ಮುಂದಿನ ವರ್ಷ G7ಗೆ ಪ್ರಧಾನಿ ಮೋದಿಯನ್ನು ಕೆನಡಾ ಆಹ್ವಾನಿಸುತ್ತದೆಯೇ? ಟ್ರುಡೊ ಕೊಟ್ಟ ಉತ್ತರವೇನು ಗೊತ್ತಾ

ನವದೆಹಲಿ: ಕೆನಡಾ ಮತ್ತು ಭಾರತದ ನಡುವಿನ ಸಂಬಂಧದ ಉದ್ವಿಗ್ನತೆಯ ನಡುವೆ ಇಟಲಿಯಲ್ಲಿ ನಡೆದ ಜಿ7 ಶೃಂಗಸಭೆಯಲ್ಲಿ ಭಾರತದ ಪ್ರಧಾನಿ ನರೇಂದ್ರ ಮೋದಿ ಮತ್ತು ಕೆನಡಾದ ಪ್ರಧಾನಿ ಜಸ್ಟಿನ್ ಟ್ರುಡೊ ನಡುವೆ ಸಭೆ ನಡೆಯಿತು. ಅತಿಥೇಯ ಇಟಲಿ ಪ್ರಧಾನಿ ಜಾರ್ಜಿಯೊ ಮೆಲೊನಿ ಅವರ ವಿಶೇಷ ಆಹ್ವಾನದ ಮೇರೆಗೆ ಪ್ರಧಾನಿ ಮೋದಿ ಜಿ7 ಶೃಂಗಸಭೆಯಲ್ಲಿ ಭಾಗವಹಿಸಿದ್ದರು. ಆದರೆ ಮುಂದಿನ ವರ್ಷವೂ ಭಾರತವನ್ನು ಜಿ7 ಶೃಂಗಸಭೆಗೆ ಆಹ್ವಾನಿಸಲಾಗುತ್ತದೆಯೇ, ಏಕೆಂದರೆ 2025ರಲ್ಲಿ ಕೆನಡಾ ಜಿ7 ಅನ್ನು ಆಯೋಜಿಸಲಿದೆ.

ಇದನ್ನು ಓದಿ: ನೀಟ್​ ವಿವಾದ; ಸುಪ್ರೀಂಕೋರ್ಟ್​ ಮೇಲ್ವಿಚಾರಣೆಯಲ್ಲಿ ತನಿಖೆಗೆ ಆಗ್ರಹಿಸಿದ ಕಪಿಲ್ ಸಿಬಲ್ 

ಮುಂದಿನ ವರ್ಷ ಜಿ7 ಅಧ್ಯಕ್ಷರಾಗಿ ಕೆನಡಾವನ್ನು ಘೋಷಿಸಿದ ನಂತರ ಜಸ್ಟಿನ್ ಟ್ರುಡೊ ಅವರಿಗೆ ಇದೇ ಪ್ರಶ್ನೆಯನ್ನು ಕೇಳಲಾಯಿತು. ಆಗ ಅವರು ತಮ್ಮ ದೇಶವು ಅದರ ಅಧ್ಯಕ್ಷ ಸ್ಥಾನವನ್ನು ವಹಿಸಿಕೊಂಡಾಗ ಮಾತ್ರ ಈ ಬಗ್ಗೆ ಏನಾದರೂ ಹೇಳಬಹುದು ಎಂದು ಹೇಳಿದರು.

ಮುಂದಿನ ವರ್ಷ ಶೃಂಗಸಭೆಗೆ ಪ್ರಧಾನಿ ಮೋದಿ ಅವರನ್ನು ಆಹ್ವಾನಿಸುವ ಪ್ರಶ್ನೆಗೆ ಕೆನಡಾದ ಪ್ರಧಾನಿ ಟ್ರುಡೊ, 'ಕೆನಡಾದ ಜನರು ಮುಂದಿನ ವರ್ಷದ ಜಿ7 ಗಾಗಿ ಕುತೂಹಲದಿಂದ ಕಾಯುತ್ತಿದ್ದಾರೆ ಎಂದು ನಾನು ಪ್ರಶಂಸಿಸುತ್ತೇನೆ. ಸದ್ಯ ಇಟಲಿಯು ಈ ವರ್ಷದ ಉಳಿದ ಜಿ7 ನ ಅಧ್ಯಕ್ಷತೆಯನ್ನು ಹೊಂದಿದೆ. ಈ ಬಾರಿ ನಾವು ಚರ್ಚಿಸಿದ ವಿಶಾಲ ವಿಷಯಗಳ ಕುರಿತು ಪ್ರಧಾನಿ ಮೆಲೋನಿ ಮತ್ತು ನಮ್ಮ ಎಲ್ಲಾ G7 ಪಾಲುದಾರರೊಂದಿಗೆ ಕೆಲಸ ಮಾಡಲು ಎದುರು ನೋಡುತ್ತಿದ್ದೇನೆ. ಮುಂದಿನ ವರ್ಷ ಜಿ7 ನ ಅಧ್ಯಕ್ಷ ಸ್ಥಾನವನ್ನು ನಾವು ವಹಿಸಿಕೊಂಡಾಗ ನಾನು ಮುಂದಿನ ಜಿ7 ಬಗ್ಗೆ ಹೆಚ್ಚು ಮಾತನಾಡುತ್ತೇನೆ ಎಂದರು.

ಇದಕ್ಕೂ ಮುನ್ನ ಇಟಲಿಯ ಅಪುಲಿಯಾದಲ್ಲಿ ನಡೆದ ಜಿ7 ಶೃಂಗಸಭೆಯಲ್ಲಿ ಪ್ರಧಾನಿ ಮೋದಿ ಮತ್ತು ಜಸ್ಟಿನ್ ಟ್ರುಡೊ ನಡುವೆ ಸಭೆ ನಡೆದಿತ್ತು. ಪ್ರಧಾನಿ ಮೋದಿ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದು, ಇದರಲ್ಲಿ ಇಬ್ಬರೂ ನಾಯಕರು ಸಂತೋಷದಿಂದ ಕೈಹಿಡಿದು ನಿಂತಿರುವುದನ್ನು ಕಾಣಬಹುದು.

ಖಲಿಸ್ತಾನ್ ಪರ ಉಗ್ರವಾದಕ್ಕೆ ಸಂಬಂಧಿಸಿದಂತೆ ಉಭಯ ದೇಶಗಳ ನಡುವಿನ ಸಂಬಂಧ ಹದಗೆಟ್ಟಿರುವ ನಡುವೆ ಇದು ಪ್ರಧಾನಿ ಮೋದಿ ಮತ್ತು ಜಸ್ಟಿನ್ ಟ್ರುಡೊ ಅವರ ಮೊದಲ ಸಭೆಯಾಗಿದೆ. ಪ್ರಧಾನಿ ಮೋದಿಯವರನ್ನು ಭೇಟಿಯಾದ ನಂತರ ಕೆನಡಾ ಮೃದು ಧೋರಣೆ ಅನುಸರಿಸುತ್ತಿದೆ. ತಮ್ಮ ಭೇಟಿಯಲ್ಲಿ ಟ್ರುಡೊ ಅವರು ಮರು ಆಯ್ಕೆಯಾದ ಪ್ರಧಾನಿ ಮೋದಿಯನ್ನು ಅಭಿನಂದಿಸಿದರು. (ಏಜೆನ್ಸೀಸ್​)

https://www.vijayavani.net/digangana-suryavanshi-sends-defamation-notice-to-manish-harishankar