ಏಪ್ರಿಲ್‌ನಲ್ಲಿ ಚಿನ್ನದ ಬೆಲೆ ಮತ್ತಷ್ಟು ದುಬಾರಿ!? ಏನು ಹೇಳುತ್ತೆ ಇತ್ತೀಚಿನ ವರದಿಗಳು? ಇಲ್ಲಿದೆ ಮಾಹಿತಿ | Gold Price

Gold Price: ಶುಕ್ರವಾರ 10 ಗ್ರಾಂಗೆ 92,150 ರೂ. ಇದ್ದ ಶೇ. 99.9ರಷ್ಟು ಶುದ್ಧತೆಯ ಚಿನ್ನದ ಬೆಲೆ ಮಂಗಳವಾರ (ಮಾ.01) 94,150 ರೂ.ಗೆ ಏರಿದೆ. ಷೇರು ಮಾರುಕಟ್ಟೆ ಸತತವಾಗಿ ಕುಸಿಯುತ್ತಿರುವ ಹಿನ್ನೆಲೆಯಲ್ಲಿ ಸುರಕ್ಷಿತ ಹೂಡಿಕೆಯಾದ ಬಂಗಾರದತ್ತ ಹೂಡಿಕೆದಾರರ ಚಿತ್ತ ನೆಟ್ಟಿದೆ ಎಂದು ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ. ಶೇ. 99.5ರಷ್ಟು ಶುದ್ಧತೆಯ ಚಿನ್ನದ ಬೆಲೆ ಶುಕ್ರವಾರ 91,700 ರೂ. ಇದ್ದದ್ದು ಮಂಗಳವಾರ 93,700 ರೂ.ಗೆ ಏರಿದೆ. ಈ ಹಿಂದೆ ಫೆ. 10ರಂದು ಚಿನ್ನದ ಬೆಲೆ ಒಮ್ಮೆಲೇ 2,400 ರೂ.ನಷ್ಟು ಹೆಚ್ಚಳವಾಗಿತ್ತು. ಸದ್ಯ ಚಿನ್ನ ಕೊಳ್ಳುವಿಕೆಯ ಮಾತು ಬಹುದೂರ ಉಳಿದಿದೆ.

ಇದನ್ನೂ ಓದಿ: ದಾಸಿಮಯ್ಯನವರ ಆದರ್ಶ ಬದುಕು ಸರ್ವ ಕಾಲಕ್ಕೂ ಪ್ರಸ್ತುತ : ಶಿವಪ್ಪ ಮುಳಗುಂದ

ಮಾರ್ಚ್ ತಿಂಗಳಲ್ಲಿ ದೇಶದಲ್ಲಿ ಚಿನ್ನದ ಬೆಲೆಗಳು ಜೀವಮಾನದ ಗರಿಷ್ಠ ಮಟ್ಟವನ್ನು ತಲುಪಿವೆ. ಈ ವರ್ಷದ ಮಾರ್ಚ್ ಕೊನೆಯ ವಾರದಲ್ಲಿ, 24 ಕ್ಯಾರೆಟ್ ಚಿನ್ನದ ಬೆಲೆ 10 ಗ್ರಾಂಗೆ ರೂ. 90,660 ತಲುಪಿತು. ಆದರೆ, MCX ಚಿನ್ನದ ಬೆಲೆ ಹೊಸ ಗರಿಷ್ಠವನ್ನು ( 89,946 ರೂ.) ತಲುಪಿದೆ. ಅಂತರರಾಷ್ಟ್ರೀಯವಾಗಿ, COMEX ಚಿನ್ನವು ಪ್ರತಿ ಔನ್ಸ್‌ಗೆ 3057.31 ಡಾಲರ್​ ತಲುಪಿತು. ಹೂಡಿಕೆದಾರರು ಇತರ ಹೂಡಿಕೆ ಮಾರ್ಗಗಳಿಗಿಂತ ಹೆಚ್ಚಾಗಿ ಚಿನ್ನದಲ್ಲಿ ಹೂಡಿಕೆ ಮಾಡಲು ಆಸಕ್ತಿ ತೋರಿಸುತ್ತಿದ್ದಾರೆ ಎಂಬುದು ಗಮನಾರ್ಹ.

ಈ ಬೆಳವಣಿಗೆ ಏಪ್ರಿಲ್‌ನಲ್ಲಿಯೂ ಮುಂದುವರಿಯುತ್ತದೆಯೇ? ಎಂಬುದು ಬಹುತೇಕರ ಪ್ರಶ್ನೆ. ಚಿನ್ನದ ಮೇಲಿನ ಸುಂಕ ಸೇರಿದಂತೆ ದಿಢೀರ್​ ಏರಿಕೆಗೆಲ್ಲ ಮುಖ್ಯ ಕಾರಣ ಅಮೆರಿಕದ ಮಾಜಿ ಅಧ್ಯಕ್ಷ ಟ್ರಂಪ್. ಅಮೆರಿಕದಲ್ಲಿ ಜಾರಿಗೆ ತರಲಿರುವ ಸುಂಕ ನೀತಿಗಳು. ಏಪ್ರಿಲ್ 2ರಂದು ವಿಧಿಸಲಿರುವ ಹೊಸ ಸುಂಕಗಳು ಚಿನ್ನದ ಮಾರುಕಟ್ಟೆಯ ಮೇಲೆ ತೀವ್ರ ಪರಿಣಾಮ ಬೀರುವ ಸಾಧ್ಯತೆಯಿದೆ. ಅಂತಾರಾಷ್ಟ್ರೀಯವಾಗಿ, ರಷ್ಯಾ-ಉಕ್ರೇನ್ ಮತ್ತು ಇಸ್ರೇಲ್-ಗಾಜಾ ನಡುವೆ ನಡೆಯುತ್ತಿರುವ ರಾಜಕೀಯ ಉದ್ವಿಗ್ನತೆಗಳು ಚಿನ್ನದ ಬೆಲೆಗಳಲ್ಲಿ ಹೆಚ್ಚಳಕ್ಕೆ ಕಾರಣವಾಗುತ್ತಿವೆ.

ಯುಎಸ್ ಡಾಲರ್ ಮೌಲ್ಯ, ಖಜಾನೆ ಬಾಂಡ್ ಇಳುವರಿ ಮತ್ತು ಬಡ್ಡಿದರ ಕಡಿತದ ಬಗ್ಗೆ ಊಹಾಪೋಹಗಳು ಸಹ ಚಿನ್ನದ ಬೆಲೆಯ ಮೇಲೆ ಪರಿಣಾಮ ಬೀರುತ್ತಿವೆ. ವಿಶ್ವ ಚಿನ್ನ ಮಂಡಳಿ (WGC) ಪ್ರಕಾರ, ಏಪ್ರಿಲ್ 2ರಂದು ಅಮೆರಿಕ ನಿರ್ಬಂಧಗಳನ್ನು ಘೋಷಿಸಿದ ನಂತರ ಚಿನ್ನದ ಖರೀದಿ ಮತ್ತಷ್ಟು ಹೆಚ್ಚಾಗುವ ಸಾಧ್ಯತೆಯಿದೆ. "ಚಿನ್ನವು ಈಗಾಗಲೇ ಪ್ರತಿ ಔನ್ಸ್‌ಗೆ 3,000 ಡಾಲರ್​ಗಿಂತ ಹೆಚ್ಚು ವಹಿವಾಟು ನಡೆಸುತ್ತಿದೆ. ಬೆಲೆಗಳು ತಾತ್ಕಾಲಿಕ ಮಟ್ಟದಲ್ಲಿ ಸ್ಥಿರವಾಗುವ ಸಾಧ್ಯತೆಯಿದೆ" ಎಂದು WGC ವರದಿ ತಿಳಿಸಿದೆ.

ಇದನ್ನೂ ಓದಿ: ಈ ವಿಷಯದಲ್ಲಿ ಈತ ವಿರಾಟ್​ರಂತೆ! ಕೆಕೆಆರ್​​ ಆಟಗಾರನನ್ನು ‘ಕಿಂಗ್’​ ಕೊಹ್ಲಿಗೆ ಹೋಲಿಸಿದ ಬಜ್ಜಿ | Virat Kohli

ದೀರ್ಘಾವಧಿಯಲ್ಲಿ, ಚಿನ್ನದ ಬೆಲೆಯಲ್ಲಿನ ಏರಿಕೆಯ ಪ್ರವೃತ್ತಿ ಮುಂದುವರಿಯುತ್ತದೆ ಎಂದು ವಿಶ್ಲೇಷಕರು ನಿರೀಕ್ಷಿಸಿದ್ದಾರೆ. ಡಾಯ್ಚ ಬ್ಯಾಂಕ್ ಗ್ಲೋಬಲ್ CIO ಕ್ರಿಶ್ಚಿಯನ್ ನೋಲ್ಟಿಂಗ್ ಪ್ರಕಾರ, 2025ರ ಆರಂಭದಿಂದಲೂ ಚಿನ್ನದ ಬೆಲೆಗಳು ಹೊಸ ಗರಿಷ್ಠ ಮಟ್ಟವನ್ನು ತಲುಪುತ್ತಿವೆ. ಬೇಡಿಕೆ ಬಲವಾಗಿದೆ. ಮುಖ್ಯವಾಗಿ ಏಷ್ಯಾದ ದೇಶಗಳು ಮತ್ತು ಕೇಂದ್ರ ಬ್ಯಾಂಕ್‌ಗಳಿಂದ ಎಂದಿದ್ದಾರೆ.

ರಾಜಕೀಯ ಅಸ್ಥಿರತೆಯ ಸಮಯದಲ್ಲಿ, ವಿಶೇಷವಾಗಿ ಅಮೆರಿಕ-ಚೀನಾ ವ್ಯಾಪಾರ ವಿವಾದದ ಸಮಯದಲ್ಲಿ ಚಿನ್ನವು ಸುರಕ್ಷಿತ ಸ್ವರ್ಗವಾಗುತ್ತಿದೆ. ಯುಎಸ್​ ಫ್ಯೂಚರ್ಸ್ ಮಾರುಕಟ್ಟೆಯಲ್ಲಿ ಬಲವಾದ ದೀರ್ಘ ಸ್ಥಾನೀಕರಣದಿಂದಾಗಿ ಹೂಡಿಕೆದಾರರು ಸ್ವಲ್ಪ ಸಮಯದವರೆಗೆ ಲಾಭ ಪಡೆಯಲು ಒಲವು ತೋರಬಹುದು. ಆದಾಗ್ಯೂ, ದೀರ್ಘಾವಧಿಯಲ್ಲಿ ಚಿನ್ನದ ಬೆಲೆಗಳು ಏರಿಕೆಯಾಗುತ್ತಲೇ ಇರುತ್ತವೆ ಎಂದು ವಿಶ್ಲೇಷಕರು ಭವಿಷ್ಯ ನುಡಿದಿದ್ದಾರೆ. ಇದು ಸತ್ಯವಾದಲ್ಲಿ ಮುಂದಿನ ದಿನಗಳಲ್ಲಿ ಚಿನ್ನ ಖರೀದಿ ಅಷ್ಟು ಸುಲಭದ ಮಾತಲ್ಲ ಎಂಬುದು ಕಟುಸತ್ಯ,(ಏಜೆನ್ಸೀಸ್).

https://www.vijayavani.net/harbhajan-compares-him-to-virat-kohli