ಹೆಂಡತಿಯ ತೂಕ ಇಳಿಸೋದಕ್ಕೆ ವಿಫಲನಾದ ಡಾಕ್ಟರ್​; ವೈದ್ಯನ ಕಥೆಯನ್ನೇ ಮುಗಿಸಿದ ಪತಿರಾಯ

ಸೂರತ್​: ತೂಕ ಹೆಚ್ಚಿಸುವುದು ಮತ್ತು ತೂಕ ಇಳಿಸುವುದು ಎರಡೂ ಬಹುದೊಡ್ಡ ಕಷ್ಟದ ಕೆಲಸಗಳೇ. ತೂಕ ಇಳಿಸಲು ಅನೇಕರು ಏರೋಬಿಕ್ಸ್​, ಭೌಷಧ, ಡಾಕ್ಟರ್​ ಮೊರೆ ಹೋಗುತ್ತಾರೆ. ಅದೇ ರೀತಿ ತೂಕ ಇಳಿಸುವುದಕ್ಕೆಂದು ವೈದ್ಯರ ಮೊರೆ ಹೋದ ಮಹಿಳೆಯೊಬ್ಬಳು ತೂಕ ಇಳಿಸಿಕೊಳ್ಳಲು ವಿಫಲವಾಗಿದ್ದಕ್ಕೆ ಆಕೆಯ ಪತಿರಾಯ ವೈದ್ಯನ ಕಥೆಯನ್ನೇ ಮುಗಿಸಿರುವ ಘಟನೆ ಗುಜರಾತ್​ನಲ್ಲಿ ನಡೆದಿದೆ.

ಇದನ್ನೂ ಓದಿ: ಮದರಸಾದೊಳಗೆ ಬಾಲಕನನ್ನು ಕಟ್ಟಿ ಹಾಕಿ ಚಿತ್ರಹಿಂಸೆ! ಬಾಲಕ ಬಚಾವಾಗಿದ್ದು ಹೇಗೆ ಗೊತ್ತಾ?

ಗುಜರಾತ್​ನ ಸೂರತ್​ನ ಶಾಲಾ ಶಿಕ್ಷಕ ಮನೋಜ್​ ಧುಧಗರ ಅವರ ಪತ್ನಿ ಕೆಲ ತಿಂಗಳ ಹಿಂದೆ ಡಾ.ಅಜಯ್​ ಮೊರಾಡಿಯಾ ಬಳಿ ಚಿಕಿತ್ಸೆ ಪಡೆದಿದ್ದರು. ತೂಕ ಇಳಿಸುವುದಕ್ಕಾಗಿ ಚಿಕಿತ್ಸೆ ನೀಡಲಾಗಿತ್ತು. ಆದರೆ ನಿರೀಕ್ಷೆಯಷ್ಟು ತೂಕ ಇಳಿಕೆಯಾಗಿಲ್ಲ. ಇದರಿಂದ ಬೇಸತ್ತ ಮನೋಜ್​ ವೈದ್ಯನ ಬಳಿ ಮತ್ತೆ ಬಂದಿದ್ದಾನೆ. ನಾವು ಕೊಟ್ಟ ಹಣವನ್ನು ವಾಪಾಸು ಕೊಡು ಎಂದು ಒತ್ತಾಯಿಸಿದ್ದಾನೆ. ಆದರೆ ಹಣ ವಾಪಾಸು ಮಾಡಲು ವೈದ್ಯ ಒಪ್ಪಿಲ್ಲ.

ಇದನ್ನೂ ಓದಿ: ಐದು ವರ್ಷದ ಮಗನ ಎದುರೇ ಹೋಯಿತು ಅಮ್ಮ, ಅಕ್ಕನ ಪ್ರಾಣ! ಕೊಲೆ ಮಾಡಿದ್ದು ಯಾರು ಎಂದು ಗೊತ್ತಾದರೆ ಬೆಚ್ಚಿ ಬೀಳುತ್ತೀರಿ

ವೈದ್ಯನ ಮೇಲೆ ದ್ವೇಷ ಬೆಳೆಸಿಕೊಂಡ ಮನೋಜ್​ ವೈದ್ಯನ ಮೇಲೆ ಬ್ಲೇಡ್​ನಿಂದ ಹಲ್ಲೆ ಮಾಡಿದ್ದಾನೆ. ವೈದ್ಯನ ಕುತ್ತಿಗೆಯನ್ನು ಬ್ಲೇಡ್​ನಿಂದ ಕೊಯ್ದಿದ್ದಾನೆ. ಆತನ ವ್ಯಾಲೆಟ್​ನಲ್ಲಿದ್ದ 1500 ರೂಪಾಯಿಯನ್ನು ತೆಗೆದುಕೊಂಡು ಮನೋಜ್​ ಪರಾರಿಯಾಗಿದ್ದಾನೆ. ವೈದ್ಯನ ಕುತ್ತಿಗೆಯಲ್ಲಿ ರಕ್ತ ಹರಿಯುತ್ತಿರುವುದನ್ನು ಕಂಡು ತಕ್ಷಣ ಆತನನ್ನು ಬೇರೊಂದು ಆಸ್ಪತ್ರೆಗೆ ದಾಖಲಿಸಲಾಗಿದೆ. ವೈದ್ಯನ ಸ್ಥಿತಿ ಗಂಭೀರವಾಗಿರುವುದಾಗಿ ತಿಳಿಸಲಾಗಿದೆ. ಮನೋಜ್​ಗಾಗಿ ಪೊಲೀಸರು ಹುಡುಕಾಡುತ್ತಿದ್ದಾರೆ. (ಏಜೆನ್ಸೀಸ್​)

https://www.vijayavani.net/due-to-a-love-affair-the-brother-in-law-hanged-himself/

https://www.vijayavani.net/girl-was-kidnapped-and-held-hostage-in-a-forest-where-she-was-raped-for-14-days/