VIDEO | ಮೇಕೆಗಾಗಿ ರೈಲು ಟಿಕೆಟ್ ಖರೀದಿಸಿದ ಮಹಿಳೆ; ಆಕೆಯ ಪ್ರಾಮಾಣಿಕತೆಗೆ ನೆಟ್ಟಿಗರಿಂದ ಮೆಚ್ಚುಗೆ

ಪಶ್ಚಿಮಬಂಗಾಳ: ಟಿಕೆಟ್ ಖರೀದಿಸಲು ಶಕ್ತರಾಗಿದ್ದರೂ, ಕೆಲವರು ಟಿಕೆಟ್ ಖರೀದಿಸದೇ ಪ್ರಯಾಣಿಸುತ್ತಾರೆ. ಕೆಲವು ಸಿಕ್ಕಿಬಿದ್ದು ಟಿಸಿಗೆ ದಂಡ ಕಟ್ಟಿರುವ ಅನೇಕ ಉದಾಹರಣೆಗಳಿವೆ. ಅಂತಹವರು ಪಶ್ಚಿಮ ಬಂಗಾಳದ ಈ ಮಹಿಳೆಯನ್ನು ನೋಡಿದ ಬದ್ಧಿ ಕಲಿಯಬೇಕಾಗಿದೆ.

ರೈಲಿನಲ್ಲಿ ತನ್ನೊಂದಿಗೆ ಮೇಕೆ ಕರೆದುಕೊಂಡು ಹೋಗುತ್ತಿದ್ದ ಮಹಿಳೆ ಪ್ರಾಣಿಗೂ ಟಿಕೆಟ್ ಖರೀದಿಸಿದ್ದಾಳೆ. ಈಕೆ ಪ್ರಾಮಾಣಿಕತೆಗೆ ನೆಟಿಜನ್‌ಗಳು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಟ್ವಿಟರ್ ಬಳಕೆದಾರ ಶೇರ್ ಮಾಡಿರುವ ವಿಡಿಯೋ ಎಲ್ಲರ ಗಮನ ಸೆಳೆದಿದೆ.

"ಅವಳು ತನ್ನ ಮೇಕೆಗಾಗಿ ರೈಲು ಟಿಕೆಟ್ ಸಹ ಖರೀದಿಸಿದಳು. ಅವಳ ನಗುವನ್ನು ನೋಡಿ. ಅದ್ಬುತ’' ಎಂದು ಬರೆದು ವಿಡಿಯೋವನ್ನು ಶೇರ್ ಮಾಡಿದ್ದು, ವೈರಲ್ ಆಗುತ್ತಿದೆ. 'ಮೇಕೆಗೆ ಟಿಕೆಟ್ ಇದೆಯಾ?' ಎಂದು ಟಿಟಿಇ ಜಾಣತನದಿಂದ ಕೇಳಿದಾಗ ‘ಹೌದು’ ಎಂದು ಉತ್ತರಿಸಿ ನಗುವನ್ನು ಹಂಚಿಕೊಂಡರು. ಈ ವಿಡಿಯೋ ಅಂತರ್ಜಾಲದಲ್ಲಿ ವೈರಲ್ ಆಗುತ್ತಿದೆ.

'ಅವಳು ತುಂಬಾ ಪ್ರಾಮಾಣಿಕಳು..ನಿಜಕ್ಕೂ ನಮ್ಮ ದೇಶಕ್ಕೆ ಇಂತಹ ಸಹಾನುಭೂತಿಯುಳ್ಳವರು ಬೇಕು'.. 'ಆಕೆಯ ನಗು ದೊಡ್ಡದು' ಎಂದು ನೆಟಿಜನ್‌ಗಳು ಮಹಿಳೆಯ ಬಗ್ಗೆ ಮೆಚ್ಚುಗೆಯ ಸುರಿಮಳೆಗೈದಿದ್ದಾರೆ.

ಟಿಕೆಟ್ ಇಲ್ಲದೆ ಪ್ರಯಾಣ ಮಾಡುವುದು ಅಪರಾಧ ಎಂದು ತಿಳಿದಿದ್ದರು ಕೆಲವರು ಟಿಕೆಟ್ ಖರೀದಿಸಲು ಸಾಧ್ಯವಾಗದೆ ರೈಲು ಪ್ರಯಾಣದಲ್ಲಿ ತಪ್ಪಿಸಿಕೊಳ್ಳುತ್ತಾರೆ. ಇಂತರವರಿಗೆ ಟಿಸಿಗಳು ಕಾಕಮ್ಮನ ಕಥೆಗಳನ್ನು ಕೇಳುತ್ತಾರೆ. ತನಗಾಗಿ ಮಾತ್ರವಲ್ಲದೆ ತನ್ನೊಂದಿಗೆ ಪ್ರಯಾಣಿಸುತ್ತಿದ್ದ ಮೇಕೆಗೂ ರೈಲು ಟಿಕೆಟ್ ಖರೀದಿಸಿದ ಮಹಿಳೆಯ ಪ್ರಾಮಾಣಿಕತೆಗೆ ಎಲ್ಲರೂ ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.

https://www.vijayavani.net/betel-leaf-after-food-will-be-helpful-for-health