ವಿಶ್ವದ ಅತ್ಯಂತ ಹಿರಿಯ ಮಹಿಳೆಗೆ 123ನೇ ಜನ್ಮದಿನದ ಸಂಭ್ರಮ

ಬ್ರೆಜಿಲ್‌: ವಿಶ್ವದ ಅತ್ಯಂತ ಹಿರಿಯ ಮಹಿಳೆ ಕೇಕ್ ಅನ್ನು ಸವಿಯುವ ಮೂಲಕ 123 ನೇ ಜನ್ಮದಿನವನ್ನು ಆಚರಿಸಿದ್ದಾರೆ.

ವಿಶ್ವದ ಅತ್ಯಂತ ಹಿರಿಯ ವ್ಯಕ್ತಿ ಎಂದು ನಂಬಲಾದ ಬ್ರೆಜಿಲಿಯನ್ ಮಹಿಳೆಯೊಬ್ಬರು ತಮ್ಮ ಮುಂಬರುವ 123 ನೇ ಹುಟ್ಟುಹಬ್ಬವನ್ನು ಬ್ರೆಜಿಲ್‌ನ ಪರಾನಾ ರಾಜ್ಯದಲ್ಲಿ ಕೇಕ್ ಕತ್ತರಿಸುವ ಮೂಲಕ ಆಚರಿಸಿದರು. ಅಮಂಟಿನಾ ಡಾಸ್ ಸ್ಯಾಂಟೋಸ್ ಡುವಿರ್ಗೆಮ್ ವಿಶ್ವದ ಅತ್ಯಂತ ಹಿರಿಯ ಮಹಿಳೆ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಇವರು ಜೂನ್ 22 ರಂದು 123 ನೇ ವರ್ಷಕ್ಕೆ ಕಾಲಿಡುತ್ತಾರೆ.

ಸಾವೊ ಸೆಬಾಸ್ಟಿಯಾವೊದಲ್ಲಿನ ನಾಗರಿಕ ಅಧಿಕಾರಿಗಳು, 122 ವರ್ಷ ವಯಸ್ಸಿನ ಅಮಂಟಿನಾ ಡಾಸ್ ಸ್ಯಾಂಟೋಸ್ ಡುವಿರ್ಗೆಮ್ ಅವರ ಹುಟ್ಟುಹಬ್ಬದ ಸಂತೋಷಕೂಟವನ್ನು ಆಯೋಜಿಸಿದರು, ಈ ವೇಳೆ ಕೇಕ್ ಕತ್ತರಿಸಿ ಸಂಭ್ರಮಿಸಲಾಯಿತ್ತು.

 ಇದನ್ನೂ ಓದಿ:  ಬಸ್ ಫುಲ್‌ ರಶ್‌​​; ಚಲಿಸುತ್ತಿದ್ದ ಬಸ್‌ನಿಂದ ಬಿದ್ದು ವ್ಯಕ್ತಿ ಸಾವು

ಡುವಿರ್ಗೆಮ್ ಅವರ ದಾಖಲೆಗಳ ಪ್ರಕಾರ, ಅವರು 1900 ಜೂನ್ 22ರಂದು ಜನಿಸಿದರು, ಇದರಿಂದಾಗಿ ಅವರು ವಿಶ್ವದ ಅತ್ಯಂತ ಹಿರಿಯ ವ್ಯಕ್ತಿಯಾಗಿದ್ದಾರೆ. ಬದುಕಿರುವ ಅತ್ಯಂತ ಹಿರಿಯ ವ್ಯಕ್ತಿ ಎಂಬ ಆಕೆಯ ಹಕ್ಕು, ಗಿನ್ನೆಸ್ ವಿಶ್ವ ದಾಖಲೆಗಳಿಂದ ಗುರುತಿಸಲ್ಪಟ್ಟಿಲ್ಲ, ಏಕೆಂದರೆ ಆಕೆಯ ಪಿಂಚಣಿಗಾಗಿ ಅರ್ಜಿ ಸಲ್ಲಿಸಿದಾಗ ಮಾತ್ರ ಆಕೆಯ ಜನನ ಪ್ರಮಾಣಪತ್ರ ದೊರಕಿದೆ. 4 ವ್ಯಕ್ತಿಗಳಿಂದ ಹೇಳಿಕೆಗಳನ್ನು ಪಡೆಯುವ ಪ್ರಕ್ರಿಯೆಯ ಮೂಲಕ ನಿಖರವಾದ ದಿನಾಂಕವನ್ನು ದೃಢೀಕರಿಸಲಾಯಿತು, ಅವರೆಲ್ಲರೂ 70 ವರ್ಷಕ್ಕಿಂತ ಮೇಲ್ಪಟ್ಟವರು.

ಪ್ರಸ್ತುತ ವಿಶ್ವ ದಾಖಲೆ ಹೊಂದಿರುವವರು 116 ವರ್ಷ ವಯಸ್ಸಿನ ಬ್ರನ್ಯಾಸ್ ಮೊರೆರಾ, ಅವರು 2023 ಮಾರ್ಚ್ 4ರಂದು ತಮ್ಮ ಜನ್ಮದಿನವನ್ನು ಹೊಂದಿದ್ದಾರೆ. ಈ ವರ್ಷದ ಆರಂಭದಲ್ಲಿ 118 ವರ್ಷದ ಫ್ರೆಂಚ್ ಸನ್ಯಾಸಿ ಸಿಸ್ಟರ್ ಆಂಡ್ರೆ ನಿಧನರಾದ ನಂತರ ಬ್ರಾನ್ಯಾಸ್ ಈ ಗೌರವವನ್ನು ಪಡೆದರು.

https://www.vijayavani.net/woman-showers-currency-notes-on-shivling-inside-kedarnath-temple