ವುಹಾನ್ ಈಗ ಕರೊನಾ ಮುಕ್ತ

ಬೀಜಿಂಗ್: ಕರೊನಾ ವೈರಸ್ ಕೇಂದ್ರ ಬಿಂದು ಚೀನಾದ ವುಹಾನ್ ಈಗ ಕರೊನಾದಿಂದ ಮುಕ್ತವಾಗಿದೆ. ನ್ಯೂಕ್ಲಿಯಿಕ್ ಆಮ್ಲ ಪರೀಕ್ಷೆಯಲ್ಲಿ ಕರೊನಾ ಇಲ್ಲವೆಂದು ದೃಢಪಟ್ಟ ನಂತರ ಕೊನೆಯ ಮೂರು ಲಕ್ಷಣರಹಿತ ರೋಗಿಗಳನ್ನು ವೈದ್ಯಕೀಯ ನಿಗಾದಿಂದ ಬಿಡುಗಡೆ ಮಾಡಿದೆ.
ಸೋಮವಾರದ ವೇಳೆಗೆ ನಗರದಲ್ಲಿ ಯಾವುದೇ ಲಕ್ಷಣರಹಿತ ಪ್ರಕರಣಗಳಿಲ್ಲ ಮತ್ತು ವೈದ್ಯಕೀಯ ನಿಗಾದಲ್ಲಿ ಹೆಚ್ಚಿನ ನಿಕಟ ಸಂಪರ್ಕಗಳು ಕಂಡುಬಂದಿಲ್ಲ ಎಂದು ವುಹಾನ್ ಆರೋಗ್ಯ ಆಯೋಗ ಮಂಗಳವಾರ ತಿಳಿಸಿರುವುದಾಗಿ ಸುದ್ದಿ ಸಂಸ್ಥೆಯೊಂದು ವರದಿ ಮಾಡಿದೆ.

ಇದನ್ನೂ ಓದಿ: ಕೊವಿಡ್​-19ಗೆ ಯಾರೂ ಭಯಪಡಬೇಡಿ…ಭಾರತ ಸಮರ್ಥವಾಗಿ ಹೋರಾಡುತ್ತಿದೆ: ಪ್ರಧಾನಿ ಮೋದಿ

ಮೂವರು ಲಕ್ಷಣರಹಿತ ವ್ಯಕ್ತಿಗಳನ್ನು ಸತತ ಎರಡು ನ್ಯೂಕ್ಲಿಯಿಕ್ ಆಮ್ಲ ಪರೀಕ್ಷೆಗೊಳಪಡಿಸಿದಾಗ ಕರೊನಾ ಇಲ್ಲವೆಂದು ದೃಢಪಟ್ಟಿತು. ಆನಂತರ ಅವರನ್ನು ವೈದ್ಯಕೀಯ ನಿಗಾದಿಂದ ಬಿಡುಗಡೆ ಮಾಡಲಾಯಿತು ಎಂದು ಆಯೋಗವು ತಿಳಿಸಿದೆ.
ವುಹಾನ್ ನಗರದಾದ್ಯಂತ ಮೇ 14 ಮತ್ತು ಜೂನ್ 1 ರ ನಡುವೆ ನ್ಯೂಕ್ಲಿಯಿಕ್ ಆಸಿಡ್ ಪರೀಕ್ಷೆ ಪ್ರಕ್ರಿಯೆಯನ್ನು ಆರಂಭಿಸಲಾಗಿತ್ತು, ಈ ವೇಳೆ 300 ಲಕ್ಷಣರಹಿತ ಸೋಂಕುಗಳು ಮತ್ತು 1,174 ನಿಕಟ ಸಂಪರ್ಕಗಳನ್ನು ಪತ್ತೆಹಚ್ಚಿ ಕ್ವಾರಂಟೈನ್​​ನಲ್ಲಿಡಲಾಗಿತ್ತು.
ಸೋಮವಾರದ ಹೊತ್ತಿಗೆ, ನಗರದಲ್ಲಿ ಯಾವುದೇ ದೃಢಪಟ್ಟ ಅಥವಾ ಶಂಕಿತ ಕೋವಿಡ್-19 ಪ್ರಕರಣಗಳು ಇರಲಿಲ್ಲ. ಮಂಗಳವಾರದ ವೇಳೆಗೆ, ಚೀನಾದಲ್ಲಿ ಒಟ್ಟು 83,221 ಪ್ರಕರಣಗಳು ವರದಿಯಾಗಿದ್ದು, 4,634 ಜನ ಮೃತಪಟ್ಟಿದ್ದಾರೆ. 

https://www.vijayavani.net/central-govt-plans-to-depute-ias-ips-irs-officers-with-mbbs-degree-in-fight-against-covid/