ದಂಪತಿಯಲ್ಲಿ ಯಾರೊಬ್ಬರೂ ಇನ್ನೊಬ್ಬರನ್ನು ಅಗೌರವಿಸಬಾರದು. ಇಬ್ಬರೂ ಪರಸ್ಪರರ ವ್ಯಕ್ತಿತ್ವ ಮತ್ತು ಘನತೆ ರಕ್ಷಿಸಲು ಕೆಲಸ ಮಾಡಬೇಕು. ಅದರಲ್ಲೂ ವಿಶೇಷವಾಗಿ, ಬಿಕ್ಕಟ್ಟಿನ ಸಮಯದಲ್ಲಿ ಇದು ತುಂಬಾ ಅಗತ್ಯ ಎಂದು ಕೋರ್ಟ್ ಹೇಳಿದೆ. ದುರದೃಷ್ಟವಶಾತ್, ಪ್ರಸಕ್ತ ಪ್ರಕರಣದಲ್ಲಿ ಹೆಂಡತಿಯೇ ಗಂಡನನ್ನು ಸಾರ್ವಜನಿಕವಾಗಿ ಅವಮಾನಿಸಿ ಕಿರುಕುಳ ನೀಡಿದ್ದಾಳೆ. ಕಚೇರಿಯಲ್ಲೇ ಎಲ್ಲರ ಮುಂದೆ ಪತಿ ವಿರುದ್ಧ ದಾಂಪತ್ಯದ್ರೋಹದ ಆರೋಪ ಮಾಡುವ ಮಟ್ಟಕ್ಕೂ ಹೋಗಿದ್ದಾಳೆ. ಪತಿಯ ಕಚೇರಿಯ ಮಹಿಳಾ ಕಾರ್ವಿುಕರಿಗೂ ಕಿರುಕುಳ ನೀಡುತ್ತಿದ್ದಳು. ಆತ ಹೆಣ್ಣುಬಾಕನೆಂದು ಚಿತ್ರಿಸಲು ಯಾವುದೇ ಅವಕಾಶ ಬಿಡುತ್ತಿರಲಿಲ್ಲ. ಈ ವರ್ತನೆ ಪತಿಗೆ ಕೊಡುವ ಹಿಂಸೆ ಎಂದು ಕೋರ್ಟ್ ಹೇಳಿದೆ.
