ಳುತ್ತಾರೆ. ನೀವು ಕೂಡ ಬರೆದುಕೊಳ್ಳಿ. ಕೇವಲ ಬರೆದರೆ ಸಾಲದು ನೀವು ಅದನ್ನು ಹೇಗೆ ಸಾಧಿಸುತ್ತೀರಿ ಎಂಬುದನ್ನು ನಿಮ್ಮ ನೋಟ್‌ಬುಕ್‌ನಲ್ಲಿ ಬರೆಯಿರಿ.

https://www.vijayavani.net/former-chief-minister-s-m-krishna-passed-away-late-last-night

https://www.vijayavani.net/increase-in-the-number-of-billionaires-in-ten-years