ಅವನು ಮಹಿಳೆಯ ಫೋನ್​ ನಂಬರ್​ ಕೇಳಿದ; ಅದಕ್ಕೆ ಪೊಲೀಸ್​ ಕೊಟ್ಟ ಉತ್ತರ ನೆಟ್ಟಿಗರ ಮನ ಗೆದ್ದಿದೆ!

ಮುಂಬೈ: ದೇಶ ಎಲ್ಲ ರಾಜ್ಯಗಳ ಪೊಲೀಸರು ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯರಾಗಿದ್ದಾರೆ. ಇದರಿಂದ ನಾಗರಿಕರನ್ನು ಪೊಲೀಸ್​ ಸ್ನೇಹಿಯಾಗಿ ಮಾಡಲು ಅನುಕೂಲವಾಗಿದೆ.

ಇಂತಹ ಪೊಲೀಸ್​ ಪುಟಗಳಲ್ಲಿ ಹಾಸ್ಯ, ಸೃಜನಶೀಲ ಎಚ್ಚರಿಕೆಗಳೂ ಇರುತ್ತವೆ. ಆದರೆ ಪುನಾದ ಪೊಲೀಸರು ಈ ಚಾಟ್​ ಮಾತ್ರ ಎಲ್ಲಕ್ಕಿಂತ ಹೆಚ್ಚಾಗಿ ಗಮನ ಸೆಳೆಯುತ್ತದೆ.

ಭಾನುವಾರ ಮಹಿಳೆಯೊಬ್ಬಳು ಪುಣೆಯ ಪೊಲೀಸರ ಟ್ವೀಟರ್​ಗೆ ಧನೋರಿ ಪೊಲೀಸ್​ ಠಾಣೆಯ ನಂಬರ್​ಗಾಗಿ ಮನವಿ ಮಾಡಿದಳು. ಅದಕ್ಕೆ ಪೊಲೀಸರು ಆ ಠಾಣೆಯ ನಂಬರ್​ ಮಾಡಿ ಅದಕ್ಕೆ ಉತ್ತರಿಸಿದರು.

ಇದನ್ನು ನೋಡಿದ ಒಬ್ಬಾತ ಇದಕ್ಕೆ ಮರುತ್ತರ ನೀಡುತ್ತ ಆ ಮಹಿಳೆಯ ಫೋನ್​ ನಂಬರ್​ನ್ನು ಶೇರ್​ ಮಾಡುವಂತೆ ಕೇಳಿದ. ಇದನ್ನು ಕಂಡ ನೆಟ್ಟಿಗರು ಅವನ ಈ ಬೇಡಿಕೆ ಬಗ್ಗೆ ತೀವ್ರವಾಗಿ ಖಂಡಿಸಿದರು. ಆದರೆ ಪುನಾ ಪೊಲೀಸರು ನೀಡಿದ ಉತ್ತರ ಮಾತ್ರ ಎಲ್ಲರ ಗಮನಸೆಳೆಯುತ್ತಿದೆ.

ಪುಣೆಯ ಪೊಲೀಸರು, "ಸರ್​ ನಮಗೆ ನಿಮ್ಮ ಫೋನ್​ ನಂಬರ್​ ಬಗ್ಗೆ ಆಸಕ್ತಿ ಇದೆ. ನಿಮಗೆ ಹೆಣ್ಣುಮಕ್ಕಳ ಬಗ್ಗೆ ಇರುವ ಆಸಕ್ತಿಯನ್ನು ತಿಳಿಯಲು" ಎಂದು ನೇರವಾಗಿ ಆತನಿಗೆ ಸಂದೇಶ ಕಳುಹಿಸಿದ್ದಾರೆ.

ಈ ರೀತಿ ಉತ್ತರಿಸಿದ ಪುಣೆ ಪೊಲೀಸರ ಈ ಟ್ವೀಟ್​ಗೆ 14,000 ಸಾವಿರಕ್ಕೂ ಹೆಚ್ಚು ಲೈಕ್​ ಬಂದಿದ್ದು, 3 ಸಾವಿರ ಮಂದಿ ಇದನ್ನು ರಿಟ್ವೀಟ್​ ಮಾಡಿದ್ದಾರೆ. (ಏಜೆನ್ಸೀಸ್​ )