ಕೇಂದ್ರ ಸರ್ಕಾರದಿಂದ ನಿಷೇಧಕ್ಕೆ ಒಳಗಾಗಿರುವ ಪಾಪ್ಯುಲರ್ ಫ್ರಂಟ್ ಆಫ್ ಇಂಡಿಯಾ (ಪಿಎಫ್ಐ) ಸಂಟನೆಗೆ ಮತ್ತೊಂದು ಚಾಟಿಯೇಟು ಬಿದ್ದಿದೆ. ಸೆ. 22ರಂದು ದೇಶದ ವಿವಿಧೆಡೆ ರಾಷ್ಟ್ರೀಯ ತನಿಖಾ ದಳ ಹಾಗೂ ಜಾರಿ ನಿರ್ದೇಶನಾಲಯ, ಪಿಎಫ್ಐ ಮೇಲೆ ನಡೆಸಿದ ದಾಳಿ ವಿರೋಧಿಸಿ ಮರುದಿನ ಸೆ. 23ರಂದು ಕೇರಳದಲ್ಲಿ ಪ್ರತಿಭಟನೆ ನಡೆಸಲಾಗಿತ್ತು. ಈ ಹರತಾಳದಿಂದಾದ ನಷ್ಟ ತುಂಬಿಕೊಡಲು 5.20 ಕೋಟಿ ರೂಪಾಯಿ ಠೇವಣಿ ಇಡಬೇಕು; 2 ವಾರದೊಳಗೆ ಹಣ ತುಂಬದಿದ್ದಲ್ಲಿ ರಾಜ್ಯದಲ್ಲಿರುವ ಈ ಸಂಟನೆಯ ಹಾಗೂ ಅದರ ಪದಾಧಿಕಾರಿಗಳ ವೈಯಕ್ತಿಕ ಆಸ್ತಿಗಳನ್ನು ಮುಟ್ಟುಗೋಲು ಹಾಕಬೇಕೆಂದು ಕೇರಳ ಹೈಕೋರ್ಟ್ ಆದೇಶಿಸಿರುವುದು ಪ್ರತಿಭಟನೆಗಳನ್ನು ಕೈಗೊಂಡು, ಹಿಂಸಾಚಾರವಾಗಿ, ಸಾರ್ವಜನಿಕ ಆಸ್ತಿಪಾಸ್ತಿಗೆ ನಷ್ಟವನ್ನುಂಟು ಮಾಡುವ ಸಂಟನೆಗಳಿಗೆ ಎಚ್ಚರಿಕೆಯ ಗಂಟೆಯಾಗಿದೆ. ಪಿಎಫ್ಐ ಹಾಗೂ ಅದರ ರಾಜ್ಯ ಪ್ರಧಾನ ಕಾರ್ಯದರ್ಶಿ ಈ ಹರತಾಳದ ಹೊಣೆಗಾರರು ಎಂದಿರುವ ಕೇರಳ ಕೋರ್ಟ್, ಇದರಿಂದಾದ ನಷ್ಟವನ್ನು ಕೇರಳ ರಸ್ತೆ ಸಾರಿಗೆ ಸಂಸ್ಥೆ ಅಂದಾಜು ಆಧರಿಸಿಯೇ ಠೇವಣಿ ಹಣ ನಿಗದಿಪಡಿಸಿದೆ.
