ವಿಮಾನದಲ್ಲಿ ಮಹಿಳೆಯ ಬೆತ್ತಲೆ ಓಡಾಟ; ಆಕೆಯ ವರ್ತನೆ ಹಿಂದಿರುವ ಕಾರಣ ಹೀಗಿದೆ.. | Flight

ವಾಷಿಂಗ್ಟನ್​ ಡಿಸಿ: ಅಮೆರಿಕದ ವಿಮಾನದಲ್ಲಿ(Flight) ಮಹಿಳೆಯೊಬ್ಬರು ಕೋಲಾಹಲ ಸೃಷ್ಟಿಸಿದ್ದಾರೆ. ಆ ಮಹಿಳೆ ವಿಮಾನದಲ್ಲಿ 30 ನಿಮಿಷಗಳ ಕಾಲ ಬಟ್ಟೆಯಿಲ್ಲದೆ ಓಡಾಡಿದ್ದು, ಆಕೆ ಮಕ್ಕಳ ಮೇಲೆ ಕೂಗಾಡಿದ್ದಾಳೆ ಮತ್ತು ಕಾಕ್‌ಪಿಟ್ ಬಾಗಿಲನ್ನು ಬಡಿದಿದ್ದಾಳೆ ಎಂದು ಆರೋಪಿಸಲಾಗಿದೆ. ಇದರಿಂದಾಗಿ ವಿಮಾನದಲ್ಲಿದ್ದ ಇತರ ಪ್ರಯಾಣಿಕರು ತುಂಬಾ ಭಯಭೀತರಾಗಿದ್ದು, ಕೊನೆಗೆ ವಿಮಾನವು ಗೇಟ್‌ಗೆ ಹಿಂತಿರುಗಬೇಕಾಯಿತು.

ಇದನ್ನು ಓದಿ: ಡೊನಾಲ್ಡ್​​ ಟ್ರಂಪ್ ಸುಂಕ ಬೆದರಿಕೆಯ ಮಧ್ಯೆ ಜಸ್ಟಿನ್ ಟ್ರುಡೊ ಭಾವುಕ; ಕಣ್ಣೀರಿಡುತ್ತಾ ಹೇಳಿದ್ದೇನು? | Justin Trudeau

ಈ ವಿಮಾನವು ಸೌತ್‌ವೆಸ್ಟ್ ಏರ್‌ಲೈನ್ಸ್ ಒಡೆತನದಲ್ಲಿದೆ ಎಂದು ಎನ್‌ಬಿಸಿ ಅಂಗಸಂಸ್ಥೆ ಕೆಪಿಎನ್‌ಎಕ್ಸ್ ವರದಿ ಮಾಡಿದೆ. ವಿಮಾನವು ಹೂಸ್ಟನ್‌ನಿಂದ ಫೀನಿಕ್ಸ್‌ಗೆ ಹೊರಟಿತು. ವರದಿಯ ಪ್ರಕಾರ, ಮಹಿಳೆಯು ಆರಂಭದಲ್ಲಿ ಕ್ಯಾಬಿನ್‌ನ ಮುಂಭಾಗಕ್ಕೆ ತೆರಳಿ ವಿಮಾನವು ರನ್‌ವೇಯಲ್ಲಿರುವಾಗಲೇ ಇಳಿಯಲು ಅವಕಾಶ ನೀಡಬೇಕೆಂದು ಒತ್ತಾಯಿಸಿದಳು. ಆಗ ಆ ಮಹಿಳೆ ಸಂಪೂರ್ಣವಾಗಿ ಬಟ್ಟೆ ಧರಿಸಿದ್ದಳು.

ಆದರೆ ವಿಮಾನ ಚಲಿಸುತ್ತಲೇ ಇದ್ದಾಗ, ಆಕೆ ತನ್ನ ಬಟ್ಟೆಗಳನ್ನು ಬಿಚ್ಚಲು ಪ್ರಾರಂಭಿಸಿದಳು. ಆದರೆ ವಿಮಾನದಲ್ಲಿ ಮಕ್ಕಳೂ ಇದ್ದರು. ವರದಿಯ ಪ್ರಕಾರ ಆ ಮಹಿಳೆ ವಿಮಾನ ಸಿಬ್ಬಂದಿಗೆ ಕಿರುಕುಳ ನೀಡಿದ್ದಾಳೆ ಮತ್ತು ಕಾಕ್‌ಪಿಟ್ ಬಾಗಿಲನ್ನು ಬಡಿದಿದ್ದಾಳೆ.

ಈ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ. ಇದರಲ್ಲಿ ಈ ಮಹಿಳೆ ವಿಮಾನದಲ್ಲಿ ಇತರ ಪ್ರಯಾಣಿಕರ ಮುಂದೆ ಬಟ್ಟೆಯಿಲ್ಲದೆ ನಡೆದುಕೊಂಡು ಹೋಗುತ್ತಿರುವುದು ಕಂಡುಬರುತ್ತದೆ. ಓಡಾಡುವಾಗ ಮಧ್ಯೆ ಮಧ್ಯೆ ಆ ಮಹಿಳೆ ಕಿರುಚುತ್ತಾಳೆ. ಈ ಘಟನೆ ತುಂಬಾ ಭಯಾನಕವಾಗಿತ್ತು. ನಮಗೆ ಅನಾನುಕೂಲವಾಯಿತು ಎಂದು ಸಹ ಪ್ರಯಾಣಿಕರೊಬ್ಬರು ಹೇಳಿದ್ದಾರೆ. ಅವಳು ವಿಮಾನದಿಂದ ಇಳಿಯಬೇಕೆಂದು ಹೇಳಿದಳು. ನಂತರ ಅವಳು ಕಿರುಚಲು ಪ್ರಾರಂಭಿಸಿದಳು. ಆ ಮಹಿಳೆ ತನ್ನ ದೇಹವನ್ನು ವಿಮಾನ ಸಿಬ್ಬಂದಿಯ ಕಡೆಗೆ ಸರಿಸಿ ಅವರಿಗೆ ತೊಂದರೆ ನೀಡುತ್ತಿದ್ದಳು ಎಂದು ಹೇಳಿದರು.

ಮಹಿಳೆಯನ್ನು ವಶಕ್ಕೆ ತೆಗೆದುಕೊಳ್ಳಲಾಗಿದೆ ಎಂದು ಹೂಸ್ಟನ್ ಪೊಲೀಸ್ ಇಲಾಖೆಯ ವಕ್ತಾರರು ತಿಳಿಸಿದ್ದಾರೆ. ಅವರನ್ನು ವೈದ್ಯಕೀಯ ಮೌಲ್ಯಮಾಪನಕ್ಕಾಗಿ ಆಸ್ಪತ್ರೆಗೆ ಕರೆದೊಯ್ಯಲಾಗಿದೆ. ವಿಳಂಬಕ್ಕೆ ಗ್ರಾಹಕರಲ್ಲಿ ನಾವು ಕ್ಷಮೆಯಾಚಿಸುತ್ತೇವೆ ಮತ್ತು ಅವರ ತಾಳ್ಮೆಗೆ ಧನ್ಯವಾದಗಳು ಎಂದು ಸೌತ್‌ವೆಸ್ಟ್ ಏರ್‌ಲೈನ್ಸ್ ಹೇಳಿಕೆಯಲ್ಲಿ ತಿಳಿಸಿದೆ.(ಏಜೆನ್ಸೀಸ್​)

https://www.vijayavani.net/paris-busiest-train-station-shut-after-world-war-ii-bomb-found-on-tracks