ಈ ಘಟನೆ ಯುವತಿಯನ್ನು ಚಿಂತಿಸುವಂತೆ ಮಾಡಿದೆ. ಈ ಹಿನ್ನೆಲೆಯಲ್ಲಿ ವಿಡಿಯೋ ಮಾಡಿ ತನ್ನ ಅಭಿಪ್ರಾಯವನ್ನು ಹೊರಹಾಕಿದ್ದಾಳೆ. ನನ್ನದೇ ವಸತಿ ಸಮುದಾಯದಲ್ಲಿ ನಾನು ನಡೆದುಕೊಂಡು ಹೋಗುತ್ತಿದ್ದಾಗ, 6 ರಿಂದ 7 ವರ್ಷದ ಬಾಲಕನೊಬ್ಬ ನನ್ನನ್ನು ಓ ಲಾಲ್ ಪರಿ, ಚಲೇಗಿ ಕ್ಯಾ? ಎಂದು ಕರೆದನು. ಇಂದು ಬೀದಿ ಬೀದಿಗಳಲ್ಲಿ ಕೆಲವು ಪೊರ್ಕಿಗಳು ಮಹಿಳೆಯರಿಗೆ ಕಿರುಕುಳ ನೀಡಲು ಬಳಸುವ ಅನೇಕ ಪದಗಳಲ್ಲಿ ಇವು ಕೂಡ ಒಂದು. ಬಾಲಕ ಆ ಪದವನ್ನಾಡಿದಾಗ ಸೆಕ್ಯುರಿಟಿ ಗಾರ್ಡ್ ಸೇರಿದಂತೆ ಸುತ್ತಮುತ್ತಲಿನ ಎಲ್ಲರು ನಕ್ಕರು. ಆದರೆ, ಅದು ನನಗೆ ತಮಾಷೆಯಾಗಿ ಕಾಣಲಿಲ್ಲ. ಏಕೆಂದರೆ, ಇದು ಪ್ರಾರಂಭವಾಗುವುದೇ ಇಲ್ಲಿಂದ. ಒಂದು ಮಗು ಅಂತಹ ಪದಗಳನ್ನು ಹೇಳುವುದು, ಅವನು ಆ ಪದಗಳನ್ನು ಕೇಳಿದಾಗ ಮತ್ತು ನೋಡಿದಾಗ. ಬಳಿಕ ಆ ಪದಗಳನ್ನು ಆತ ನಕಲಿಸುತ್ತಾನೆ. ಸರಿಪಡಿಸದಿದ್ದರೆ, ಮಸ್ತಿಗೆ ಆಡಿದ ಈ ಪದ ಮುಂದೊಂದು ದಿನ ಕಿರುಕುಳವಾಗುತ್ತದೆ ಎಂದು ಯುವತಿ ಕಿರಣ್ ಗ್ರೆವಾಲ್ ತಮ್ಮ ಇನ್ಸ್ಟಾಗ್ರಾಂನಲ್ಲಿ ವಿಡಿಯೋ ಹಂಚಿಕೊಂಡು ಬರೆದಿದ್ದಾರೆ.
