ನೇಪಾಳ, ಭಾರತ ಹಾಗೂ ಚೀನಾ ಒಂದಾಗಬೇಕು!
ವಿಶ್ವ ಸಂಸ್ಥೆಯ ಸಾಮಾನ್ಯ ಸಭೆಯಲ್ಲಿ ಭಾಷಣ ಆರಂಭಿಸಿದ ಬಾಲೇನ್ ಶಾ, ಹಿಂದೂ ಖುಷ್ ಹಿಮಾಲತಯದ ಶ್ರೇಣಿಗಳು ಹೆಚ್ಚು ಕಡಿಮೆ 200 ಕೋಟಿ ಜನರ ವಾಸಸ್ಥಾನವಾಗಿದೆ. ಇಲ್ಲಿಯ ಪರ್ವತಗಳು, ಇಲ್ಲಿಯ ಜನರಿಗೆ ನೀರು, ವ್ಯವಸಾಯಕ್ಕೆ ಭೂಮಿ ಹಾಗೂ ಬದುಕಲು ಆರೋಗ್ಯಕರ ಪರಿಸರವನ್ನು ನಿರ್ಮಿಸಿಕೊಟ್ಟಿದೆ.
ಆದರೆ, ಕಳೆದ ಕೆಲ ದಶಕಗಳಿಂದ ಈ ಪ್ರದೇಶದಲ್ಲಿ ಹವಾಮಾನ ವೈಪರಿತ್ಯ ಕಂಡುಬರುತ್ತಿದ್ದು, ಪ್ರಕೃತಿ ವಿಕೋಪ ಎನ್ನುವುದು ಸಾಮಾನ್ಯವಾಗಿ ಬಿಟ್ಟಿದೆ. ಈ ಹಿನ್ನಲೆಯಲ್ಲಿ ಇಲ್ಲಿನ ಪರಿಸರದ ರಕ್ಷಣೆ ಎನ್ನುವುದು ನೇಪಾಳ ಸೇರಿದಂತೆ ಭಾರತ ಹಾಗೂ ಚೀನಾ ದೇಶಗಳ ಜವಾಬ್ದಾರಿಯಾಗಿದ್ದು, ನಮ್ಮ ಮುಂದಿನ ಪೀಳಿಗೆಯ ರಕ್ಷಣೆಗಾಗಿ ನಾವು ಮೂರು ದೇಶಗಳು ಒಂದಾಗಿ, ಪರಿಸರ ರಕ್ಷಣೆ ಸಂಬಂಧಿ ಮ್ರೈತಿಕೂಟವನ್ನು ಮಾಡಿಕೊಳ್ಳಬೇಕೆಂದು ಬಾಲೇನ್ ಶಾ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
ಈ ಆಗಸ್ಟ್ನಲ್ಲಿ ಪ್ರವಾಹಕ್ಕೆ ನಮ್ಮ ದೇಶ ತುತ್ತಾಗಿರಬಹುದು, ಆದರೆ ಮುಂದಿನ ದಿನಗಳಲ್ಲಿ ಇದರ ಪ್ರಮಾಣ ಇನ್ನಷ್ಟು ಹೆಚ್ಚಾಗುವ ಸಾಧ್ಯತೆಯಿದೆ. ಪ್ರಕೃತಿ ವಿಕೋಪಗಳು ಗಡಿಯನ್ನು, ದೇಶವನ್ನು ನೋಡಿ ಸಂಭವಿಸುವುದಿಲ್ಲ. ಹೀಗಾಗಿ ಮುಂದಿನ ದಿನಗಳಲ್ಲಿ ವಿಕೋಪಗಳ ತೀವ್ರತೆಯನ್ನು ತಡೆಯುವತ್ತ ನಾವು ಗಮನ ಹರಿಸಬೇಕೆಂದು ಬಾಲೇನ್ ಶಾ, ಆಗ್ರಹಿಸಿದ್ದಾರೆ.
