ತಿರುವನಂತಪುರಂ: ಮೂರು ತಿಂಗಳ ಹಿಂದೆಯಷ್ಟೇ ತಾನು ಪ್ರೀತಿಸಿದ ಹುಡುಗನೊಂದಿಗೆ ಮದುವೆಯಾಗಿದ್ದ ಯುವತಿ (Newly Married), ಗಂಡನ ಮನೆಯಲ್ಲಿ ಶವವಾಗಿ ಪತ್ತೆಯಾದ ಶಾಕಿಂಗ್ ಘಟನೆ ಕೇರಳದ ಪಲೋಡ್ನ ಇಲವತ್ತಂನಲ್ಲಿ ವರದಿಯಾಗಿತ್ತು. ಮೃತರನ್ನು ಕೊಳಚ್ಚಲ್ ಕೊನ್ನಮೂಡು, ಇಡಿಂಜಾರು, ಪಾಲೋಡು ನಿವಾಸಿ ಇಂದುಜಾ (25) ಎಂದು ಗುರುತಿಸಲಾಗಿದ್ದು, ಶುಕ್ರವಾರ (ಡಿ.06) ಮಧ್ಯಾಹ್ನ ಆಕೆಯ ಪತಿ ಅಭಿಜಿತ್ ಊಟಕ್ಕೆ ಮನೆಗೆ ಬಂದಾಗ ಎರಡನೇ ಮಹಡಿಯ ಬೆಡ್ ರೂಮಿನಲ್ಲಿ ಆಕೆ ನೇಣು ಬಿಗಿದುಕೊಂಡು ಸಾವನ್ನಪ್ಪಿದಳು. ಇದನ್ನು ನೋಡಿ ಗಾಬರಿಗೊಂಡ ಪತಿ, ತಕ್ಷಣವೇ ಪೊಲೀಸರಿಗೆ ದೂರು ನೀಡಿ, ಆತಂಕ ಹೊರಹಾಕಿದ್ದ. ಆದರೆ, ತನಿಖೆಯಲ್ಲಿ ಗಂಡನ ಅಸಲಿ ಮುಖ ಕಳಚಿಬಿದ್ದಿದೆ.
