ಮೇವು ತರಲು ಹೋದ ಮಹಿಳೆ ಹಾವು ಕಚ್ಚಿ ಸಾವು

ರಾಣೆಬೆನ್ನೂರ: ಮೇವು ತರಲು ಹೋದ ಮಹಿಳೆ ಹಾವು ಕಚ್ಚಿ ಮೃತಪಟ್ಟ ಘಟನೆ ತಾಲೂಕಿನ ಮಣಕೂರ ಗ್ರಾಮದಲ್ಲಿ ಮಂಗಳವಾರ ನಡೆದಿದೆ.
ಗ್ರಾಮದ ಗಂಗಮ್ಮ ಯಲ್ಲಪ್ಪ ಅಂತರವಳ್ಳಿ (65) ಮೃತ ಮಹಿಳೆ.
ಇವರು ತಮ್ಮ ಮನೆಯ ಹಿತ್ತಲದಲ್ಲಿರುವ ಬಣವೆಗೆ ತೆರಳಿ ಮೇವು ತರುತ್ತಿದ್ದ ಸಮಯದಲ್ಲಿ ಹಾವು ಕಚ್ಚಿದೆ. ಇದರಿಂದ ಅಸ್ವಸ್ಥಗೊಂಡ ಅವರನ್ನು ದಾವಣಗೆರೆ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ, ಚಿಕಿತ್ಸೆಗೆ ಸ್ಪಂದಿಸದೆ ಮೃತಪಟ್ಟಿದ್ದಾರೆ ಎನ್ನಲಾಗಿದೆ. ಈ ಕುರಿತು ಹಲಗೇರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.