ಮೋನು ಶರ್ಮಾ ಜೊತೆಗಿನ ವಿವಾಹೇತರ ಸಂಬಂಧದ ಬಗ್ಗೆ ಗಂಡನಿಗೆ ಗೊತ್ತಾದ ಬೆನ್ನಲ್ಲೇ ತನಗಿರುವ ಅಡೆತಡೆಗಳನ್ನು ತೆಗೆದುಹಾಕಲು ಕೋಮಲಾ ನಿರ್ಧರಿಸಿದಳು. ಮೋನು ಶರ್ಮಾಗೆ ಈ ಬಗ್ಗೆ ಹೇಳಿದಾಗ, ಆತನೂ ಒಪ್ಪಿಕೊಂಡನು. ಬಳಿಕ ಅವರಿಬ್ಬರೂ ವಿಜಯ್ನನ್ನು ಕೊಂದು ಮನೆಯ ನೆಲದ ಟೈಲ್ಸ್ ಅಡಿಯಲ್ಲಿ ಹೂತುಹಾಕಿದರು. ಇದಾದ ಎರಡು ದಿನಗಳ ನಂತರ, ವಿಜಯ್ ಅವರ ಕಿರಿಯ ಸಹೋದರ ಮನೆಗೆ ಬಂದನು. ಆತ ತನ್ನ ಸಹೋದರನಿಗಾಗಿ ಹುಡುಕಿದನು. ಆದರೆ, ಆತ ಎಲ್ಲಿಯೂ ಸಿಗದಿದ್ದಾಗ, ಹತ್ತು ದಿನಗಳ ನಂತರ ತನ್ನ ಸಹೋದರ ವಿಜಯ್ ಕಾಣೆಯಾಗಿದ್ದಾನೆ ಎಂದು ಪೊಲೀಸರಿಗೆ ದೂರು ನೀಡಿದನು. ಪೊಲೀಸರು ತನಿಖೆಯನ್ನು ಕೈಗೆತ್ತಿಕೊಂಡರು. ಇದೇ ಸಂದರ್ಭದಲ್ಲಿ ಕೋಮಲಾ ಮತ್ತು ಮೋನು ಶರ್ಮಾ ನಾಪತ್ತೆಯಾಗುತ್ತಾರೆ.
