ಪ್ರೀತಿಸಿದವಳ ಕುತ್ತಿಗೆಯನ್ನು ಬ್ಲೇಡ್​ನಿಂದ ಕತ್ತರಿಸಿದ ಪಾಗಲ್​ ಪ್ರೇಮಿ

ಹೈದರಾಬಾದ್​: ಯುವಕನೊಬ್ಬ ತನಗಿಂತ 12 ವರ್ಷ ದೊಡ್ಡವಳಾದ ಮಹಿಳೆಯನ್ನು ಪ್ರೀತಿಸಿ, ಬ್ಲೇಡ್​ನಿಂದ ಆಕೆಯ ಕುತ್ತಿಗೆಯನ್ನೇ ಕತ್ತರಿಸಿ ಕೊಲೆ ಮಾಡಿರುವ ಘಟನೆ ತೆಲಂಗಾಣದ ಹೈದರಾಬಾದ್​ನಲ್ಲಿ ನಡೆದಿದೆ.

ಇದನ್ನೂ ಓದಿ: ಸಹಕಾರಿ ಅನುಭವಿ ಪ್ರಕಾಶ ತಪಶೆಟ್ಟಿ ಪ್ರಬಲ ಆಕಾಂಕ್ಷಿ

37 ವರ್ಷದ ಮಹಿಳೆ ಹೈದರಾಬಾದ್​ನ ಬಂಜಾರ ಹಿಲ್ಸ್​ನ ನಂದಿ ನಗರದಲ್ಲಿ ಖಾಸಗಿ ಭದ್ರತಾ ಸಿಬ್ಬಂದಿಯಾಗಿ ಕೆಲಸ ಮಾಡುತ್ತಿದ್ದಳು. ಆಕೆಯ ಗಂಡ 18 ವರ್ಷಗಳ ಹಿಂದೆಯೇ ತೀರಿಕೊಂಡಿದ್ದ. ಆಕೆಗೆ ಎರಡು ವರ್ಷಗಳ ಹಿಂದೆ ಕುಮಾರ್​ ಹೆಸರಿನ 25 ವರ್ಷದ ಯುವಕನೊಂದಿಗೆ ಸ್ನೇಹವಾಗಿದೆ. ಸ್ನೇಹ ಪ್ರೀತಿಗೆ ತಿರುಗಿದೆ.

ಮಹಿಳೆ ಬುಧವಾರದಂದು ತನ್ನ ಹುಟ್ಟೂರಾದ ವಾರಂಗಲ್​ ಜಿಲ್ಲೆಯ ಜಂಗಾಂವ್​ನ ದೇವರ್​ಪುಲಾಕ್ಕೆ ಹೊರಟಿದ್ದಳು. ಕುಮಾರ್​ ಕೂಡ ಅದೇ ಹಳ್ಳಿಯವನಾಗಿದ್ದರಿಂದ ಇಬ್ಬರು ಒಟ್ಟಿಗೆ ಹೋಗುವ ನಿರ್ಧಾರ ಮಾಡಿದ್ದಾರೆ. ಬೆಳಗ್ಗೆ 11 ಗಂಟೆ ಸುಮಾರಿಗೆ ಆಕೆಯನ್ನು ಅವನು ಭುವನಗಿರಿಗೆ ಕರೆದೊಯ್ದಿದ್ದಾನೆ. ಅಲ್ಲಿಂದ ಇಬ್ಬರು ಯಾದಗಿರಿಗುಟ್ಟಕ್ಕೆ ಹೋಗಿಬಂದಿದ್ದಾರೆ. ದಾರಿ ಮಧ್ಯೆ ಕುಮಾರ್​ ಮದ್ಯ ಖರೀದಿಸಿದ್ದು, ಏಕಾಂತದ ಸ್ಥಳವೊಂದಕ್ಕೆ ತಲುಪಿದ್ದಾರೆ.

ಇದನ್ನೂ ಓದಿ: ಇನ್ನೊಂದು ಹೊಸ ಚಿತ್ರ ಘೋಷಣೆ ಮಾಡಿದ್ರು ಅಕ್ಷಯ್​ ಕುಮಾರ್​

ಏಕಾಂತದ ಸ್ಥಳದಲ್ಲಿ ಮಹಿಳೆಯ ಮೇಲೆ ಹಲ್ಲೆ ಮಾಡಿದ ಕುಮಾರ್​, ಆಕೆಯ ಕತ್ತನ್ನು ಬ್ಲೇಡಿನಿಂದ ಕತ್ತರಿಸಿದ್ದಾನೆ. ನಂತರ ಆಕೆಯನ್ನು ಅಲ್ಲಿಯೇ ಬಿಟ್ಟು ಮನೆಗೆ ತೆರಳಿದ್ದಾನೆ. ಮಹಿಳೆಯು ಕುಮಾರ್​ಗೆ ತಿಳಿಸದೆಯೇ ಬೇರೊಂದು ಮದುವೆಯಾಗಿದ್ದಳು ಎನ್ನುವ ಶಂಕೆಯಿಂದ ಆತ ಕೊಲೆ ಮಾಡಿದ್ದಾನೆ ಎನ್ನಲಾಗಿದೆ.

ಮಹಿಳೆಗೆ 22 ವರ್ಷದ ಮಗಳಿದ್ದು, ಆಕೆ ಕುಮಾರ್​ ವಿರುದ್ಧ ದೂರು ನೀಡಿದ್ದಾಳೆ. ಪೊಲೀಸರು ಆರೋಪಿಗಾಗಿ ಹುಡುಕಾಡುತ್ತಿದ್ದಾರೆ. (ಏಜೆನ್ಸೀಸ್​)

https://www.vijayavani.net/bc-patil-birthday-celebration/

https://www.vijayavani.net/this-man-hates-virat-kohli-but-loves-his-batting/